Richard Kanyerezi

Richard Bwogi Masembe Kanyerezi (13 Ogwomwenda 1934 – 30 Ogwekkumineebiri, 2019), yali Munnayugandaomusawo era nga munnabyanjigiriza. Mu kiseera we yafiira, yali Ssentebe w’olukiiko olufuzi olw’eddwaliro lya Kampala Hospital, eddwaaliro ly’obwannannyini nga yali omu ku baalitandikawo era nga yali omu ku bannannyini baalyo mu Kampala, ekibuga ekikulu ekya Uganda. Emabegako yaweerezaako nga Pulofeesa w'obusawo era akulira ekitongole ky'obujjanjabi obw'omunda mu Makerere University School of Medicine . Yali musawo omuwi w’amagezi, ng’akuguse mu by’endwadde z’ebinywa n'ennyingo z'omubiri .

Obuvo n'okusoma kwe

Yazaalibwa mu Buganda, nga 13 Ogwomwenda 1934, nga bazadde be ye Asanansio Masembe ne Manjeri Masembe. Yasomerako mu Mityana Primary School, nga tannakyuka kugenda mu Mityana Secondary School okusoma Siniya Eyookuna gye yamaliriza mu 1952. Mu 1953, yeegatta ku Kings College Budo okumaliriza Siniya Eyoomukaaga gye yamaliriza mu 1954. Mu 1955, yayingira Makerere University okusoma obusawo bw’abantu, n’atikkirwa mu 1963, ng’afunye diguli esooka eya Bachelor of Medicine ne Bachelor of Surgery. Oluvannyuma yasoma diguli eyookubiri eya Doctor of Medicine. Yasomerako mu Bungereza era n'aweebwa diguli ya Member of the Royal College of Physicians, nga mukugu mu by'endwadde z'ebinywa n'ennyingo. Oluvannyuma, yalondebwa okuba mmemba w’ettendekero ly’abasawo erya Royal College of Physicians . Era yasomera mu Harvard University, nga omuyizi Fulbright .

Omulimu gwe

Oluvannyuma lw’okudda okuva mu misomo emirala mu Bungereza mu 1967, Richard Kanyerezi yalondebwa okuba Omusomesa mu kitongole ky’obusawo bw’omunda mu yunivasite y’e Makerere . Ono amanyiddwa nnyo olw’okubeera mmemba ku ttiimu eyatandikawo pulogulaamu ya Master of Medicine ku yunivasite y’e Makerere. Oluvannyuma yalondebwa okuba Omusomesa Omukulu era mu 1976 n’alondebwa okuba Pulofeesa w’Ebyobujjanjabi. Okumala ekiseera okutandika okuliraana omwaka gwa 1980 okutuuka mu 1981, yaweereza ng’akulira ekitongole ky’obusawo bw’omunda mu yunivasite y’e Makerere . Yagenda mu buwanganguse obutali bw'eyagalire okuva mu 1981 okutuuka mu 1986. Oluvannyuma lw’okudda, ye n’abalala baazimba eddwaliro lya Kampala Hospital, eddwaaliro ly’ebyobulamu ery’omulembe ku kasozi ke Kololo mu masekkati ga Kampala.

Amaka ge

Richard Kanyerezi yali mufumbo n’omugenzi Gibwa Kanyerezi era nga bonna baali mu bazadde b’abaana bana, omu ku bo, Nandawula Kanyerezi Mutema mukugu mu ddagala ly’omunda, akola mu Kampala, Uganda. Gibwa Kanyerezi yafa mu 2010 era naawasa Connie Mbabazi Kanyerezi mu 2012.

Obulwadde n’okufa kwe

Ng’ebula wiiki bbiri n’ekitundu afe, Kanyerezi yafuna akabenje k’emisuwa gy’obwongo. Yafiira mu maka ge e Lubaga ( Rubaga ), mu bitundu by’okunjegooyego za Kampala, ekibuga ekikulu ekya Uganda, nga 30 Ogwekkumineebiri 2019. Yaleka mukyala we owookubiri Connie Mbabazi Kanyerezi n’abaana bana abakulu. Abawala babiri okuli Nakimera Kanyerezi Lubega ne Nandawula Kanyerezi Mutema bali mu kusoma busawo mu malwaliro amalungi ag’obwannannyini. Omwana omu ow’obulenzi, Timothy Masembe, munnamateeka mu kkampuni ya bannamateeka eya MMAKS Advocates esangibwa mu Kampala. Omwana owookubiri era owookuna mu baliddwa, Kawalya Kanyerezi, mukulu mu kitongole mu ddwaaliro lya Kampala Hospital .

Laba ne

• Eddwaaliro e Mulago
• MUCHS
• Minisitule y'ebyobulamu mu Uganda
• Olukalala lw'amalwaliro mu Uganda

Ebiyungo eby’ebweru

• Omugenzi Kampala Hospital Co-Founder Richard Bwogi Wakuziikibwa Lwakuna Okuva nga 1 January 2020.
• Mwai Kibaki: Omwagazi w’omuziki Afuuse Munnabyabufuzi
• Amalwaliro g'emmunyeenye ttaano gakyusa ebyobulamu