The Uganda Girl Guides Association

Uganda Girl Guides Association (UGGA) kye kibiina kya Uganda ekya Girl Guides era kyekimu ku bibiina by’abavubuka ebikadde mu ggwanga.KyatandikibwAawo mu 1914 era ne kyawandiisibwa mu butongole mu 1922, kibadde kisaale nnyo mu kukulaakulanya abakyala abato n’abawala mu Uganda okumala ekyasa ekisukka mu kimu.

Ebikikwatako n’omusingi

Girl Guiding mu Uganda yatandika mu 1914, ekigifuula ekimu ku bibiina bya ekikulembera abawala ebyasooka Afrika. Ekibiina kino kyawandisibwa mu butongole mu tteeka lya Palamenti (The Royal Charter Act) 147 volumes 5 mu Gwokusatu 23 mu 1922, n'ebiragiro ebya 23 ebya 1934 S2 – S41, ne kitandikawo ekibiina kino nga kimannyikiddwa nga "The Uganda Girl Guides Association." Ekibiina kino kyafuuka ekimu ku ba Wolrd Associaitiona of Girl Guides and Girl Scouts (WAGGGS) mu bujjuvu mu 1963, ne kinyweza ekifo kyakyo mu kibiina ky’ensi yonna ekya Girl Guide.

Omu ku bamemba abaasooka okweyoleka era okumannyikwa yali Blandina Karungi, nga y’omu ku bawala abaasooka mu Uganda okufuuka ba Girl Guide wadde nga yali kiggala ate nga muzibe w’amaaso. Okwetabamu kwe kwalaga nti ekibiina kino kyaniriza buli kika kya muntu n'ekikula kyonna, n’okwewaayo kwakyo okuwa abakyala abato bonna emikisa awatali kufaayo ku busobozi bwabwe nenkula y'omubiri.

Enkulaakulana n’okukula

Ekibiina kino kyafuna enkulaakulana ey’amaanyi mu kiseera ky'abavuzi b’amatwaale, ng’ekibiina kya Guide Association (UK) kyasindika abatendesi mu Uganda okuyambako mu kutegeka enkambi n’emisomo gy’okutendekebwa. Obuwagizi buno obw’ensi yonna bwali bukulu nnyo mu kuteekawo pulogulaamu ezituukagana n’omutindo n’enkola z’okutendeka ezikwatagana n’emisingi gy’ensi yonna egya Girl Guide.

Mu 1956, World Chief Guide yakyalira Uganda n’ateekawo ejjinja ly’omusingi gw’ekitebe ky’ekibiina kya Girl Guide ne Scout Associations, era nga kino kyali kikulu nnyo mu nkulaakulana y’ekibiina kino. Okulambula kuno kwakaatirizza ensi yonna okusiima ekibiina kya Uganda ekya Girl Guide n’omulimu gwakyo mu kukulaakulanya abavubuka mu buvanjuba bwa Afrika.

Wetwatukira mu 2008, ekibiina kino kyali kikuze nga kiweereza bamemba 112,371 okwetoloola Uganda, ekyakifuula ekimu ku bibiina by’abavubuka ebisinga obunene mu ggwanga. Ekibiina kino kati kikola mu disitulikiti zonna 136 eza Uganda, nga kiraga nti kituuse mu ggwanga lyonna n’engeri kirina ne kyekikyusiza ku bitundu bya Uganda.

Enteekateeka n’ebyekikyusiza

Ekibiina kya Uganda Girl Guides Association kisa esira ku kulaakulanya obukugu mu bukulembeze, kutumbuula obuweereza bw’abantu, n’okutumbuula abakyala abato nga bayita mu nteekateeka n’emirimu egy’enjawulo. Ekibiina kino kisa esira ku kulaakulanya eneeyisa, okutendeka obukugu obw’emikono, n’okukwatagana ebitundu, okuteekateeka abawala okufuuka abakola ennyo mu bitundu byabwe ne mu ggwanga.

Ekibiina kino kyajaguza okuweza emyaka 1000 mu Gwokuna 14, 2023, ng’omukolo gagadde gwali kisaawe ky'e Kololo Independence Grounds mu Kampala. Okujaguza kuno okw’amaanyi kwali kulaga obweyamo bw’ekibiina kino okumala ekyasa mu kulaakulanya abavubuka n’engeri gye kiyambye mu kukyuusa ebitnu mu Uganda.

Ekibiina kino kyetaba mu nteekateeka ez’enjawulo ez’ensi yonna, omuli ne wiiki eyakazibwaako erya Red Pride, eyawebwaayo okuwagira abawala n’abakyala abato okwetoloola ensi yonna ababonaabona n’okukosebwa okusoomoozebwa okw’enjawulo. Kino kiraga obweyamo bw’ekibiina kino eri okwegatta kw’ensi yonna n’omulimu gwakyo mu kukola ku nsonga z’omulembe ezikwata ku bakyala abato.

Laba nebino

 

• Ekibiina ekigatta abasikawutu mu Uganda