Rutamirika

Winkle Wa Karitundu, Munnayuganda mu by’ekikugu amanyiddwa nga Rutamirik nga yali muwandiisi wa mizannyo, munnakatemba, afulumya eby'emizannyo, omuyimbi era omuwandiisi w’ennyimba. Yeeyali asinga ettutumu mu Bugwanjuba bwa Uganda ne Rwanda.

Omulimu gwe

Rutamirik yawandiikanga era n’afulumya firimu ku miwendo emitono n’okukola ku siteegi mu nnimi z’Olurunyankole-Rukiga okuva ku nkomerero y’emyaka gya 1980 ng’amannya ge amatuufu yeeyali Winkle Karitundu. Wabula yafuna obuganzi bwe yazannya ekifo kya Rutamirik mu firimu ye eya Rutamirika mu myaka gya 1990 . Oluvannyuma yatandika okukozesa Rutamirik ng’erinnya lye ery’ekikugu mu mizannyo gye yaddamu okufulumya. Yatandikawo n’okwegatta ku kiraabu za katemba eziwerako omuli Abafirika Entertainment, Kigezi Kinimba Actors, Ankole Actors, Banyakitara ne Rugo Actors nga zonna ziri mu Bugwanjuba bwa Uganda, era muganda we Nyangi mufulumya wa nnyimba e Mbarara.

Okufa kwe

Rutamirik yatemulwa ku mulyango gw’amaka ge e Kevina, Nsambya, mu Kampala mu kiro ekyakeesa 15 Ogwokusatu, 2008 bwe yali ne mukyala we nga bakomawo awaka okuva mu kiraabu yaabwe eya Texas Club Nsambya eyali okumpi n'ewaabwe. Okunoonyereza kulaga nti Rutamirika yattiddwa omusuubuzi w’eby’obugagga eby’omu ttaka okuva e Congo ayitibwa Christiano Bulira ng’ayambibwako mukyala wa Rutamirik. Bulira yali asisinkanye Rutamirik mu kiraabu y’e Texas gye yali kasitoma owa bulijjo era ng’asaasaanya ssente nnyingi, era yali afuuse mukwano gwe. Oluvannyuma yafuuka omwagalwa wa mukyala wa Rutamirik era bombi ne bategeka okutta Rutamirik basobole okukuuma omukwano gwabwe nga kw’otadde n’okufuuka abakolagana mu kiraabu eno. Bulira ne Muky. Karitundu baggulwako emisango nga 23 Ogwokubiri 2011. Nga wayise omwaka gumu, Bulira yaweebwa ekibonerezo ky'akusibwa emyaka 50 ate Muky. Karitundu n'asiba 25olw'okuyambako mu kutta bba. Omulamuzi Justice Catherine Bamugemereire owa kkooti ensukkulumu mu Uganda yagamba nti mu butuufu Mukyala Karitundu teyakuba bba wabula yeetaaga okubonerezebwa olw’okuteekateeka ettemu.

Mu 2008, oluvannyuma lw’okufa kwe, waaliwo okukungubaga okwategekebwa ku Uganda National Theatre ku lwa Rutamirik nga eno gye baatongoleza firimu eyatuumibwa Bye Bye Rutamirika nga yali ekwata ku bulamu bwe n’emirimu gye. Yategekebwa ekibiina kya Abfirika Group, ekibiina kya katemba Rutamirik gye yali omuyambi wa dayirekita.

Firimu ze

• Tindarwetsire
• Rutamiraka
• Omwaana w'abandi
• Bye Bye Rutamirik