Yunivasite y'e Kyambogo

 

Kyambogo University (KYU) yunivasite ya gavumenti mu Uganda . Y'emu ku Yunivasite ezisinga obunene era ez'ekitiibwa mu Uganda era y'emu ku yunivasite za gavumenti omunaana saako n'amatendekero agagaba diguli mu ggwanga nga zitambula n'omubala ogusoma nti , "Okumanya n'Obukugu mu Buweereza."

Ebyafaayo

Yunivasite y’e Kyambogo yatandikibwawo mu 2003 olw'etteeka erifuga yunivasite n’amatendekero ga waggulu amalala erya 2001 nga ligatta amatedekero omwali Uganda Polytechnic Kyambogo (UPK), Institute of Teacher Education, Kyambogo (ITEK), n’ekitongole kya Uganda National Institute of Special Education (UNISE).

Ettendekero lya Uganda Polytechnic Kyambogo

Mu 1928, emisomo gy’ebyobusuubuzi n’ebyemikono mu Makerere College (kati Makerere Yunivasite ) gy'akutulwamu ne gifuuka Kampala Technical School empya. Essomero lino lyasengukira e Nakawa ne lifuuka Kampala Technical Institute. Mu 1958, essomero eryo ly'asengulwa ne litwalibwa e Kyambogo ne lituumibwa Uganda Technical College n'oluvannyuma ne lituumibwa erinnya lya Uganda Polytechnic, Kyambogo.

Ettendekero ly’okusomesa abasomesa, Kyambogo

Ettendekero elisomesa abasomesa Kyambogo

ITEK yatandika ng’ettendekero lya gavumenti eritendeka abasomesa mu 1948 e Nyakasura mu Disitulikiti y’e Kabarole . Mu 1954, yakyusibwa n'etwalibwa ku lusozi Kyambogo n’efuuka ettendekero ly’abasomesa mu ggwanga era oluvannyuma n’efuuka ITEK mu mateeka ga Paalamenti mu 1989.

Ettendekero ly'ebyenjigiriza ery'enjawulo erya Uganda National Institute of Special Education

UNISE yali yeegattira mu kitongole ky’ebyenjigiriza eby’enjawulo mu Bbanguliro ly’ebyenjigiriza mu yunivasite y’e Makerere, n’efuuka ettendekero eryetongodde mu tteeka lya Paalamenti mu 1998.

Kampasi

Etterekero ly’ebitabo ery’omu yunivasite y’e Kyambogo

Ekibangirizi kya yunivasite kisangibwa ku lusozi Kyambogo, nga kilomita 8 (5 mi) okuva ku luguudo mu Buvanjuba bwa Disitulikiti y’ebyobusuubuzi wakati mu Kampala, ekibuga ekikulu ekya Uganda. Ebibalo bya maapu ku yunivasite eno biri: 0°21'00.0"N, 32°37'48.0"E (Latitude:0.350000; Longitude:32.630000).

Enteekateeka n’okuddukanya emirimu

Kati Yunivasite y’e Kyambogo erina amabanguliro mukaaga, amasomero mukaaga n’ettendekero limu:

• Ebbanguliro lya Yinginiya
• Ebbanguliro lya Sayansi
• Ebbanguliro ly’ebyobulimi
• Ebbanguliro ly'ebyetaago eby'enjawulo & Rehabilitation
• Ebbanguliro ly’ebyemikono n’eby’obuntubulamu
• Ebbanguliro lya Sayansi w’Ebyobulamu
• Essomero elisomesa ku bya Built Enviroment
• Essomero ly’Ebyemikono
• Essomero lya Sayansi w'ebyuma bikalimagezi n'Amawulire
• Essomero ly'ebyenjigiriza
• Essomero ly’ebyemikono n’okukuba ebifaananyi ebifulumiziddwa
• Essomero elisomesa okuddukannya emirimu n’ebya bizinensi
• Ekitongole ky’ebyenjigiriza eby’ewala, ebifo eby’okuyiga ku yintaneeti n’okuyiga.

Abayizi abaaliwo abamanyiddwa

Ab'ebitiibwa

• William Gabula, Kyabazinga wa Busoga ow'okuna era nga ye mukulu mu kika kya Gabula

Eby'obufuzi

• Henry Bagiire, Minisita omubeezi ow’ebyobulimi, 2011-2016
• Charles Bakkabulindi, MP, Minisita Oomubeezi ow’Ebyemizannyo okuva mu 2005
• Rukiya Chekamondo, Minisita omubeezi avunaanyizibwa ku kukyusa bizinensi okuva mu gavumenti okudda mu by'obwannannyini, 2006-2011
• Lukia Isanga Nakadama, Minisita omubeezi ow’ekikula ky’abantu n’ebyobuwangwa okuva mu 2006
• Daniel Kidega, Sipiika ow’okuna mu lukiiko lw’ababaka ba Paalamenti mu buvanjuba bwa Afrika okuva mu 2014
• Brenda Nabukenya, Omubaka wa palamenti owa Disitulikiti y’e Luwero wakati wa 2011 ne 2016, Omubaka omukyala akiikirira Disitulikiti y’e Luwero mu Paalamenti 2021-

Abasomesa

• Hannington Sengendo, omumyuka wa Cansala wa Yunivasite y’e Nkumba okuva mu 2013.
• Arthur Sserwanga, omumyuka wa Cansala wa Muteesa I Royal University 2014 okutuuka mu 2017.

Bizinensi

• Anatoli Kamugisha, omutandisi era maneja wa kkampuni ya Akright Projects
• Richard Musani, akulira eby’okutunda mu kkampuni ya Movit Products Limited

Mu kisaawe ky'abamusanyusa

• Joanita Kawalya, muyimbi era mmemba wa Afrigo Band
• Rachael Magoola, muyimbi era mmemba wa Afrigo Band
• Irene Ntale, muyimbi
• Milka Irene, munnakatemba era munnabyabufuzi
• Rema Namakula, muyimbi era omusanyusa

Eby'emizannyo

• Stella Chesang, munnabyamizannyo era nnantameggwa w’ensi yonna mu misinde gy’oku nsozi mu 2015
• Henry Malinga, omuzannyi wa nsero
• Susan Muwonge ddereeva wa motoka z'empaka era musomesa
• Brian Umony, muzannyi w’amupiira mu KCCA FC ne mu Ttiimu y’eggwanga eya Uganda, emanyiddwa nga Uganda Cranes.

Abalala

• Diana Nkesiga, Vicar wa Lutikko y'Abatukuvu bonna, Nakasero okuva mu 2007
• Julius Ocwinyo, mutontomi era omuwandiisi w’ebitabo
• Kazawadi Papias Dedeki, Yinginiya era pulezidenti w'ekitongole ekitaba ba yinginiya ekya Federation of Africa Engineering Organizations
• Stephen Buay Rolnyang, omukulembeze w’abayeekera mu South Sudan era eyali Genero wa SSPDF

Abakulu b'amasomero

• John Ssebuwufu, Cansalar okuva mu 2014
• Elly Katunguka, omumyuka wa Cansala okuva mu 2014
• Senteza Kajubi, Omukulu w’ettendekero ly’ebyenjigiriza ebya waggulu e Kyambogo, 1986-1990
• Venansius Baryamureeba, Omusomesa omuyambi, 1995-1996
• Edward Rugumayo, musomesa, 1968-1969
• Sam Joseph Ntiro
• Elvania Namukwaya Zirimu

Laba ne

• Olukalala lwa yunivasite mu Uganda
• Olukalala lw'abakulembeze ba yunivasite mu Uganda

Ebijuliziddwa w'abweru wa Wikipedia

 

• Omukutu gwa Yunivasite y'e Kyambogo