Sulaiman Madada

 

Sulaiman Kyebakoze Madada Munnayuganda munnamawulire era munnabyabufuzi era . Ye Minisita omubeezi ow'abakadde n'abalema mu kabineeti ya Uganda . Yalondebwa ku kifo ekyo nga 1 Ogwomukaaga 2006. Mu nkyukakyuka ezakolpebwa mu kabineti nga16 Ogwokubiri 2009, ne nga 27 Ogwokutaano 2011, yasigaza ekigo kye mu kabineeti. Era ye mubaka mu Paalamenti omulonde akiikirira Essaza ly'e Bbaale mu Disitulikiti y'e Kayunga . Abadde akiikirira ekitundu ekyo obutasalako okuva mu 2001.

Obuvo bwe n’obuyigirize

Yazaalibwa mu Disitulikiti y’e Kayunga nga 11 Ogwekkuminogumu 1961. Sulaiman Madada alina diguli mu by'empuliziganya eya Bachelor of Arts mu Mass Communication, gye yafuna mu 2009, okuva mu Kampala International University (KIU). Diguli ye eya Master of Arts mu Development Administration & Management gye yaweebwa mu 2011, nayo yagifunira ku KIU.

Obumanyirivu mu mirimu

Okuva mu 1986 okutuuka mu 1992, yakola nga omukugu avunanyizibwa ku bifulumira ku mpeewo (Broadcast Executive) ku leediyo emu. Wakati wa 1992 ne 2001, yeegatta ku by'obufuzi era n’alondebwa okukiikirira Essazza ly'e Bbaale, mu Disitulikiti y'e Kayunga, mu kulonda kw'ababaka ba Paalamenti mu 2001, n’aweereza mu kifo ekyo okutuusa mu 2006. Mu 2006, yaddamu okulondebwa mu Paalamenti nga tavuganyiziddwa. Nga 1 Ogwomukaaga 2006, yalondebwa ku bwa Minisita omubeezi akiikirira abaliko obulemu. Abadde mu kifo ekyo okuva mu Gwokubiri 2015.

Ebimukwatako eby'omunda

Mufumbo. Mmemba mu kibiina kye by'obufuzi ekya National Resistance Movement .Kigambibwa nti alina obwagazi obw'enjawulo mu by'obwannakyewa, n'ebyemikono .

Laba ne

• Paalamenti ya Uganda
• Kabineeti ya Uganda
• Disitulikiti y'e Kayunga

Ebijuliziddwa w'abweru wa Wikipedia

• Omukutu gwa Palamenti ya Uganda
• Omukutu gwa Disitulikiti y'e Kayunga