Uganda Technical College Kichwamba
Uganda Technical College, Kichwamba, era eyitibwa Kichwamba Technical College, ttendekero lya gavumenti, erisomesa amatendekero aga waggulu mu by’obuyinginiya, nga lisomesa emisomo gya dipulooma. [1]
Ekifo
[kyusa | kolera mu edit source]Ettendekero lino lisangibwa mu kiromita 15 (9 mi), ku luguudo, mu bukiikakkono bw'ebugwanjuba bw'ekibuga Fort Portal, mu Disitulikiti y’e Kabarole, mu kitundu ky'ebugwanjuba bwa Uganda . [2] Ekifo kino kiri mu kiromita 310 (190 mi), ku luguudo, mu bugwanjuba bwa Kampala, ekibuga ekikulu ekya Uganda era ekisinga obunene. [3] Enkwatagana y'ekibangirizi ky'Essomero lino:0°42'52.0"N, 30°11'28.0"E (Latitude:0.714440; Longitude:30.191107).
Ebyafaayo
[kyusa | kolera mu edit source]Ekitongole kino kyatandikibwawo mu 1947, ng’okusengula abaazirwanako mu Ssematalo II era nga ekifo eky’okutendeka abakozi b’emikono. Mu 1971, yasitulwa n’etuuka ku ddaala lya yinsitituti y’ebyemikono ate mu 1983, n’efuuka ettendekero ly’ebyemikono. [1]
Ekittabantu e Kichwamba
[kyusa | kolera mu edit source]Nga 8 ogw'omukaaga mu 1998, abayeekera abeegattira mu kibiina ky’abatujju ekya Allied Democratic Front (ADF) baalumba ettendekero lino ne bakuma omuliro mu bisulo bisatu ne batta abayizi 80. Aba ADF baawamba abayizi abalala 100 ne basaanyaawo n'ebintu omuli laboratory n’emmotoka z’amasomero. [4] [5]
Nga bayambibwako Gavumenti ya Uganda, ekibiina kya Netherlands Organization for International Cooperation in Higher Education (Nuffic), Yunivasite y'e Hanze, ey'e Kyambogo , ey'a Mountains of the Moon ne Gavumenti ya Budaaki, ettendekero lino lyatereera era, mu mwaka gwa 2010, lyali lyeyongedde omuwendo gw’abayizi baalyo okutuuka ku 650. [4]
Laba ne
[kyusa | kolera mu edit source]- Obuyeekera bwa ADF
- Yunivasite za Uganda
- Eby'ensoma mu Uganda
- Amatendekero ga Uganda
Ebiwandiiko ebikozesebwa
[kyusa | kolera mu edit source]Ebiyungo eby’ebweru
[kyusa | kolera mu edit source]- 1 2 FOAC (21 December 2015). "Uganda Technical College Kichwamba". Fortuneofafrica.com (FOAC). Archived from the original on 22 December 2015. Retrieved 21 December 2015.
- ↑ GFC (21 December 2015). "Map Showing Fort Portal And Kichwamba With Interactive Route Marker". Globefeed.com (GFC). Retrieved 21 December 2015.
- ↑ GFC (21 December 2015). "Road Distance Between Kampala And Kichwamba With Map". Globefeed.com (GFC). Retrieved 21 December 2015.
- 1 2 Felix Basiime, and Joseph Mugisa (5 June 2010). "Kichwamba rises from the ashes". Archived from the original on 22 December 2015. Retrieved 21 December 2015.
- ↑ Administrator (12 June 2014). "Kichwamba Massacre: Survivors Accuse Government Of Neglect". Archived from the original on 22 December 2015. Retrieved 21 December 2015.