Uganda Coffee Development Authority

 

Ekitongole kya Uganda Coffee Development Authority (UCDA) kitongole kya gavumenti ekirina obuvunaanyizibwa "okulungamya, okutumbula n'okulondoola omutindo gw'emmwanyi mu muwendo gwonna, okuwagira okunoonyereza n'okukulaakulanya, okutumbula okukolebwa, n'okutumbula okutunda emmwanyi, okusobola okutumbula enfuna y'ensimbi z'ebweru eri eggwanga n'okusasula abalimi.

Ekifo we kisangibwa

Ekitebe ky’ekitongole kino kisangibwa ku Coffee House, Plot 35 Jinja Road, mu makkati ga Kampala, ekibuga ekikulu era ekisinga obunene mu ggwanga. Ensengeka z'ekitebe kya UCDA ze zino:0°18'53.0"N, 32°35'28.0"E (Latitude:0.314735; Longitude:32.591106).

Ebikwata ku UCDA

UCDA yatandikibwawo etteeka lya Palamenti erya 1991 oluvannyuma ne likyusibwa mu 1994, Cap. 325 wansi w’amateeka ga Uganda.

UCDA yatandikibwawo ng’ekitongole kya gavumenti era omulimu gwayo kwe kutumbula n’okulabirira ekisaawe ky'emmwanyi nga ewagira okunoonyereza, okutumbula okufulumya, okufuga omutindo n’okutumbula okutunda emmwanyi okusobola okutumbula enfuna y’ensimbi z’ebweru eri eggwanga n’okusasula abalimi. Kiddukanyizibwa wansi wa minisitule ya Uganda ey’ebyobulimi, okulunda ebisolo n’obuvubi.

Empisa Ekitongole kwe kitambulira

UCDA ekkiririza mu mpisa zino wammanga era ekyagenda mu maaso n’okuluubirira okukola bino wammanga; a) Obukulembeze obulungi. Kino kitunuulira obwerufu obw’amaanyi, Obuvunaanyizibwa, Obwesimbu, Okwewa ekitiibwa n’okukiwa abalala b) Okuwa omugaso eri abakwatibwako c) Okussa ekitiibwa mu butonde. Okukubiriza abakulu abakwatibwako okukola kaawa mu ngeri ey’olubeerera d) Okugabanya obuyinza n’okukolagana n’ebitongole bya gavumenti n’eby’obwannannyini mu kukola emirimu gyabyo

Ebigendererwa by’Ekitongole

a) Okutumbula, okulereeza n’okulondoola okutunda emmwanyi n’ekigendererwa eky’okutumbula enfuna y’ensimbi z’ebweru n’okusasula abalimi; b) Okufuga omutindo gw'emmwanyi okusobola okulaba nga emmwanyi zonna afulumizibwa ebweru w’eggwanga atuukana n’omutindo ogwalagirwa mu ndagaano wakati w’omutunzi n’omuguzi; c) Okukulaakulanya n’okutumbula emmwanyi n’amakolero amalala agakwatagana nabyo nga bayita mu nteekateeka z’okunoonyereza n’okugaziya; d) Okutumbula okutunda emmwanyi ng’ekintu ekisembayo; e) Okutumbula enkozesa ya kaawa mu maka. n’ebbeeyi.

Enkolagana n’ekitongole ky’ensi yonna ek'yemmwanyi

Mu Gwokubiri 2022, Uganda yalangirira nti yali eyimirizza obwammemba bwayo mu kibiina ky'emmwanyi mu nsi yonna ekya International Coffee Organization (ICO), okumala emyaka ebiri. Kino kyava ku ndowooza ya Uganda nti ICO yali etunuulira okufunamu kw'amawanga agagula emmwanyi okusinga okwago agatunda emmwanyi.

Managing Director wa UCDA, Emmanuel Iyamulemye, yagamba mu kiseera ekyo, nti "okuyimiriza obwammemba okumala emyaka ebiri kijja kuwa Uganda omukisa okukozesa ebkozesebwa okwongera okutumbula ekitongole kyaffe eky'emmwanyi, n'okussa essira ku kwongera okufulumya okutuuka ku nsawo obukadde 20 omwaka 2025/2030 we gunaatuukira."

Laba ne

• Ebyenfuna bya Uganda
• Ebyobulimi mu Uganda
• Lipoota z’okwekenneenya kaawa buli mwezi
• Minisitule y’ebyobulimi, amakolero g’ebisolo n’obuvubi (Uganda)

Ebijuliziddwa wabweru wa wikipedia

• Omukutu gwa Uganda Coffee Development Authority