Uganda Communications Commission
Ekitongole ky’ebyempuliziganya ekya Uganda Communications Commission (UCC) kye kitongole kya gavumenti ekivunaanyizibwa ku kisaawe ky'eby’empuliziganya mu Uganda. Wadde nga kya gavumenti ya Uganda, kikola nga ekyetongodde. Obuvunaanyizibwa bwayo mulimu; okuwa layisinsi, okulungamya, okukulaakulanya ebikozesebwa mu by’empuliziganya n’okugaziya empeereza y’empuliziganya mu byalo. [1]
Gye kisagibwa
[kyusa | kolera mu edit source]Ekitebe kya UCC kisangibwa ku 42-44 Spring Road, e Bugoloobi, ekitundu ekiriraanye Division y'e Nakawa, mu Kampala, ekibuga ekikulu ekya Uganda era nga kye kibuga ekisinga obunene mu ggwanga. Ofiisi endala ez'ebitundu zisangibwa e Gulu, Mbale, Masindi ne Mbarara . [2]
Ebyafaayo byakyo
[kyusa | kolera mu edit source]UCC yatondebwawo etteeka ly’ebyempuliziganya eryassibwawo mu 1997, nga lyassibwawo Palamenti ya Uganda . Etteeka eryo, lyayawulamu ekitongole kya Uganda mu kiseera ekyo ekya Uganda Posts and Telecommunications Company Limited (UPTCL), mu bitongole bina:
- Ekitongole Ky'ebyempuliziganya mu Uganda (UCC) – Akakiiko akavunaanyizibwa ku by’empuliziganya
- Uganda Post Limited – Emanyiddwa nga Posta Uganda
- PostBank Uganda – Ekitongole ky’ebyensimbi ekya gavumenti
- Uganda Telecom – Kkampuni ya tekinologiya w’amawulire n’emikutu gy’empuliziganya.
Mu Gwolubereberye gwa 2021, Ekitongole Ky'ebyempulizibwa mu Uganda kyalagira omukutu gwa yintaneeti mu Uganda guggalwe, wakati mu kulonda. [3]
Enteekateeka n’enkola yaakyo ey’emirimu
[kyusa | kolera mu edit source]Ensengeka y’enteekateeka y’ekitongole kino, eragiddwa mu bujjuvu ku mukutu gw’akakiiko k’ebyempuliziganya ogwa web site. [4]
Ekitongole Ky'ebyempuliziganya ky'ekikola ekivvulu kya firimu okutumbula eby’okukola firimu mu ggwanga. [5]
Eby'empuliziganya mu byalo
[kyusa | kolera mu edit source]Ensawo evujjirira eby'empuliziganya mu byalo eya Rural Communications Development Fund (RCDF), yatandikibwawo mu 2003 era nga y’evunaanyizibwa ku kukulaakulanya eby’empuliziganya ebweru w’ebibuga bya Uganda. RCDF etaddewo omutindo ku mirimu gyayo mu disitulikiti 112 mu ggwanga. Obunene bw’emirimu gya RCDF mulimu: (a) okuteekawo ebifo ebibeeramu yintaneeti (b) ebifo ebitendeka enkozesa ya yintaneeti (c) okuteekawo cafe za yintaneeti ku buli kitebe kya disitulikiti (d) okutondawo web portals ku buli disitulikiti (e) okulabirira amasimu agasasulwa ku kibalo kya waakiri essimu emu ku buli bantu 2500 (f) okukulaakulanya pulojekiti za posta, Multi-purpose Community Telecentres (MCTs), okukulaakulanya yintaneeti mu masomero & ebyobulamu ebikozesebwa ne (g) okukulaakulanya ebifo ebikubirwamu essimu . [6]
Obukulembeze bwakyo
[kyusa | kolera mu edit source]Ssentebe w’olukiiko lw’ebyempuliziganya olw’abantu omusanvu ye Eng Dr Dorothy Okello. Abalala ku lukiiko olufuzi olwo kuliko; Evelyn Piloya, Jane Kabbale, Rajab Wardah Gyagenda, William Byaruhanga, Norah Muliira ne Charles Lwanga Auk. [7] Dayirekita omukulu mu buyinza okuva mu 2019 okutuuka mu Gwekkuminoogumu 2023, yali Irene Sewankambo, Dayirekita wa UCC ow’eby’obwayinginiya n’ebyempuliziganya. Nga 24 Ogwekkuminoogumu 2023, George William Nyombi Thembo yalondebwa nga substantive ED wa UCC. [8]
Enteekateeka ezikoleddwa
[kyusa | kolera mu edit source]- Uganda Film Festival - Omukolo ogumala ennaku ttaano buli mwaka nga gugendereddwamu okutumbula n'okukulaakulanya omulimu gwa firimu mu Uganda. Ekivvulu kino kyatandika mu 2013. Mubaamu emisomo, okutendekebwa, okulaga n’okubunyisa amawulire n’okugaba awaadi za Uganda Film Festival Awards. [9]
Laba ne
[kyusa | kolera mu edit source]
Ebijuliziddwa
[kyusa | kolera mu edit source]Ebijuliziddwa wabweru wa wikipedia
[kyusa | kolera mu edit source]- ↑ https://web.archive.org/web/20160422081802/http://www.european-times.com/sector/ict/uganda-communications-commission/
- ↑ "Location And Contacts of Uganda Communication Commission". Uganda Communications Commission. Archived from the original on 25 December 2017. Retrieved 2 July 2014.
- ↑ https://www.reuters.com/article/uk-uganda-election-internet/uganda-orders-internet-blackout-until-further-notice-mtn-idUSKBN29J0UU
- ↑ https://web.archive.org/web/20171229004610/http://ucc.co.ug/data/smenu/7/-Organisation-Structure.html
- ↑ https://web.archive.org/web/20200224080804/http://ugandafilmfestival.ug/about-the-festival/background-and-objectives/
- ↑ https://lg.wikipedia.org/w/index.php?title=Special:ContentTranslation&filter-type=automatic&filter-id=previous-edits&active-list=suggestions&from=en&to=lg&page=Uganda%20Communications%20Commission#/sx/article-search:~:text=View-,Genrwot%2C%20Jeddy%20(29%20May%202014).,-Issues
- ↑ https://lg.wikipedia.org/wiki/Special:ContentTranslation?from=en&to=lg&page=Uganda+Communications+Commission#:~:text=View-,Betty%20Amamukirori%20and%20Michael%20Odeng%20(2%20October%202014).,-Issues
- ↑ https://www.monitor.co.ug/uganda/news/national/nyombi-thembo-appointed-new-ucc-executive-director-4444260
- ↑ https://web.archive.org/web/20191211000529/http://www.sqoop.co.ug/201912/four-one-one/ucc-promises-more-for-the-film-industry.html