Akello Judith Franca
| Ekikula | mukyala  |
|---|---|
| Ensi y’obutuuze | Yuganda |
| Erinnya eriweereddwa | Judith |
| Erinnya lya famire | Akello |
| Yazaalibwa nga | 1978 |
| Ennimi z'amanyi | Lungereza |
| Omulimu | economist, munnabyabufuzi |
| Omukozesa | Ekibiina kya Uganda Red Cross Society, Parliament of Uganda |
| Disitulikiti mwalondera | Agago |
| Gyeyasomera | Ssettendekero wa Makerere |
| Mmemba w’ekibiina ky’ebyobufuzi | Ekibiina kya National Resistance Movement |
Akello Judith Franca yazaalibwa nga 17 Ogwomunaana 1978, Munnayuganda, munnabyabufuzi era omukugu mu by'enfuna.[1] Ye mubaka omukyala eyakiikirira ab'e Agago mu Paalamenti ya Uganda ey'omunaana, omwenda n'ekkumi.[1][2] Mu Paalamenti ey'ekkumineemu, yeesimbawo ku ky'omukyala eyali ayagala okukiikirira Agago naye ne bamuwangula nga yafuna obululu 26,840.[3] Yalina akakwate ku kibiina ky'eby'obufuzi ekya Forum for Democratic Change mu Paalamenti ey'ekkumi.[1][4][5] Yaliko ne mu kibiina ekiri mu buyinza ekya National Resistance Movement.[6]
Okusoma kwe
[kyusa | kolera mu edit source]Mu mwaka gwa 1993, yatuula ebigezo bya P.7 ebya P.L.E ku ssomero lya Lacek-Ocot Primary School.[1] Mu mwaka gwa 1997, yaweebwa satifikeeti ya siniya eyookuna eya Uganda Certificate of Education okuva ku ssomero lya Atanga S.S. oluvannyuma yeegatta ku Sacred Heart S.S. mu disitulikiti y'e Gulu gye yatuulira siniya ey'omukaaga era gye yafunira satifikeeti ya Uganda Advanced Certificate of Education, oluvannyuma n'amaliriza mu mwaka gwa 1999.[1] Alina ddiguli mu busomesa ng'eno yagifunira ku Ssettendekero wa Makerere era yagifuna mu mwaka gwa 2004. Oluvannyuma yaweebwa ddiguli ey'okubiri mu by'okuddukanya eby'enfuna mu mwaka gwa 2009 okuva mu Ssetendekero wa Makerere.[1]
Obulamu bwe nga tannayingira byabufuzi
[kyusa | kolera mu edit source]Okuva mu 1998 okutuusa mu 2001, yali akola mu kitongole kya Uganda Red Cross Society, wabula ng'akola nga eyali ayamba kubaali babeera mu bantu. Wakati w'omwaka gwa 1999 ne 2001, yakola ng'omusomesa ku ssomero lya Pajule S.S. Okuva mu mwaka gwa 2017 okutuuka kati, yali akola nga sabawandiisi mu kakiiko ka paalamenti akavunaanyizibwa ku nsonga z'abaana. Yakolako ng'omusomesa wakati w'omwaka gwa 2003 ne 2005 ku Kisugu Secondary School ery'e Muyenga.[1]
Olugendo lwe mu by'obufuzi
[kyusa | kolera mu edit source]Nga tannaba kwegatta ku paalamenti ya Uganda ng'omubaka wa paalamenti okuva mu mwaka gwa 2006 okutuuka mu 2021, Judith yakolako ng'omubaka wa paalamenti ya Uganda mu bifo eby'enjawulo. Mu mwaka gwa 2006 okutuusa 2011, yaweebwa omulimu gw'okumyuka kalabaalaba wa paalamenti akakasa ng'ababaka balonda n'okulabikako mu nkiiko ezibeera zitegekeddwa. Judith oluvannyuma yakolako nga minista ow'ekisiikirize ow'eby'enjigiriza n'eby'emizannyo okuviira ddala mu mwaka gwa 2011 okutuusa mu mwaka gwa 2013. Okuva mu mwaka gwa 2013 okutuusa mu 2016, yeeyali ssaabawandiisi w'ekibiina ekigatta abakyala mu paalamenti ekya 'Uganda Women Parliamentary Association'.[1] Wakati w'omwaka gwa 2013 ne 2016, yeeyali omukungu wa Uganda eyagikiikiriranga mu palamenti y'ensi yonna eya International Parliamentary Association, oluvannyuma n'akiikirira Uganda mu paalamenti egatta amawanga agali mu lubu olumu ne Bungereza eya 'Commonwealth Parliamentary Association' okuva mu mwaka gwa 2016 n'okutuusa kati.[1] Okuva mu mwaka 2017 n'okutuuka kati, Judith akola ng'omumyuka wa ssentebe mu kakiiko ka paalamenti ku by'ensonga z'eby'enfuna by'abantu mu paalamenti ya Uganda.[1]
Ebirala by'akola
[kyusa | kolera mu edit source]Yakolako mu kakiiko k'eby'ensimbi, okutegeka wamu n'okukulaakulanya eby'enfuna ne ku kakiiko akakola embalirira y'eby'enfuna by'abantu mu paalamenti ya Uganda, ng'oggyeeko okubeera omubaka.[1][7][8]
Obulamu bwe
[kyusa | kolera mu edit source]Mufumbo.[1] Ayagala nnyo okwenyigira mu by'emizannyo n'okusoma.[1]
Laba ne
[kyusa | kolera mu edit source]Ebijuliziddwa
[kyusa | kolera mu edit source]- 1 2 3 4 5 6 7 8 9 10 11 12 13 https://www.parliament.go.ug/mp_database/profile.php?mid=128
- ↑ https://www.monitor.co.ug/uganda/news/national/female-mps-on-a-pregnancy-watch-as-golola-visits-parliament-1843882
- ↑ https://visiblepolls.org/ug/2021-general-election/candidates/akello-judith-franca-10106/
- ↑ https://fdc.ug/team/hon-franca-akello/
- ↑ "Archive copy". Archived from the original on 2022-10-16. Retrieved 2023-03-19.
{{cite web}}: CS1 maint: archived copy as title (link) - ↑ https://theyworkforyou.github.io/uganda-parliament-watch/mp/2cec2ab5-bce3-4e0d-b496-03f1fac9c826/
- ↑ https://www.independent.co.ug/tag/judith-franca-akello/
- ↑ "Archive copy". Archived from the original on 2022-10-18. Retrieved 2023-03-19.
{{cite web}}: CS1 maint: archived copy as title (link)