Agnes Atim Apea

 

Atim Agnes Apea

Agnes Atim Apea Munnayuganda omusuubuzi era munnabyabufuzi. Yatandikawo ekitongole kya Hope Development Initiative, era n'alondebwa mu pulogulaamu ya BBC ey'abakyala 100 mu 2017. Mu kulonda bwa bonna okwa 2021, yalondebwa ku ky'omubaka wa Palamenti ya Uganda okukiikirira abakyala mu Disitulikiti y'e Amolatar ku lw'ekibiina kya National Resistance Movement.

Okusoma kwe n'emirimu

Apea alina Diguli eyookusatu mu by'enkulaakulana y'ensi yonna okuva mu Yunivasite y'e Reading e Bunegreza, ne Diguli eyookubiri okuva ku Uganda Martyrs University mu byenkulakulana.

Apea ye ssentebe w'akakiiko ka gavumenti z'ebitundu akavunaanyizibwa ku by'enfuna ng'era ye mutandisi era akulira ekitongole kya Hope Development Initiative, ekikulaakulanya okulima omuceere naddala mu bakyala abalimi mu bitundu eby'enjawulo mu Uganda. Kino kyamuvirako okumukazaako erya ''Maama muceere''. Ekitongole kye kikungaanyiza ebibiina by'obwegasi eby'abalimi mu Uganda, nekibasindikiriza okufuna ekitundu tundu ekiwerako mu katale. Ng'oggyeko omuceere, Mu kwongereza ku muceere, ebibiina bino bikola na b'ensigo ezikola butto ava mu bimera n'ebiva mu muwogo.

Ye mubaka wa Palamenti akiikirira abakyala mu Disitulikiti ya Amolatar mu Bukiikakkono bwa Uganda.

Mu 2017, yalondebwa mu pulogulaamu ya BBC ey'abakyala e 100. Apea yakimannya bweyali agenze okwetaba mu lukungaana lwa African Grain Trade Summit olw'omulundi ogw'omusanvu olwali mu Tanzania, nga bagamba yatumbula obwenkanya mu bitundu wamu n'okusomesa abakyala abato kwekumuteeka ku lukalala.

Mu Palamenti ya Uganda eyekkumineemu, akola ng'omumyuka wa ssentebe ku kakiiko k'eby'obulimi, obulunzi n'obuvubi.

Laba ne

• Olukalala lw'ababaka abali mu Paalamenti ya Uganda eyekumineemu