Sheikh Abdullahi Ssekimwanyi
Sheikh Abdullah Ssekimwanyi ye Munnayuganda eyasooka okulamaga e Makka mu Saudi Arabia mu myaka gya 1920. Okulamaga e Makka ye mpagi ey'okutaano oba ekikolwa ekiraga n'okunyikiza okukkiriza mu Busiraamu . Bwe yakomawo, yakuutira Abasiraamu okukomya okusaba Dhuhuri (eswala y'omuttuntu ku Lwokutaano). Era yatandika okuvvuunula khutuba (okubuulira) ku Lwokutaano mu Luganda n’ennimi endala ez’obuzaliranwa. Ono ye mutandisi w’ekibiina kya Africa Muslim Community, ekiwayi kya Juma, eky’e Bukoto-Nateete. [1] [2] Okuva mu Gwomusanvu 2009, kisuubirizibwa nti mu Uganda mulimu Abasiraamu ababalirirwamu 3,916,717. [3]