Rajat Neogy
Rajat Neogy yazaalibwa Gwekumineebiri nga 17 mu 1938 , n'afa Ogwekumineebiri nga 3 mu 1995), [1] [2] nga yali Munnayuganda ow'obuzaale bwa Buyindi Bengali, yali muwandiisi, muyimbi era mufulumya w'obutabo. Mu Kampala mu 1961, ku myaka 22, yatandikawo akatabo akaali kayitibwa Transition Magazine, akaagenda mu maaso n’ekafuuka akamu ku butabo obw'enjawulo n’amaanyi mu Afrika. [3] Mu bigambo bya Ngugi wa Thiong'o, "ye (Neogy) yali akkiririza mu mpisa z'ebirowoozo ez'obuwangwa obw'enjawulo n'enjuyi nnyingi, era yali ayagala okuwa ekifo ebirowoozo eby'enjawulo we bisobola okusisinkana, okukontana, n'okumulisa. Okukyuusakyuusa kyafuuka ensisinkano lw'abagezigezi olw'Afirika Empya ey'obuvanjuba, era ddala Afirika, eyasooka okufulumya abamu ku bagezigezi abakulembedde mu semazinga, nga mw'otwalidde." Wole Soyinka, Ali Mazrui ne Peter Nazaaleesi ." [4]
Ebimukwatako
[kyusa | kolera mu edit source]Neogy yazaalibwa era n’akulira mu Kampala mu Uganda. Yasoma eby’obutonde bw’abantu mu School of Oriental and African Studies e London, era gye yakolera n’okuwandiika mu kitongole kya British Broadcasting Corporation . [5] Oluvannyuma lw'okudda mu Uganda mu 1961, Neogy yatandikawo akatabo ka Transition, mu bbanga ttono akatuuka okutwalibwa ng'akatabo akaali kakulembera mu ddembe ly'okwogera mu Afrika. Mu 1962, era yakola kinene mu kutegeka olukung’aana olw’amaanyi olw’e Makerere olwa 1962 olw’abawandiisi ba African of English Expression, olwa kungaanya abawandiisi okuva mu Afirika n’Abafirika Abamerika omwali Ngũgĩ, J. P. Clark ne Langston Hughes. [6] Wabula okukola obulungi obw'akatabo ka Transition era bwateeka Neogy ku puleesa empya ey’eby'obufuzi. Mu 1967, kyazuulibwa nti akatabo ka Transition kaali kafunye obuvugirizi bw'ensiimbi okuva mu kitongole ky'ababenga ekya CIA mu ngeri etaali yabutereevu nga bayita mu kibiina kya Congress for Cultural Freedom (CCF), ekitongole ky’eby'obuwangwa ekyali kigenderera okuvugirira ssente okuwandiika okulwanyisa obukomunisiti okwetoloola ensi ekulakulana. Neogy yagamba nti yali tamanyi nsibuko ya nsimbi za CCF, kyokka n’avumirirwa nnyo bammemba b’eby'obufuzi bwa Obote obwali mu Uganda. [7]. Mu 1968 oluvannyuma lw'akatabo lw'okufulumizibwa kw'akatabo ka Transition okufulumya ekiwandiiko ekinene nga kivumirira obuyinza bwa gavumenti ya Uganda,yavunaanyibwa okukuunga abantu okuyeekera gavumenti ng'era kyamuvirako okumala emyezi ng'asibiddwa, nga tanaba kuteebwa.[8][9] Yalekulira Uganda n'agenda e Ghana mu 1970, gye yaddamu okufulumya ekitabo kya Transition ng'ali ne Wole Soyinka atwala omulimu gw'okusunsula. Neogy oluvannyuma yasenga mu Amerika. [8]
Neogy yafiira ku myaka 57 mu maka ge e San Francisco, gye yali amaze emyaka amakumi abiri.
Yazaalibwa ng'Omuhindu, Neogy yatuuka n'akyuua n'afuuka Omusiraamu, mu kusooka yali ayagala ku kikola mu lujudde ku muzikiti e Kibuli, wabula mukwano gwe Ali Mazrui n’amufalasira ng'amugaana , era n'amugamba nti kyandibadde kirungi okukyuka mu kyama. [10]
Ebijuliziddwaamu
[kyusa | kolera mu edit source]- ↑ Paul Theroux, "Obituary: Rajat Neogy", The Independent, 15 January 1996,
- ↑ California Death Index: Rajat Neogy
- ↑ Julius Sigei and Ciugu Mwagiru, "Humble magazine that nurtured Africa’s thinkers" Template:Webarchive, Daily Nation, 1 December 2012.
- ↑ Ngugi wa Thiong'o, "Asia in My Life", Chimurenga, 15 May 2012.
- ↑ "Rajat Neogy (1938-95) | Another World? East Africa and the Global 1960s". globaleastafrica.org. Retrieved 2023-05-24.
- ↑ "Rajat Neogy (1938-95) | Another World? East Africa and the Global 1960s". globaleastafrica.org. Retrieved 2023-05-24.
- ↑ "Electronic Prying Grows; C.I.A. Is Spying From 100 Miles Up; Satellites Probe Secrets of the Soviet Union ELECTRONIC AIDS TO PRYING GROW Two Nations Vie in Cosmic Surveillance Earthbound Gadgetry Developed, Too". The New York Times (in American English). 1966-04-27. ISSN 0362-4331. Retrieved 2023-05-24.
- ↑ 8.0 8.1 Eric Pace, "Rajat Neogy, 57, Founder of Journal on Africa", The New York Times, 11 December 1995.
- ↑ "Rajat Neogy (1938-95) | Another World? East Africa and the Global 1960s". globaleastafrica.org. Retrieved 2023-05-24.
- ↑ Mazrui, Ali A. (1996). "The Day I Stopped Rajat Neogy Becoming A Muslim". Transition (69): 8–9. ISSN 0041-1191.
Ewalala w'oyinza okubigya
[kyusa | kolera mu edit source]- Paul Theroux, " Rajat Neogy Yajjukirwa " Transition, No. 69 (1996), pp. 4–7.
- Paul Theroux,"Obituary: Rajat Neogy" he Independent, 15 Ogusooka 1996.