She Corporates Football club

She Corporates FC kiraabu y'abakyala abasamba omupiira Uganda esangibwa mu ggombolola y'e Nakawa mu kibuga Kampala .

Ebyafaayo

She Corporate yeetaba mu mpaka zabakyala ez'omupiira eza FUFA Women Super League ezasooka mu mwaka 2015 era omwaka gwa 2021 gugenda okutuka nga She Corporates ne Kawempe Muslim Ladies ze ttiimu zokka ezeetaba mu mpaka ezasooka ezaali zikyazannya .

Mu mwaka gwa 2021-2022, She Corporate oba 'Sharks' yawangula ekikopo kya liigi ya Uganda eyabakyala nga eno bawangula ku lunaku olwasembayo oluvannyuma lw'okulemagana ne Kampala Queens mu mipiira ogwasembayo. Bwetyo She Corporate neerangirirwa ku buwanguzi ku njawulo ya ggoolo zeyali esinga ku Kampala Queens. Ku mulundi gwegumu She Corporate era yeyavaamu omuzannyi eyasinga okwolesa omutindo omulunji (Phiona Nabbumba) wamu n'omukwasi wa ggoolo owa sizoni (Daphine Nyayenga) . Oluvannyuma lw'okuwangula empaka zino kiraabu eno eyitamu okugenda mu mpaka z'okusunsulamu abaali ab'okuzannya mu liigi ya Afrikaey'omupiira ogwabakyala. Empaka zino zaavuganyizibwa ku mutendera gwa bintundu oba regions era Sharks yali mu mpaka eza CECAFAera yavuganya okutuuka ku mutendera ogwakamalirizo oba fayinolo era nekwata kyakubiri oluvannyuma lwokuwangulwa kiraabu eya Simba Queens okuva mu ggwanga lya Tanzania ggoolo 1-0. .

Yadde nga She Corporate yakola bulunji mu sizoni ya 2021/22, sizoni eyaddako ebintu tebyajitambulira bulunji netuuka n'okusalwako okuva mu kibinja ekisooka oluvannyuma lw'okumalira mu kifo ekyomwenda.She Corporates yasalwako oluvannyuma lw'okugwa amaliri ga ggoolo 2:2 ne Kawempe Muslim yadde nga baali basoose kukulembera mupiira ogwo ggoolo 2:0 ezaateebwa abazannyi Zain Ithungu ne Margaret Namirimu okutuuka mu ddakiika 15 ezaasembayo Agnes Nabukenya ne Susan Nalukoda lwe bateeba ggoolo za Kawempe ezaviirako Corporates okusalwako.

Mu sizoni ya 2023/2024 She corporates yali mu kibinja eky'okubiri mu omupiira gwabakyala ekya FUFA Women Elite League era neboolesa omutindo ogwa waggulu ennyo okukkana nga ekikopo bakiwangudde era nebaddamu okusuumusibwa okudda mu liigi enkulu eya FUFA Women Super League bwebamegga Olila High School Women FC mu kakodyo ak'okusimulagana peneti 6:5 oluvannyuma lwokugwa amaliri ga 0:0 mu dakiika 90 ezasooka. Omupiira guno gwazannyirwa ku kisaawe kya Standard High School Zzana ettabi erisangibwa e Ndejje.

Byebawangudde

FUFA WOMEN SUPER LEAGUE:

• Omulundi gumu 2021-2022
• Bakwata ekifo kyakubiri mu Sizoni ya 2015-2016

Liigi ya CECAFA Champions League

• Yatuuka ku fayinolo mu 2022