Stella Nanteza

 

Stella Nanteza (Omwezi Ogwokutaano 1956-20 Omwezi ogwomukaaga 2014) yali muyimbi wa Uganda era omu ku baatandikawo ekibiina kya Ebonies, ekibiina kya Uganda ekya katemba n’okuyimba ekyafuna ettutumu ku mutendera gw’eggwanga mu myaka gya 1980. Ye ne Jimmy Katumba baali mpagi mu kutondawo ennyimba ez'ekika kya philippic mu Uganda era ne bafuna ekifo mu bayimbi b'eggwanga abookuntikko. Erinnya lyabwe The Ebonies, lyefuga ekisaawe kya Uganda eky'okuyimba mu myaka gy'ekinaana '(80) n'egy'ekyenda (90)

Obuto bwe

Stella Nanteza yazaalibwa mu Mwezi ogwokutaano 1956 eri Josephat Ssembajjwe Kyazze. Yatandika olugendo lwe olwokuyimba awo mu 1977, ngateekawo siteegi y'omulimu ogulilekawo akabonero mu kisaawe kya Uganda eky'ebyamasanyu

Omulimu gw’okuyimba ne The Ebonies

Nanteza yali omu ku batandisi b'ekibiina kya The Ebonies, ekibiina kya Uganda ekya katemba ekyayitimuka mu ggwanga lyonna mu myaka gy'e 1980. Ng'akolagana n’omugenzi Jimmy Katumba, munnayuganda omuyimbi ow'eggono, era eyali muganzi we. Mu myaka gye egyasooka egy'omulimu, yali kitundu ku kwaya y'ekkanisa y'abakulisitaayo ey'e Masooli wamu ne muganzi we Jimmy Katumba .

Ezimu ku nnyimba ez'amaanyi zeyalimu kuliko;

1. Muyita Mulokozi
2. Cast your Burden
3. Kamutendereze
4. Abaana ba Katonda
5. Instrumental
6. Jangu eno
7. Kwata omukono
8. Mukama ye musumba wamge
9. Olyokanga nojja

Omulimu gwe gwayamba okugatta katemba n’ennyimba mu Uganda, era yakola omulimu gwamanyi mu kusobozesa enkola y'ekibiina ey'enjawulo etabula ennyimba, okugera engero nokuzannya ku siteegi.

Obulamu ebweru w'eggwanga

Stella Nanteza yasengukira mu Bungereza ng'omwana muto (n'abafamire ye) ku nkomerero y’emyaka gya 1990 n’abeera eyo okumala emyaka 17 nga tannajja mu Amerika okuwummula. Yasigala ng’awuliziganya n’abantu ba Uganda mukiseera ekyo, ngate yasigala aweebwa ekitiibwa mu bannabitone .

Mu kujjukira omwoyo gwe, ba Ebonies baawaayo ekitundu ku muzannyo ggwabwe ogw'omwaka omuggya 2015, Entununsi, eri Nanteza. Ekimu ku bitundu ebyalimu ennyiike n'okunakuwalwama kwali kuyimba luyimba Emitima Egilumwa Okwagala, olumu ku nnyimba ze zeyasinga okwagala, eyayimbibwa munnakibiina Hilda Manaso.

Omukululo

Ettoffaali Stella Nanteza lyeyagatta ku by’obuwangwa bya Uganda ddene nnyo. Ng’omuyimbi owamaloboozi era omuzannyi ,yakola kinene nnyo mu kugatta ennyimba z’ekinnansi n’ennyumya y'engero za Uganda eyokusiteegi eri ku mulembe.. Eddoboozi lye n’okubeerawo kwe bikyagenda mu maaso okwegombwa n’okusikiriza abayimbi n'abazannyi mu migigi gyonna. Tajjukirwa lw’amaloboozi ge ag’amaanyi n’okuzannya katemba byokka wabula n’ebbugumu, ekisa, n’ensa mu bunnabitone bye yaleeta ku buli siteegi gye yalinnyangako.

Okufa kwe n'okumusiima

Nanteza yafa nga 20,Omwezi ogwomukaaga 2014, olw’okwekanga oluvannyuma lw’emmotoka gye yalimu okugwa mu kabenje e Kyebando mu Kampala. Yaddusiddwa mu ddwaaliro e Mulago oluvannyuma lw’akabenje gye yafiira era n’aziikibwa nga 22,Omwezi ogwomukaaga 2014, e Buso Namulonge ku luguudo lw'e Gayaza mu masekkati ga Uganda. Okufa kwe yali nkomerero ey'omugigi /ey’omulembe eri abawagizi bangi aba Ebonies n'ekisaawe kyokuyimba nokuzannya katemba.

Laba ne

• Jimmy Katumba

Ebijuliziddwa

1. "Ebonies' fallen Stella Nanteza had a big heart". New Vision (in Lungereza). Retrieved 2025-03-27.
2. "Ebonies celebrates Stella Nanteza's life". Monitor (in Lungereza). 2021-01-05. Retrieved 2025-03-27.
3. BigEyeUg3 (2014-06-21). "RIP: Jimmy Katumba's wife is dead". BigEye.UG (in American English). Retrieved 2025-03-27.
4. "Here are the top Baganda female musicians". New Vision (in Lungereza). Retrieved 2025-03-27.
5. "Uganda's top Female voices". New Vision (in Lungereza). Retrieved 2025-03-27.
6. "Tribute to Jimmy Katumba". New Vision (in Lungereza). Retrieved 2025-03-27.