Ebyonoona akatale k'omulimi
Akatale k’omulimi ekikoonoona
Ebyonoona obutale bw’omulimi bye bino, omutindo gw'ekyo ky'otunda, obungi bw'ebirimibwa, ensiba yaabyo, entereka yaabyo, endabika yaabyo n’omutindo, ekifo awatundirwa, entambuza enkyamu, enkwata gy'obikwatamu n'endabika y'omutunzi.
‘’Omusuubuzi owa wakati’’ Abantu aba wakati be basuubuzi ab'emirundi ebiri, abo abagula ebirime oba ebirundwa okuva ku balimi n’abalunzi mu byalo, ate nabo ne babiguza abasuubuzi aba lejjalejja. Ate n'abasuubula ku bano ababituusa mu bibuga okubiggya gye birimirwa oba ku malundiro, ne babiguza ababirya.
Abalimi bandifunye ssente nnyingi ssinga beetundira ebirime n’ensolo zaabwe butereevu mu katale. Abalimi okutundira awamu nga beegasse kijja kuyamba nnyo abalimi n’abalunzi era n’abaguzi ababirya. Kijja kukkirizisa abasuubuzi n'abalongoosa ebirime ate n'abo ababitwala emitala w'amayanja okufunako akatono, basobole okuwa abalimi emiwendo eminene mu birime n'ensolo zaabwe. Wano nno, abalimi beetaaga ebyagi omuterekwa ebirime nga byamutindo ate nga biri ku kkubo, basobole okukung'aanya era n’okukuuma ebirime byabwe , awo era basobole okufuna entambula ennyangu.
Emigaso abalimi gye bafuna nga batundira wamu ebirime gye gino:
- Bye batunda bimanyika mangu.
- Ssente zonna ezeetaagisa okukaza, okulongoosa, okupakira mu nsawo, mu bokisi, n’okubituusa gye binaatundibwa zisondebwa okuva mu balimi bonna awamu era tezinnyiga ssekinoomu.
- Abalimi bawalirizibwa okulongoosa ebirime byabwe ne bituukira ddala ku mutindo ogwa waggulu.
- Emirimu gyonna egikolebwa mu bweggassi, giwagirwa nnyo naddala Gavumenti ya Uganda n’ebibiina ebirala ebya nakyewa.