Sudhir Ruparelia

 

Sudhir Ruparelia yazaalibwa Ogusooka nga 17, 1956, Munayuganda omutandise wa mirimu ow'amaanyi, omugagga era nga musiga nsiimbi. Ye ssentebe era alina emigabo egisinga obungi mu kkampuni za Ruparelia Group . Ensiimbi zze asinga kuzisiga mu mu bitundu bya bbanka, yinsuwa, eby'enjigiriza, okuweereza ku mpewo, eby’amayumba n'ettaka, okulima ebimuli n’okusembeza abagenyi.

Okusinziira ku mukutu gwa Forbes n’ensonda endala, Ruparelia y’omu ku bantu sekinoomu abalina eby'obugagga ebingi mu Uganda era omu kubamusiga nsiimbi abasinga ssente mu by'okutunda n'okugula eby'amaguzi, ng’abalirwaamu akawumbi ka ddoola kamu n’obukadde 200.

Ebimukwatako

Ruparelia yazaalibwa Kabatoro mu Disitulikiti y’e Kasese mu bitundu by'omu Bugwanjuba bwa Uganda mu family y’Abayindi eya Gujarati ey'eri mutuluba ly'awaggulu ne wakati. Jjajja wa jjajja yasenguka okuva e Buyindi n'agenda e Mombasa mu Kenya mu 1897, n'atandikayo edduuka ly'obusuubuzi, nga tannagenda mu Uganda mu 1903. Jjajja we yazaalibwa mu Uganda mu 1908, ate kitaawe naye yazaalibwa mu Uganda mu 1932.

Ruparelia alina bannyina babiri ne muganda we omu. Yasomera mu Bat Valley Primary School mu Kampala, okuva ku P1 okutuuka mu P6, oluvannyuma n'agenda ku Jinja Main Street Primary School e Jinja okusoma P7 ne Jinja Secondary School. Mu 1971, yeegatta ku Kololo Senior Secondary School.

Ruparelia yaddukira mu Bungereza ne bazadde bbe mu 1972 ng'alina emyaka 16, eyali pulezidenti wa Uganda mu kiseera ekyo Idi Amin bwe yawera abantu bonna abaali bava kusemazinga wa Asia okuva mu Uganda .

Ruparelia yakomawo mu Uganda mu 1985, ng’alina ddoola za Amerika 25,000 gyeyali yafuna okuva mu kukola emirimu egy'enjawulo egitaaliko saawa ntuufu z'olina kukolera omwali okukola mu semaduuka, amakolero, nerufula z'ennyama. Ruparelia yatandika okutunda bbiya n’omwenge ogw'enjawulo ogwagibwa ng'e Kenya. Mu 1989, okuyingiza bbiya mu ggwanga kwawereddwa okukubiriza okutandika okukola omwenge ogwa wano, era n'akizuula nti yali tasobola kukola bbiya. Wabula olw’okuba bakasitoma bbe, okusinga baali bagwiira, baamusasula mu ssente z’ebweru, n'atandikawo bbaanka ekyusa ssente eya Crane Forex Bureau, eyasookera ddala mu Uganda. Olw’amagoba ge, Mr Ruparelia yatandika okwenyigira mu bizinensi endala, omuli n’okutandikawo Crane Bank mu 1995. Oluvannyuma, yategeka bizineensi ze wansi n'aziteeka wansi w'erinya lya limu nga ziyitibwa Ruparelia Group.

Mu 2007, Ruparelia yaweebwa ekitiibwa kya Doctor of Laws mu by’obusuubuzi okuva mu Uganda Pentecostal University ng’'asimobwa olw'emirimu gyeyali akoledde enkulakulanya y'eby'enfuna bya Uganda.

Omulimu gwe mu by'obusuubuzi, gyeyatandikira n'ebimukwatako

Ng’akyali musajja muto mu Bungereza, Ruparelia yatandika bizineensi entonotono eziwerako nga tannadda mu Uganda mu myaka gya 1980 okweyambisa emikisa gy’okutereera kw'eby’obufuzi ne bizineensi.

Ruparelia yatandikawo Ruparelia Group nga kkampuni y’obusuubuzi entono mu 1985 ku myaka 29 ng’alina ddoola za Amerika 25,000 zeyali yakomawo nazo ng’ensimbi zeyakuŋŋaanya nga okuva mu mirimu egiwerako mu Bungereza, famire ye gye yali enoonya obubudamu oluvannyuma lw’okugobwa kw'Abayindi mu Uganda .

Olw’olutalo lw’omunda olw’emyaka 5, amakolero g’omwenge mu Uganda gaali goononese, ekyafuula eky’omuganyulo okuyingiza bbiya, n’ebintu by’awaka, okuva e Kenya. Ruparelia yaggulawo edduuka eritunda n'okusuubuza eby'amaguzi mu masekati ga distulikiti ya Kampala, ng’asuubula bbiya, omunnyo ne wayini. Mu Gwekumineebiri mu 1986 n’akuba ddiru ey'okubeera nga yeeyalina okusaasaanya ebika bya bbiya ebisinga okubeera eby’omutindo mu Uganda nga biva Kenya wamu n’okuyingiza eby'okunywa ebirala ebitamiiza, Ruparelia n'era yakozesa akakisa kano ng'ayingiza ebintu ng’omunnyo, sukaali ne sigala okuva ku basuubuzi b'oku myalo gy'e Mombasa . Yafuuka omukutu ogwaali gugata abayingiza ebintu n’abasuubuzi era n’afuuka munna bizineensi eyeesigika eri abayingiza ebintu, abaamuwa ng'ebintu bino ku bbanja, ne basaba okusasulwa oluvannyuma lw’ennaku nga bbiri, okwongera ku by'enfuna.  Enkola eno yagiddukanya bulungi n’atandikawo enkola ennywevu eyasooka mu Kampala n’afuuka omusuubuzi nnamba emu ayingiza bbiya mu Kampala.

Okutandikawo Crane Forex Bureau ne Crane Bank

Mu kiseera ekyo, bakasitoma ba Ruparelia abasinga obungi baali bannansi b’amawanga amalala abaasasulira ng'ebintu byabwe mu ssente z’ebweru. Ruparelia yalabye omukisa. Yakola mangu bizineensi y'okukyusa ensimbi z’ebweru etaali ntongole. Akalate ebiseera ebyo kaali tekakozesebwa mu Uganda ng'era bizineensi eno mu kiseera ekyo kyakola mu ngeri etali ntongole, obwetaavu bwali buyitirivu, nga bizineensi eno yafuuka y'amaanyi kuba Ruparelia mweyali akola amagoba ga doola nga 10,000 buli lunaku. Yatandika okusiga mu bintu ku bintu ebikalu eby'amaanyi mu Kampala. Mu 1989, Pulezidenti Yoweri Museveni yawera okuyingiza bbiya mu kaweefube w’okukubiriza okukola omwenge enzaalwa kyokka Ruparelia yali talina bwagazi bwakukola bbiya era n’asalawo okusa essira ku bizineensi y'okukyusa ssente mu kifo ky’ekyo.

Mu 1990, bizineensi za forex zaali zikuze ng'era zeyongedde obungi mu Uganda era gavumenti n’eyingirawo n’enkola y'eteeka erizifuga kwe kuleeta ebisaanyizo ne layisinsi singa obeera otagala okuzidukanya.Crane Forex bureau eya Ruparelia yeyasooka okufuna layisinsi mu Uganda, nga mu myeezi 6, yali atandise okukola ssente nnyingi okusinga bbaanka z’eby'obusuubuzi mu ggwanga .  Bbaanka ezoogeddwaako zaali zikola mu ngeri etali ya busobozi n’amalala nga ziringa eziyamba bakasitoma, nga kw’ogasse n’okusasuza amagoba agasukkiridde naye nga waliwo eby’okusalawo bitono. .Kino kyanyiiza nnyo Ruparelia eyali kasitoma, ekyamuwaliriza okutandikawo bbaanka eyalina obukugu mu nzirukanya y'eby'emirimu, nga esaba n'amagoba matono, era mu 1995 yatandikawo era n'atongoza Crane Bank ne ssente za Amerika ddoola 1,000,000 n'atandikawo n'engombo ya bbaanka empya egamba nti: wereza okule era okule nga w'owereza (Serving To Grow And Growing To Server).

Yakendeeza ku ssente bbaanka zeyali esaba ssinga wali ogyayo ssente n'okutereka, n’ayongera ku ssaawa z'okukola, neefuuka bbaanka y’eby'obusuubuzi eyasooka okukola okutuuka ku 5 ez'ekawungeezi ne ku Lwomukaaga. Bbaanka eno yawangula engule za Bbaank y'omwaka mu 2003, 2005, 2006, 2007, 2008 ne 2009 okuva mu lupapula lw'amawulire owa Financial Times e London . Mu 2011, bbaanka yateeka ku mikutu gyayo okubeera nga yali eyongedde ku magoba gaayo n'ebitundu 32.3 nga tebanasalako misolo, nezirinnya okuva ku buwuumbi 90 mwemitwalo 23 nga bwebukadde 37 mu ddoolo za Amerika okuva ku buwuumbi 68 mwemitwalo 19 nga mu za ddoola za Amerika bwebukadde 28 mu 2010, era mu 2012, Crane banka yali ebalibwaamu obukadde bwa ddoola za Amerika 120 mu magoba n'amatabi 38 okwetoloola Uganda

Mu Gwomwenda mu 2012, Crane Bank yafuna eby’obugagga n’ezimu ku mabanja ga National Bank of Commerce, kkampuni entono, ekola ku by’ensimbi mu Uganda eyali efiiriddwa layisinsi yaayo ey'okukola nga bbaanka.

Nga 30 Ogusooka 2014, Crane Bank yatandikawo Crane Bank Rwanda Limited, nga yonna beebagirinako obuyinza, ng’ettabi eryasooka mu Rwanda okugulwaawo eri bakasitoma nga 30 Ogwomukaaga 2014

Bbaanka eno yali egaziye ku by'okukola emirimu gy'eby'ensiimbi mu Uganda era nga 31 Ogwokumineebiri mu 2015, eby’obugagga bya Crane Bank mu bintu ebikalu ssente za Uganda 1.81 trillion, ng'emigabo gyayo gyali 281.43 billion mu ssente za Uganda.  Mu Gwekumi mu 2015, nga balina bakasitoma abasoba mu 750,000.

Bank ne Forex Bureau Okuggalawo Bbanka Enkulu

Nga 20 Ogwekumi 2016, bbanka enkulu eya Uganda yatwaala obw'okudukanya Crane Bank, kkampuni esinga obunene mu Ruparelia Group, olw’obutafuna baali tebalika ssente zigidukanya bulungi na kugiyamba kukula n’agiguza bbaanka ya Dfcu mu 2017 ku buwumbi bwa Uganda 200, nga ze ddoola za ssente za Amerika 53,321,780

Mu Gwokuna mu 2017, bbaanka enkulu eya Uganda yaggalawo ebifo byamirundi enna ebyali bikola ku kuvungisa ssente olw'okubeera nga zaali ziremereddwa okuzza layisinsi zaayo obugya. Mu Gwokusatu 2019, BoU yasasula Ruparelia obukadde 280 obwa ssente za Uganda, nga ze ddoola 74,650.49 mu ssente za Amerika, olw'okuba nga baali bagaddewo ebifo bino webavungizisa ssente.

Kkooti Ensukkulumu mu Uganda eragira Crane Banka okuddizibwa eri Ruparelia

Mu Gwomusanvu 2022, Kkooti ensukkulumu mu Uganda yasalawo Crane Bank eddeyo ewa Ruparelia era n’esaba Bank ya Uganda okusasula emiwendo egyo, ng'ejuliza etambuza ya ssente ey’obufere mu Bank ya Uganda.

Obugagga bwe

Ruparelia yafuuka omugagga wa Uganda eyasooka mu 2014 ng'era yeeyali omugagga asinga mu mawanga g'Omubuvanjuba bwa Afrika, nga wa 28 mu Afrika ate Crane Bank ye yali emu ku bbaanka 3 ezisinga mu Uganda. Wetwatukira mu Gwekuminoogumu mu November 2023, Ruparelia ye muntu asinga obugagga mu Uganda wekituuka mu bintu ebikalu, ng'abalibwaamu obuwuumbi bwa ddoola za Amerika 1.2

Emirimu gy'ekikungu

Mu Gwokubiri mu 2020, Ruparelia yaweebwa ekitiibwa ky'okubeera omubaka w'eggwanga lya Republic of Nepal mu Uganda, nga kino kyamuweebwa Bidhya Devi Bhandari, pulezidenti wa Nepal. Nga 17Ogwokusatu 2020, ebiwandiiko bye eri Samuel Kutesa, minisita wa Uganda ow’ensonga z’ebweru. Atera kusinganibwa ku kitebe kya Nepal mu Cairo e Misiri.

Obulamu bwe

Ruparelia abeera Kololo, Kampala. Ye nnannyini amaka agasinga obunene mu mawanga g'Omubuvanjuba bwa Afrika agaliko obunene bwa sikweeya mira 130,000 , nga zze sikweeya fuuti 1,400,000. Ruparelia abadde mufumbo ne Jyotsna okuva mu 1977. Bombi, bazadde b’abaana basatu okuli, Meera, Sheena ne Rajiv. Ruparelia alina abazzukulu 4.

Meera Ruparelia, omukulu, Yazaalibwa nga 12 mu Gwekumineebiri 1985. Mufumbo ne Ravi Kotecha. Okuva mu Gwomukaaga, 2010 okutuuka kati era nga bombi balina omuwala omu, Meera y'akulira eby'enkulakulana mu kkampuni ya Meera Investments eddukanya eby'obugagga mu bintu ebikalu ebisoba mu 400 mu ggwanga, ye maneja omukulu mu kampuni ya Crane Management Services avunaanyizibwa ku bintu ebikalu okuva mu Gwomukaaga 2010 okutuuka kati era y’akulira ekitongole ky’emirimu mu Sheena Investments Limited e Dubai mu UAE okuva mu Gwomukaaga, 2008 okutuuka kati. Y'omu kubali ku kakiiko akakulira kampuni ya Ruparelia Foundation era n'okwagala kwe kweyalina eri okulabirira ebisolo by'okutale n'obutonde , omukwano gw’agabana ne kitaawe. Alina diguli ya BSc. Okusiga ensiimbi n'okudukanya obuzibu obuyinza okuva mu by'ensiimbi gyeyafuna okuva mu City University e London .

Sheena Ruparelia ye muwala wa Sudhir ow'okubiri. Yazaalibwa nga 23 Ogwekumineebiri mu 1988, era mufumbo ne Jay Sakaria okuva mu 2016, ng'era balina abaana babiri, bombi bawala. Alina diguli ya sayaansi mu by’enfuna n’okubala ebitabo okuva mu City University e London . Okwongereza ku kubeera nga y'akulira Ruparelia Group, Sheena era y'omu kubali ku lukiiko olufuga Ruparelia Foundation .

Rajiv Ruparelia yali mutabani wa Sudhir yekka, eyazaalibwa nga 2 Ogusooka mu 1990. Yawasa Naiya Khagram Ruparelia mu 2017 era bombi baalina omuwala omu. Yali yatikkirwa mukudukanya eby'ensimbi okuva mutendekero lya Regents College London .

Rajiv Ruparelia mu 2024

Rajiv yagoberera Sudhir mu nsi ya bizineensi ng'era yaddukanya bizineensi za famire eziwerako. Yali aweereza nga akulira eby'emirimu mu kampuni ya Ruparelia Group . Nga 3 Ogwokutaano mu 2025, Rajiv yagwa ku kabenje k’emmotoka akaali ak'obulabe era ne kikakasibwa nti yali afudde olw’ebisago byeyali yafuna ku myaka 35. Ono yekka eyabadde mu mmotoka ye ( Nissan GTR ) era okusinziira ku katambi ka cctv yabadde avuga sipiidi mu kiseera kino.

Engule n'ebitiibwa

• Mu Gwekumi nga 9, 2013, Ruparelia yaweebwa omudaali gwa Golden Jubilee Presidential Medal okuva eri Pulezidenti Museveni ng'amusiima olw'emirimu gye yakola mu kukulaakulanya bizineensi n’amakolero mu Uganda nga munamakolero.

Laba nebino

• Olukalala lw'abantu abasinga obugagga mu Uganda
• Olukalala lwa bbaanka mu Uganda
• Okutereka ssente mu bbaanka za Uganda

Ewalala w'oyinza okubigya

• Omukutu gwa Dr Sudhir Ruparelia Group
• Omukutu gwa Dr Sudhir Ruparelia Foundation