Roseline Konya

Roseline Konya

omuntu

Ekikula	mukyala
Ensi y’obutuuze	Nigeria
Erinnya eriweereddwa	Roseline
Erinnya lya famire	Konya
Gy'azaalwa	Khana
Omwagalwa	unknown value
Ennimi z'amanyi	Lungereza
Omulimu	academic, munnabyabufuzi, civil servant
Omukozesa	University of Port Harcourt
Ekifo ky'alimu	commissioner
Gyeyasomera	University of Port Harcourt
Affiliation	University of Port Harcourt
Mmemba w’ekibiina ky’ebyobufuzi	Peoples Democratic Party
Ediini	Christianity
Magnum opus	chairperson
Personal pronoun	L484

 

 From Wikidata

Roseline Sonayee Konya munnabyanjigiriza era munnabyabufuzi omu Nigeria okuva mu Khana, Rivers State. Pulofeesa mu by'obutwa n'eddagala mu yunivasite y'e Port Harcourt. Yakolako nga Kaminsona w'obutonde bw'ensi mu kabineti ya Gavana Peter Odili era n'addamu okulondebwa mu ofiisi y'emu mu kabineti ya Gavana Ezenwo Nyesom Wike. Era yaliko Ssentebe w'akakiiko k'abakozi ba gavumenti mu 1997.

Ebyafaayo n'okusoma kwe

Yazaalibwa mu Buan, Khana mu ssaza ly'e Rivers, Nigeria. Konya yasomera ku St Arthur’s Anglican Primary School, Buan gye yava n’agenda ku Mercy Secondary School, Okigwe (leero mu Imo State, Nigeria) okusoma siniya. Wabula yataataaganyizibwa olutalo lw’omunda mu Nigeria, olwatandika ku nkomerero ya 1967. Mu 1968, ng’olutalo lukyagenda mu maaso, yawandiisibwa ku Holy Rosary Secondary School, Port Harcourt gye yagenda mu maaso n'emisomo mu siniya okutuusa mu 1969. Okuva mu 1970 okutuuka mu 1971, yasoma emisomo gye egya A-level ku St. Anne’s School, Ibadan, gye yava n’agenda mu mpaka za The Council for National Academic Awards (CNAA), Bungereza, gye yafunira diguli ye eya B.Sc. mu Sayansi mu 1976 ate mu 1977 yafuna diguli eyookubiri okuva mu Loughborough University. Mu 1984, Konya yamaliriza pulogulaamu ye eya ddiguli eyookusatuokuva ku Brunel University, London.

Emirimu gye

Konya yatandika okukola ng’omuyambi w'omusomesa ku yunivasite y’e Port Harcourt mu 1979, oluvannyuma n’agenda mu Brunel University, Bungereza gye yafunira diguli ye eya Ph.D. Yaddayo e Nigeria mu 1984 n’agenda mu maaso n’okubeera omusomesa mu yunivasite y’e Port Harcourt. Nga tannalondebwa ku bwa Kaminsona w'obutonde bwensi mu Rivers State. Yaliko mu bifo ebiwerako era nga bino mulimu:

• Ssentebe, Protocol Subcommittee of Convocation Committee(1990)
• Dayirekita, Kampuni ya Delta Rubber (1991–1993)
• Kaminsona, Akakiiko k’abakozi ba gavumenti (1993–1996)
• Ssentebe, akakiiko k’abakozi ba gavumenti (1997–1999)
• Akulira ekitongole, Ekitongole ky’ebisolo n’obutonde bw’ensi (2001–2003)
• Mmemba, Olukiiko oluwabula ku by’ensoma, Institute of Petroleum Studies (IPS)
• Akwasaganya embeera z'abayizi, School of Graduate Studies
• Pioneer Provost, School of Graduate Studies

Mu mwaka gwa 2003, Konya yakuzibwa n’afuna ekifo kya Pulofeesa w’ebyobulamu by’ebisolo n’obutonde bw’ensi.

Ye ssentebe wa, Akakiiko ak’ekikugu akassa mu nkola Ebiteeso by’alipoota ya Gavumenti y’essaza ly’e Rivers ku nfuufu

Engule

• Engule y’obukulembeze obw’ekitiibwa mu tekinologiya w’obutonde bw’ensi eyakolebwa ekibiina ky’abasuubuzi mu Bungereza nga basiima ebituukiddwaako ebirungi n’okumanyika mu bukulembeze mu 2004.
• Yayogerwako mu ngule ya WHO IS WHO for Excellence in Management Intelligence Special Merit Award mu Gwekkumi, 2008
• Merit Award okuva mu kibiina ky'abayizi aba Animal and Environmental Biology Students Association nga omusomesa asinga okubeera omulungi - Gwamwenda, 2010
• Engule y’akakiiko k’abakulu n’abakulira essomero lya Post Graduate School (CDPGS) mu Nigeria – Gwakkumineebiri 2012

Obulamu ku bubwe

Roseline Konya yali yafumbirwa Barido Konya kati omugenzi, gwe yazaalamu abaana basatu.

Ye ssentebe w’olukiiko lw’aba Methodist Knights Council eyasooka mu– Port Harcourt Archdiocese; era omukazi eyasooka mu Methodist Knight mu masaza g'e Rivers ne Bayelsa.