Zafaran (omuyimbi)

Josephine Nkyoonyi, amanyiddwa nga Zafaran muyimbi era muwandiisi w'ennyimba enzaalwa ya Uganda. Ayimbira wansi w'ekibiina kya Swangz Avenue. Muyimba wa wanyimba za R&B, Afrobeat, Dancehall wamu ne Laga.

Obulamu bw'obuto n'ebyenjigiriza

Zafaran yazaalibwa mu Busega eri Catherine Kalinda n'omugenzi Hajji Isaac Kayiira Makumbi. Ye muto ku baana omusanvu ba nnyina. Yakulira mu Namasuba, ku luguudo lwa Entebbe, oluvannyuma lwa kitaawe okufa.

Zafaran yasomera pulayimale ku Lufuuka Islamic School ne Our Lady of Mount Carmel. Yasomera O-level ku Lubiri Secondary School, ne St. Petr's Secondary School Nsambya A-level. Oluvannyuma yeegatta ku Makerere University Business School (MUBS) okusoma ddiguli mu Transport and Logistics naye teyamalizria missomo olw'ebizibu by'ebyenfuna.

Omulimu

omulimu gw'okuyimba

Talanta ya Zafaran ey'okuyimba yatandika mu myaka gye egy'obuto nga yeetaba mu mirimu gye kkanisa ,yayimbira nga mu kkwaaya,nga maama we eya omukurisitayo omukukuutivu yeyamusikiriza. Yaweebwa sikaala okuva ewa Reverend Father olw'okubumanyirivu bwe obw'okuyimba.

Yadde nga maama we yali akyelowoza ku okwenyigira kwe mu kuyimba, yeeyongera okwegatta ku bibiina by'abayimbi eby'enjawulo mu Uganda nga UB 5, Gin Afric, Nilers, Bahati Music, ne A Ka Dope band.

Zafaran yakolako nga backup vocalist w'abayimbi abannayunganda omuli Jose Chameleone, King Saha, John Blaq, Karole Kasita, B2C, ne Maureen Nantume. Eddoboozi lye ery'amaanyi n'obusobozi bwe obw'okukwatagana n'abayimbi ab'enjawulo byamuyamba okumanyibwa mu by'okuyimba mu Uganda.

Mu December wa 2023, talanta ya Zafaran yazuulibwa munne ku A Ka Dope, eyamwanjula eri Swangz Avenue. Oluvannyuma lw'okusindika demo eri Benon Mugumbya, Zafaran yayitibwa mu lukiiko mu January wa 2024. Newankubadde tewali ndagaano yateekebwako omukono mu bwangu ddala, yayanjulwa mu butongole ng'omuyimbi wa Swangz Avenue mu March wa 2024, ng'ali wamu ne banne Winnie Nwangi, Vinka, ne Azawi. Mu March wa 2024 yalangiririrwa ng'omuyimbi omupya mu Swangz Avenue. Yafulumya oluyimba lwe olusooka olwa "Sweetheart" mu April wa 2024.