Ssendi Mosh Afrikan

  

Ssendi Mosh Afrikan (yazaalibwa 27, Omwezi ogwokutaano 1982), amanyiddwa ennyo n'erinnya lye erya siteegi Mr Mosh Live, munnayuganda omukozi w'okuleediyo ne ttivi ,,kalabaalaba wa mikolo , omutendesi w'emikutu gy'amawulire, omulwanirizi w'eddembe ly'obuntu era munnabyabufuzi.

Ye Loodi kkansala akiikirira Makindye ey'obuvanjuba III mu lukiiko lwa Kampala Capital City Authority (KCCA), ekitongole ekiddukanya ekibuga ekikulu ekya Uganda Kampala .

Ebikwata ku bulamu bwe

Ssendi Mosh Afrikan yazaalibwa mu 1982 mu maka g’omugenzi Hassan Wasswa ne Mukyala Kulthum e Seeta mu disitulikiti y’e Mukono mu masekkati ga Uganda. Kitaawe yaweereza mu magye ga Uganda ng'omuvuzi w'ennyonyi mu magye.

Mosh yasomera ku Mwiiri Primary School ne Jinja Army Boarding School nga tanneegatta ku St. Francis Secondary School ku misomo gye egya siniya eyokunna (S.4).

Oluvannyuma yeewandiisa ku ssomero lya Old Kampala Secondary school ku misomo gye eggya siniya eyomukaaga (S.6) ne yunivasite ya Cavendish Kampala ku ddiguli esooka mu by’amawulire n’ebyempuliziganya.

Omulimu gw'okuyimba n'emikutu gy'amawulire

Ng’ali ku ssomero lya Old Kampala Secondary school, Mosh yatandika okutegeka obubaga obw’okwesanyusa oluvannyuma lw’okukakasa mu mazina g’essomero.

Ku ntandikwa y’emyaka gy'enkumi ebbiri ( 2000) , yasisinkana abayimbi ba Uganda Bebe Cool, Jose Chameleone, ne Bobi Wine, mu kiseera ekyo, abaali batandika emirimu gyabwe egy'okuyimba. Abasatu baali bayimba ku mukolo mu kitundu era Mosh yaweebwa omukisa okwolesa obukugu n'obukodyo bwe mu kukyusakyusa ennyimba okuggya mu mbeera eba eriwo (free style) kye yakola naasanyusa abangi

Oluvannyuma yagiranga naasisinkana ekibiina ky'abayimbi ekya ba Ngoni okukwata oluyimba lwe olwasooka "Ndi ku diggi" lweyayimba n'ekibiina kino.

Oluyimba luno lwazannyibwa ku leediyo ne ttivvi za Uganda nez'Obuvanjuba bwa Afirika. Obuwanguzi bw’oluyimba luno bwamufunyisa omulimu mu ttivi ya WBS gye yaweereza pulogulaamu eyali esinga endala zonna.

Mosh yava ku Ttivvi ya WBS n’agenda okwegatta ku ttivvi ya Vision Group eya Urban TV n’oluvannyuma Galaxy FM 100.2, leediyo esinga okuwulirizibwa abavubuka ng’esangibwa mu Kampala mu 2012 gye yawangula engule ssatu (3 ) ng'omuweereza wa leediyo asinga okuweereza abatiina

Ku Galaxy FM Mosh era yakola ng'omwogezi w'omukutu era addukanya ekifaananyi n'omutimbagano gwayo. Mu 2016, yaweebwa omulimu ttivi ya Spark eyakkampuni ya Nation Media ng'aweereza pulogulaamu y'omutuntu eyitibwa"cheza".

Omulimu gwe ogwa leediyo , okuyimba ne ttivi yayongerezaako okuba kalabaalaba ku mikolo gy’okuyimba egiri ku mutendera gw'ensi yonna egiriko abayimbi abawangudde ku ngule ya Grammy, Shaggy, Wyclef Jean, Beenieman, Morgan Heritage n'abalala nga Tarrus Riley, Konshens, Busy Signal, Burna Boy n'abalala bangi

Yava ku ttivi ne leediyo mu 2020 ku lw'ensonga ze ez'obuntu.

Mr. Mosh oluvannyuma mu mwaka ogwo yatongoza essomero lya Zenji Talent School ekifo ky’abavubuka eky’okubatendekeramu ebiyiiye eby'ekola endigito ,mu kaweefube w’okuyamba abavubuka abanaku mu bubuga bwa Kampala okufuna obukugu obwetaagisa ku katale k'emirimu.

Emirimu gy'ebyobufuzi & Activism

Mu 2021, Mosh yeetaba mu kulonda kwa Uganda okwa bonna. Yavuganya ku kifo kya Loodi kkansala ow'eggombolola y'e Makindye mu kibuga kya Uganda ekikulu Kampala . Yalondebwa, n’afuuka Kansala wa Makindye East III mu Kampala Capital City Authority, olukiiko olufuga ekibuga.

Ye Ssentebe w’akakiiko ak’ekikula ky’abantu, obuweereza bw'ebitundu n’okukola emirimu mu lukiiko lwe lumu. Mosh n'era mmemba wa kakiiko k'ekibuga ak'ebyenjigiriza n'obuweereza bwa gavumenti obwa bonna mu kibuga

Mosh mmemba mu kibiina ekivuganya gavumenti ekya National Unity Platform ekikulemberwa Bobi Wine .

Ebijuliziddwa

1. "I intend to have 15 children – Mr Mosh". Monitor (in Lungereza). 2021-01-06. Retrieved 2022-07-20.
2. Codingest (2021-07-23). "KCCA Lord Councilor Mr Mosh donates food to over 3000 people in Kampala". POA TV (in Lungereza). Archived from the original on 2022-07-21. Retrieved 2022-07-21.
3. Mwesigwa, Solomon (2022-02-03). "Mr. Mosh Ssendi arrested and detained at CPS". MBU (in American English). Retrieved 2022-07-21.
4. Ruby, Josh (2021-01-21). "Tears for Anatalia, VJ Junior, Jaxta as Mr Mosh, Masembe win in elections". MBU (in American English). Retrieved 2022-07-23.
5. "BIOGRAPHY: INSPIRING STORY OF MR. MOSH". BIOGRAPHY. Retrieved 2022-07-20.
6. Mugisha, Crispus (2021-02-19). "Mr. Mosh quits TV, Radio, says circumstances are beyond his control". Nile Post (in American English). Retrieved 2022-07-20.
7. Republic, Matooke (2021-02-19). "Mosh quits Galaxy Fm and Spark TV-opens up talent training school". Matooke Republic (in American English). Retrieved 2022-07-20.
8. BigEyeUg7 (2021-02-19). "Mr. Mosh quits media". BigEye.UG (in American English). Retrieved 2022-07-21.
9. "Mr Mosh: Why I quit my two media jobs after so many years of service". Watchdog Uganda (in British English). 2021-02-20. Retrieved 2022-07-21.
10. "Lord Councillor Mr Mosh Elected To Chair Top City Hall Committee". Uganda Mirror (in American English). 2021-06-16. Retrieved 2022-07-20.
11. Jamal, K. Y. (2021-06-16). "Mr Mosh Appointed New Kampala City Chairperson Gender, Community Service & Production Committee". Celeb Patrol UG (in American English). Archived from the original on 2022-07-20. Retrieved 2022-07-20.
12. "Lukwago appoints governing board members to represent higher institutions". New Vision (in Lungereza). Retrieved 2022-07-20.
13. Ruby, Josh (2022-02-17). "Mr. Mosh decries 'Kitalya torture' and 'illegal detention'". MBU (in American English). Retrieved 2022-07-21.