Victoria Mwaka

 

Victoria Mwaka munnayuganda pulofeesa w’eby’ettaka, munnabyabufuzi era omulwanirizi w’eddembe ly’abakyala ng’abeera mu disitulikiti y’e Luweero mu Uganda .

Ensibuko n’obuyigirize

Yazaalibwa Makulubita mu Disitulikiti y'e Luweero . Musomesa, pulofeesa era munnabyabufuzi . Alina diguli eyokusatu mu by'ettaka gye yafuna okuva mu yunivasite e Makerere .

Omulimu gwe nga tanayingira byabufuzi

Yatandika okusomesa mu 1969 era n’afuuka omuyambi w'omusomesa , pulofeesa omuyambi weby'ettaka n’oluvannyuma n’akulira ekitongole ky'ebyettaka mu yunivasite e Makerere emirundi ebiri okuva mu 1975. Yafuuka pulofeesa we by'ettaka mu 1991 ekyamufuula omukyala we by'ettaka eyasooka okubeera ne (PhD) ddiguli eyokusatu. Yakulembera okutandikawo essomero ly’abakyala n’okunoonyereza ku kikula ky’abantu era n’alungamya enteekateeka eno okutuusa lwe yafuuka omumyuka wa Ssentebe w’olukiiko olufuzi wakati wa 1994 ne 1995. Ye yali omunoonyereza omukulu mu kunoonyereza okwakolebwa mu Liberia.

Omulimu gw’ebyobufuzi

Yeegatta ku byobufuzi mu 1996 bwe yavaayo ng’omuwanguzi ng’omubaka wa palamenti akiikirira abakyala mu Disitulikiti y’e Luweero era n’awummula mu butongole ebyobufuzi ebinyiikivu mu 2011

Obulamu bw’omuntu

Yafumbirwa Abel Mwaka eyafa mu 2016. Omulimu gwe gwatandika ng’omusomesa mu 1969 era mu 1993 yatandikawo essomero lya Victoria Model Secondary School mu Luweero Town Council okusobola okuwa omwana omuwala obuyigirize obusoboka . Ono era yasunsulwa okukulira akakiiko akaddukanya amalwaliro mu disitulikiti y’e Luweero era n’akkirizibwa olukiiko lwa disitulikiti y’e Luweero .