Samson Kasumba
Samson Kasumba munnayuganda omusumba, omusomi w’amawulire alina pulogulaamu kwaweereza. Akola ne ttivvi ya NBS . [1]
Obuto bwe n’okusoma
[kyusa | kolera mu edit source]Kasumba yasomera mu Kireka SDA Primary School nga tannakyusibwa n’amaliriza pulayimale ye ku Nakasero Primary School. Yagenda e Kyambogo College School okufuna satifikeeti ye ey'obuyigirize eya Uganda, oluvannyuma yagenda ku Kololo High School okufuna satifikeeti ye ey'ebyenjigiriza eya Uganda Advanced . Yayingira okufuna dipulooma mu by'emikono n'okukola dizayini ku yunivasite y'e Nkumba . Oluvannyuma yaddayo mu yunivasite y’emu okufuna ddiguli ye.
Nga tannamaliriza diguli eyo, yalekawo kkoosi eyo gyeyali akola n’agenda okusoma diguli mu by’eddiini ku Bugema University, ng’agenderera okusoma Katonda obuyinza bwe, amannyi ge eri ensi abantu n'ebintu byonna byeyatonda wamu n’okukola okuyitibwa okw’obwakatonda okusumba ebibiina. Kyokka bwe yali e Bugema abasomesa ba DVC ku yunivasite eno baazuula obusobozi bwe n’okwagala ennyo ennimi za Baibuli (Oluyonaani n’Olwebbulaniya), ekyamuwaliriza okukyusa ekkubo lye okuva mu busumba bw’amakanisa, ne kimuggulirawo ekkubo eppya mu by’ensoma. Eno y’engeri gye yayungibwa ku sikaala y'abayizi abaddugavu eya African Students’ Scholarship fund okusoma diguli eyookubiri ku University of Wales Lampeter . omuwabuzi we mu by'okusoma owa ddiguli ey'okubbiri eya master’s degree yawaliriza Kasumba okweyongerayo n’afuna diguli eyookubiri (PhD); wabula yalemesebwa olw’ebyensimbi. Yawalirizibwa okukomawo mu ggwanga lye okusomesa eby’eddiini ku yunivasite y’e Bugema. Oluvannyuma yayimirizibwa olw’endowooza ze ezaali zaawukana ku nzikiriza ye ey’Abadiventi ey’olunaku olw’omusanvu. [2]
Eby'emirimu bye
[kyusa | kolera mu edit source]Kasumba yatandikka emirimu mu 1996 butereevu nga yakava mu yunivasite okwegatta ku Selected Reminiscences of President Yoweri Museveni, magazini efuluma buli luvannyuma lwa myezi essatu. Yatandikka bizinensi z’obwannannyini, ng’akolera ku luguudo lwa Nasser Road ne Johnson Street. Yakolanga emirimu ebbiri okuli ogw'okubeera maneja wa Jeremy Car Wash, ne Monitor FM nga omukozi waayo owa Gospel Show . Yakolako ng’omusomesa ku yunivasite y’e Bugema era nakolako obwa nakyewa mu kibiina ekigatta amadiini ag'enjawulo ekya Interreligious Council of Uganda nga tannadda mu kibiina kye kimu okukulira ebyempuliziganya. [3] Yali akola ne Urban TV Uganda nga tanaba kwegatta ku NBS Television mu 2016. [4] Yali omu ku baali basasanya omulamwa gwa Topowa ogwaleetebwa ekibiina kya CCEDU, ekibiina ekyali kimanyisa abantu ku ddembe lyaabwe mu kulonda kwa bonna okwa 2016. [5]
Kasumba yakwatibwa ku bigambibwa nti yatyoboola ebiragiro bya gavumenti eby'okukomya okusasaana kw'ekirwadde kya COVID-19 . [6] [7]
Ebiwandiiko ebikozeseddwa
[kyusa | kolera mu edit source]- ↑ "Samson Kasumba Brief Biography". Latest News In South Africa Today (in American English). 2020-04-21. Retrieved 2020-06-27.
- ↑ Baike, Prisca. "Samson Kasumba talks about that accent and being a pastor". The Observer - Uganda (in British English). Retrieved 2020-06-27.
- ↑ Lugaaju, Godfrey (2016-11-12). "A lot more than meets the eye". Daily Monitor (in Lungereza). Retrieved 2020-06-27.
- ↑ "A big catch for Urban TV's Samson Kasumba as he switches to NBS TV". Matooke Republic (in American English). 2016-08-09. Retrieved 2020-06-27.
- ↑ "CCEDU Evaluates Its Topowa Campaign". www.fhri.or.ug (in British English). Retrieved 2020-06-27.
- ↑ klasun_admin. "NBS TV journalist Samson Kasumba arrested, home searched | Kampala Sun" (in American English). Archived from the original on 2020-06-29. Retrieved 2020-06-27.
- ↑ "Breaking: NBS TV's Samson Kasumba arrested". Nile Post (in American English). 2020-04-21. Retrieved 2020-06-27.