St. Mary's College Kisubi

St. Mary's College Kisubi (SMACK) ssomero lya bwannannyini, ery'ekisulo, erya siniya esooka okutuuka ku yoomukaaga nga lisangibwa mu Disitulikiti y'e Wakiso mu makati ga Uganda. Yatandikibwawo mu 1906.

Ekifo

Essomero lya SMACK

Essomero lino liri Kisubi ku mabbali g’oluguudo lwa Kampala–Entebbe, nga liri kilomita 24(15 mi), ku luguudo, mu bukiikaddyo bwa Kampala, ekibuga ekikulu ekya Uganda era ekibuga ekisinga obunene. Zino ziri nga kilomita 14 (8.7 mi), ku luguudo, mu bukiikakkono bwa Entebbe International Airport, ekisaawe ky’ennyonyi ekikulu eky’abantu baabulijjo n’amagye mu Uganda. Enkokola z'essomero lino ziri 0°07'17.0"N, 32°32'00.0"E (Latitude:0.121389; Longitude:32.533333).

Ebyafaayo

Essomero lya St. Mary lyatandikibwawo Reverend Raux Modeste ow’ekibiina kya White Fathers Congregation mu 1906 era lyatuumibwa erinnya ly’omuyambi waalyo, Saint Mary. Olwaleero Obusumba bw’Abakatuliki mu Kampala bwe bunnannyini St. Mary’s College Kisubi (SMACK). Ku ntandikwa ya 1899, abaami b’Abakatoliki mu Bwakabaka bwa Buganda, nga bakulemberwa Omwami Stanislas Mugwanya, baaleeta ekibuuzo ky’okusomesa abavubuka Abakatoliki mu bwakabaka ku nsoma ya Siniya. Okusaba kwabwe kwateekebwa kwebyo eb'okutunulwamu olukiiko lwa August olwa White Fathers ' General Chapter e Algiers mu 1900. Mu kaweefube oyo, SMACK yatandikibwawo.

Ekitiibwa

Okusinziira ku alipoota eyafuluma mu 2018, St.Mary's College Kisubi ly'erimu ku ssomero ery'ekitiibwa mu Uganda olw'ebyenjigiriza ebiri ku mutindo ogwawaggulu saako okuteekateeka abayizi baabwe. Essomero lino liwa ebyenjigiriza ebikubiriza okulowooza okwetongodde n’okukulaakulana.

St. Mary’s yatandika ng’erina ebizimbe nga 10 byokka. Ekisinga obukadde ku byo kyali kisulo kya myaliiro ebiri eky’abayizi ba Siniya esooka n'eyookubiri oluvannyuma kye basuula ne bazzaawo Chemistry Laboratory eriwo kati. Block y’okuddukanya emirimu yasigala nga tekyuse okuva emabega na kati. Nga eyimiridde wakati mu ttendekero lino, ekola nga bbulooka esinga okubeera wakati ku ssomero.

Ebisulo

Mu byafaayo byayo byonna, St. Mary's College Kisubi ekuumye ebisulo bina. Ekisulo ekyokutaano ki Centenary HSC, kirimu abayizi ba A’Level.

1. Lourdel House - eyatuumibwa erinnya lya Fr. Simon Mapeera Lourdel, Omuminsani wa Roman Catholic eyasooka mu Uganda
2. Mugwanya House - yatuumibwa erinnya lya Stanislaus Mugwanya, eyali Omulamuzi (Ssaabalamuzi) wa Buganda era nga ye mukulembeze w’Abakatoliki eyali ayambako Kabaka Daudi Chwa II
3. Kakooza House - yatuumibwa erinnya ly’omukulembeze w'abayizi Omunnayuganda/Omufirika eyasooka.
4. Kiwanuka House - yatuumibwa erinnya lya Ssaabalabirizi Joseph Kiwanuka, Omufirika enzaalwa eyasooka okulondebwa okuba Ssaabalabirizi w’ekelezia ya Roman Catholic Church mu Buvanjuba Bw'afirika

Yunifoomu

Abayizi ba SMACK okuva mu 1906 okutuuka ku ntandikwa y’emyaka gya 1960 baayambalanga empale ennyimpi n’essaati enjeru nga yunifoomu yaabwe. Abaasobola okwetuusaako engatto baazambalanga ate abalala ne basigala mu bigere. Olw’emyaka emingi egy’okukulaakulana, yunifoomu n'akabonero bigenze bikyukakyuka mu ndabika. Abayizi olwaleero bambala essaati enjeru ng’eriko ettaayi ya bbululu nga bano ba O'level, ettaayi eriko emisono eri abayizi ba A'level n’empale enzirugavu. Blazers zaafuuka za tteeka eri abayizi bonna abali ku ddaala erya waggulu

Lord Snowdon, mu 1964, yaggulawo etterekero ly’ebitabo ery’ekijjukizo erya SMACK, oluvannyuma lw’okufa kw’abayizi 12 mu kabenje k’emmotoka. Abamu ku bayizi bano baali ku ttiimu y’omupiira ey’essomero eyali egenze okwetaba mu mpaka mwe baavaayo nga bawanguzi. Bwe baali bakomawo okuva mu mupiira nga bajaganya, amagye ga Milton Obote gaabateebereza okuba abayeekera era loole y'essomero eyali ne bbaasi y'essomero eyali yetisse abayizi, yatomerwa loole y'amagye n'egwa wansi. Ng’oggyeeko abantu 12 abaafa, omuwendo omunene ennyo gwalumizibwa ku lunaku olwo. Leero, emiti ekkumi n’ebiri egyasimbibwa nagyo okujjukira abayizi bano gikyayimiridde waggulu okumpi ddala ne block ya Siniya eyoomukaaga.

Essomero lino erigenda likula buli kiseera, ng'ovudde ku kulaakulana yaayo ey’ebizimbe, lyatongoza emizannyo egiwerako nga ensero, omupiira gw'ebigere, okuwuga ne hockey.

Ekizimbe kya St. Mary ekisinga obuto kitudde waggulu ku kasozi Kisubi ng’ekisinga obuwanvu n’okutuusa kati. Ekizimbe ekipya eky’emyaliiro esatu, nga kibalirirwamu obuwumbi Shs.2.9, ekola nga bbulooko empya eya HSC, ng’edda mu kifo kya bbulooko enkadde eya S5 ey’omwaliiro gumu eyayimirira nga yeegolodde okuva lwe yatongoza ensoma ku ddaala ya A'level mu SMACK mu biseera ebiyise.

Abayizi abasomeddeyo

Ekibiina ekigatta abayizi abasomerayo ekya SMACK Old Boys’ Association (SMACKOBA), ekyatandikibwawo mu 1918, kibadde kyenyigira mu kuddukanya essomero lino mu ngeri emu oba endala okuva lwe lyatandikibwawo mu kitundu ekisembayo eky’ekyasa eky’amakumi abiri. Nga bayitiddwa mu myaka gy'e 60, Old Boys yatwala obuvunaanyizibwa ku c ya circular profile, naye olw’omuwendo, enteekateeka eriwo kati yakwatibwa ng’eraga empungu omuzira ng’ebuuka.

Abayizi abamanyiddwa ennyo mu St. Mary’s College Kisubi (Old Smackists) kuliko abamyuka ba Pulezidenti ba Uganda basatu, ba Ssaabaminisita ba Buganda bana, ba Ssaabawolereza ba Gavumenti babiri, Sipiika wa Palamenti, baminisita ba kabineti, abalamuzi, bannamateeka, abasuubuzi, abayiiya ab’ettutumu n’abasomesa ab’ebitiibwa.

Bannabyabufuzi

• Edward Ssekandi – eyali omumyuka wa pulezidenti wa Uganda, 2011-2021, era eyali Sipiika wa Palamenti, 2001-2011
• Gilbert Bukenya – eyali omumyuka wa pulezidenti wa Uganda, 2003 – 2011
• John Babiiha – eyali omumyuka wa pulezidenti wa Uganda, 1966-1971
• Paul Kawanga Ssemogerere – eyali omubaka wa palamenti eyakiikirira North Mengo, 1962–1966; Pulezidenti w’ekibiina kya Democratic Party 1972–1986 ne 2001–2005; eyavuganya ku bwapulezidenti mu 1986 ne 1996
• Henry Kajura – Omumyuka wa Ssaabaminisita owokubiri era Minisita w’abakozi ba gavumenti, okuva mu 2006
• Matia Kasaija – Minisita w’ebyensimbi mu Uganda mu kiseera kino
• Hilary Onek – Minisita w’obuyambi, okwetegekera obutyabaga n’ababundabunda mu kiseera kino ; akiikirira Lamwo County mu Palamenti ya Uganda, okuva mu 2011
• Omara Atubo – eyali Minisita w’ettaka, amayumba n’enkulaakulana y’ebibuga, 2006–2011; eyali omubaka wa palamenti mu Otuke County, 1987–2016
• Gerald Karuhanga – omubaka wa palamenti akiikirira munisipaali y’e Ntungamo, 2016–2031
• Vincent Kaheeru - omubaka wa palamenti wa Kyaka North mu kiseera kino
• Solomon Osiya - mu kiseera kino omubaka wa palamenti mu Toroma County
• Charles Ayume - omubaka wa palamenti mu Munisipaali y'e Koboko mu kiseera kino
• Gerald Kasigwa - omubaka wa palamenti mu ssaza ly'e Kigorobwa mu kiseera kino
• Shyaka Bashaija - omubaka wa palamenti mu Munisipaali y'e Entebbe mu kiseera kino
• Otto Makmot - mu kiseera kino omubaka wa palamenti mu Agago County
• Hassan Fungaroo - mu kiseera kino omubaka wa palamenti mu Obongi County
• Michael Mabikke – eyali omubaka wa palamenti Makindye East, era eyali pulezidenti w’ekibiina kya Social Democratic Party
• Baguma Isoke - eyali ssentebe w'akakiiko ka Uganda Land Commission, 2013-2019
• Andrew Ojok Oulanyah - omubaka wa palamenti akiikirira Omoro County, 2022 - 2031
• Boniface Okot - Omubaka wa Palamenti y'abavubuka mu kitundu ky'obukiikakkono, 2021 - 2026

Obwakabaka bwa Buganda

• Charles Peter Mayiga – Katikkiro (Ssaabaminisita) w’Obwakabaka bwa Buganda, May 2013–na kati
• JB Walusimbi – Eyali Katikkiro (Ssaabaminisita) w’Obwakabaka bwa Buganda, 2008-2013
• Emmanuel Lujumwa Ssendaula - eyali akola nga Katikkiro (Ssaabaminisita) w'Obwakabaka bwa Buganda, 2007-2008
• Joseph Mulwanyamuli Ssemwogerere - Eyali Katikkiro (Ssaabaminisita) w'Obwakabaka bwa Buganda, 1994-2005
• Omulangira Kassim Nakibinge, kabaka w'Obwakabaka bwa Buganda, akulira Cairo International Bank, era "titular head" w'Abasiraamu mu Uganda
• Omulangira Robert Masamba Kimera, mukulu wa Kabaka Ronald Muwenda Mutebi
• Owek. Matayo Mugwanya, Ssaabalamuzi w’Obwakabaka bwa Buganda 1950-1955
• Owek. Rauli Kiwanuka, Mulamuzi ow’Obwakabaka bwa Buganda 1935-1945 era nga ye yali omujaasi wa WWI mu ggye lya African Native Medical Corps

Amateeka n’ekitongole ekiramuzi

• Francis M. Ssekandi, 1975-1981, Omulamuzi Kkooti Enkulu, Omulamuzi wa kkooti ejulirwamu.
• Joseph Mulenga - eyali Ssaabawolereza wa Uganda, 1986-1988, Omulamuzi wa kkooti ensukkulumu, 1996-2008.
• William Byaruhanga – eyali Ssaabawolereza wa Uganda, 2016-2021
• Remmy Kasule - omulamuzi eyakola nga Omulamuzi wa kkooti ejulirwamu mu Uganda
• Omulamuzi Oscar John Kihika, omulamuzi wa kkooti ejulirwamu.
• John Mike Musisi - Omulamuzi wa kkooti ejulirwamu mu Uganda
• Mike Elubu omulamuzi wa kkooti enkulu mu Uganda.
• Phillip Mwaka- Omulamuzi wa kkooti enkulu mu Uganda.
• Karoli Lwanga Ssemogerere - Akola nga omulamuzi wa kkooti enkulu mu Uganda
• Isaac Ssemakadde - Kati ye Pulezidenti wa Uganda Law Society, omutandisi & CEO wa Legal Brains Trust

Eby’ensoma

• Charles Olweny, Chancellor wa Yunivasite y'e Mbarara
• Dr. Alex Countinho, akulira ekitongole kya Partners in Health Uganda
• Paul D'Arbela, Pulofeesa w'obusawo era Dean w'okusoma diguli eyookubiri mu Uganda Martyrs University
• Patrick Edrin Kyamanywa, Omumyuka wa Chancellor wa Uganda Martyrs University
• James Gita Hakim, pulofeesa w’obusawo, omusawo w’omutima era omukugu mu kukebera akawuka ka siriimu
• Michael B. Nsimbi PhD, omukugu mu lulimi Oluganda era nga muwandiisi wa byafaayo
• Francis Omaswa, Omukugu mu kulongoosa omutima n’ekifuba. Pulofeesa w’obusawo n’okulongoosa
• Gabriel Kariisa, PhD, Omukugu mu by’enfuna, eyali akulira ensi yonna ku mutendera ogw’oku ntikko, AfDB
• John Ddumba Ssentamu, munnabyanfuna, eyali omumyuka wa Cansala Makerere University ne ssentebe w’olukiiko olufuzi olwa Centenary Group

Ebyemizannyo

• William Blick, Kati Ssentebe w’akakiiko ka Uganda Olympic Committee, era eyali pulezidenti wa Uganda Rugby Union, 2006-2013
• Ivan Magomu, eyali kapiteeni wa ttiimu ya [./Uganda_national_rugby_union_teamhttps://en.wikipedia.org/wiki/Uganda_Rugby_Union Uganda National 15's Rugby Team]

Abawandiisi

• Okello Oculi, omuwandiisi w’ebitabo, omutontomi era omuwandiisi w’ebyafaayo by’obulamu bw’ekyalo mu Afrika
• Eneriko Seruma, omuwandiisi era omuwandiisi w’emizannyo
• Robert Serumaga, omuwandiisi w’emizannyo

Abayiiya

• James Byaruhanga, yoomu ku baatandikawo kkampuni ya Roke Telkom
• Professor Patrick Engeu Ogwang, omuyiiya w’eddagala lya Covidex, eddagala ly’omuddo eryategeezebwa ekitongole ky’eddagala mu ggwanga olw’obujjanjabi obuyamba mu kuddukanya obulwadde bw’akawuka.
• Davis Musinguzi - Omutandisi era eyali akulira kkampuni ya Rocket Health Africa
• Michael Okea - Omutandisi wa SynbioEco okutumbula omutindo gw’amazzi biosensors ku carcinogenic poly aromatic hydrocarbons

Amajje

• Muhoozi Kainerugaba, mutabani wa Pulezidenti era akulira amagye
• Kale Kayihura, munnamajje wa Uganda People's Defence Force eyawummula, eyali omuduumizi wa Poliisi 2005–2018

Abavuzi b’ennyonyi

• Captain Robert Wakhweya, Omugoba w'ennyonyi eya Uganda Airlines
• Kapiteeni Patrick Mutayanjulwa, omuvuzi w’ennyonyi omukugu mu Uganda Airlines

Abasuubuzi / Abaddukanya emirimu

• Francis Kitaka – omutandisi era Ssentebe wa kkampuni ya Quality Industries Limited
• Frederick Kitaka – akulira ebyensimbi mu Quality Chemical Industries Limited, mu kiseera kino kkampuni yokka mu Sub-Saharan Africa ekola eddagala eriweweeza ku kawuka ka siriimu ery’emirundi esatu
• Charles Mbire – omutandisi, omusuubuzi era munnamakolero; kigambibwa nti ye Munnayuganda enzaalwa asinga obugagga; alina emigabo era Ssentebe wa kkampuni ya MTN Communications Company
• Philip Besiimire - Maneja Dayirekita wa [./Vodacom_Tanzaniahttps://en.wikipedia.org/wiki/Vodacom_Tanzania Vodacom Tanzania] okuva mu October 2022
• Joseph Yiga - Omutandisi wa kkampuni ya Steel and Tube Industries Ltd
• Louis Kasekende - Omukugu mu by'enfuna, eyali omumyuka wa Gavana Bank of Uganda
• Julius Kakeeto - akulira bbanka ya PostBank Uganda, era ssentebe w'ekibiina ekigatta abasuubuzi ba bbanka ekya Uganda Banker's Association
• Claver Serumaga - akulira bbanka ya NCBA Tanzania
• Simon Kagugube - eyali ssentebe w’olukiiko olufuzi mu kitongole ky’omusolo ekya Uganda Revenue Authority, 2016-2020, eyali Executive Director wa Centenary Bank, 2003-2020
• Charlie Lubega - Nnannyini Club Guvnor

Laba ne

• Ebyenjigiriza mu Uganda
• Disitulikiti y'e Wakiso
• Ettendekero lya St. Joseph, Ombaci

Ebijuliziddwa wabweru wa Wikipedia

• SMACK wesangibwa ku Google Maps

Ebiwandiiko ebirala by'osobola okusomako

Kituuka, William Kiwanuka, Ebyafaayo by’essomero lya St.Mary's College