Simon Ejua
Simon Ejua Munnayuganda, munnabyabufuzi. Yali minisita w’ebyentambula mu kabineeti ya Uganda okuva nga 1 Ogwomukaaga 2006 okutuuka nga 27 Ogwokutaano 2011. [1] Yasimatukka okusulibwa mu nkyukakyuka ezakolebwa mu kabineeti nga 16 Ogwokubiri 2009. [2] Mu nkyukakyuka ezakolebwa mu kabineeti nga 27 Ogwokutaano 2011, yasulibwa oluvanyuma n’asikizibwa Stephen Chebrot [3] eyali aweereza nga Memba mu Paarliamenti, akiikirira essaza ly'e Vurra mu Disitulikiti y'e Arua, okuva mu 2006 okutuuka mu 2011. Mu kalulu ka bonna aka 2011, yafiirwa ekifo kye mu Paalamenti eri Sam Agatre Okuonzi, munnabyabufuzi atalina kibiina nga ye mubaka ali mu ntebe mu kitundu ekyo. [4]
Obuvo n'emisomo gye
[kyusa | kolera mu edit source]Yazaalibwa mu Disitulikiti y’e Arua nga 3 Ogwomunaana 1968. Alina Diploma mu by’obusuubuzi, gye yafuna mu 1993 okuva mu Uganda College of Commerce, eryafuuka ebbanguliro ly'emisomo gya biziness erya Makerere University Business School mu 1997. Mu 2000, yafuna diguli ey'okubiri mu by’obusuubuzi mu kubala ebitabo okuva mu Ssettendekero wa Makerere . Yagenda mu maaso n’afuna dipuloma ey'enyongereza mu kukwasaganya eby'ensimbi eya Diploma in Financial Management okuva ku Uganda Martyrs University, mu 2003. Alina ne satifikeeti mu by'empuliziganya eya Certificate in Information Technology, gye yafuna mu 2003 okuva mu kkampuni ya Fintech Business Technology Solutions.
Obumanyirivu mu mirimu
[kyusa | kolera mu edit source]Mu 1994, Simon Ejua yakola nga kalabaalaba w'obutale mu Disitulikiti y’e Arua . Mu 1995, yakola okumala emyezi etaano ng’omuyambi wa bbaasa ku ssomero lya St. Charles Lwanga Secondary School e Koboko, mu Disitulikiti y’e Koboko . Oluvannyuma mu 1995, yalondebwa nga omubalirizi w’ebitabo mu ofiisi y’omubalirizi w’ebitabo bya Uganda, nga yaweereza mu kifo ekyo okutuusa mu 2005. Yayingira eby'obufuzi mu 2006, ng’avuganya ku kifo ky'omubaka mu Paalamenti ow'Essaza lye Vurra mu Disitulikiti y’e Arua. Yalondeddwa ku kaadi y’ekibiina ky’ebyobufuzi ekya National Resistance Movement . Yalondebwa okwegatta ku kabineeti mu 2006. Yafiirwa ekifo kye mu Paalamenti n’eku kabineeti nga 18 Ogwokusatu 2011 [4] ne nga 27 Ogwokutaano 2011, [3] .
Laba ne
[kyusa | kolera mu edit source]Ebijuliziddwa
[kyusa | kolera mu edit source]- ↑ https://web.archive.org/web/20141211112501/http://www.newvision.co.ug/D/8/12/501695
- ↑ https://web.archive.org/web/20150213214754/http://www.newvision.co.ug/D/8/12/671730
- 1 2 https://www.facebook.com/note.php?note_id=10150208384704078&comments Cite error: Invalid
<ref>tag; name "Dropped" defined multiple times with different content - 1 2 https://web.archive.org/web/20100902055706/http://www.newvision.co.ug/D/8/12/730533 Cite error: Invalid
<ref>tag; name "Lost" defined multiple times with different content