Allen Kagina

Bisangiddwa ku Wikipedia
Jump to navigation Jump to search


Allen Kagina
Obuzaale 1961 (emyaka 56–57)

Uganda

Ekifo gy'abeera Kampala, Uganda
Eggwanga Munnayuganda
Obutuuze Uganda
Ssettendekero Makerere University

(Bachelor of Science in Psychology)

University of Liverpool

(Masters of Public Administration)

Omulimu Munnabbizineesi
Emyaka gy'amaze mu mulimu ogwo 1985 okutuusa leero
Amanyiddwa mu Administrative Skills, Integrity
Obutaka Kampala
Eddaala ly'aliko Akulira ekitongole kya Uganda National Roads Authority

Allen Catherine Kagina Munnayuganda era nga y'akulira ekitongole kya Uganda National Roads Authority (UNRA). Yaweebwa ekifo ekyo nga 27 Ogwokuna 2015.[1] Bwe yali tannaweebwa kifo ekyo, yaweerezaako ng'omukulu w'ekitongole kya Uganda Revenue Authority (URA) okuva mu mwaka gwa 2004 okutuuka mu 2014.2]

Ebyafaayo bye n'obuyigirize[kyusa | edit source]

Yazaalibwa mu mwaka gwa 1961 mu ddisitwikiti y'e Rukungiri, nga ddisitwikiti eno esangibwa mu bitundu by'omu Bugwanjuba bwa Uganda.[3] Kagina yasomera ku ssomero ery'ettutumu ate nga lya kisulo erimanyiddwa nga Gayaza High School, eriri ku musingi gw'obwassekyewa era nga lya bawala bokka. Alina ddiguli mu Bachelor of Science in psychology gye yafunira ku ssettendekero enkulu mu Uganda ate ng'eri mu mikono gya gavumenti ( Makerere University). Mu ngeri y'emu, alina ddiguli ey'okubiri ( Masters in Public Administration) gye yafunira mu University of Liverpool e Bungereza.[4]

Obukugu bwe[kyusa | edit source]

Kagina yatandika emirimu gye mu mwaka gwa 1985 ng'akola ng'omuyigisa omuyambi (teaching assistant) ku Ssettendekero Makerere (Makerere University). Oluvannyuma yafuna omulimu ku Woofiisi y'omukulembeze w'eggwanga. Mu mwaka gwa 1992, Kagina yeegatta ku kitongole kya URA ng'akola nga ofiisa akulira ebyemisolo mu kitongole kino, ng'eno yakolerayo okutuusa mu mwaka gwa 1998. Yalinnyisibwa eddaala mu mwaka gwa 2000 n'aweebwa ekifo ky’obumyuka w’omukulu avunaanyizibwa ku kusolooza emisolo ku bintu ebiva ebweru w’eggwanga, n'akakkalabya emirimu gye okutuusa mu mwaka gwa 2001. Yaweebwa omulimu gw'obwannankulu bw'ekitongole kya URA mu 2004.[5] Atenderezebwa okuba yasobola okuyimusa ekitongole kino mu byenfuna. Mu mwezi Gwokubiri, mu mwaka gwa 2006, Kagina yaweebwa ekirabo (Corporate Leadership Award) okuva mu kibiina ekimanyiddwa nga, Destiny Consult, nga kimusiima okusitula omutindo n'enkola y'emirimu mu kitongole ekisolooza omusolo okuva lwe yakwasibwa obuvunaanyizibwa bw'okukulira ekitongole ekyo mu mwaka gwa 2004.[6] Mu mwezi Ogwekkumi, mu mwaka gwa 2010, endagaano ye yazzibwa buggya, n'ayongebwa emyaka emirala esatu. Kigambibwa okuba nga yali aweebwa omusaala oguwerera ddala ssiringi za Uganda, obukadde 28 (kyenkana ddoola z'America, US$ 11,250).[7] Nga 27 Ogwokuna 2015, Mminisita wa Uganda eyali avunaanyizibwa ku byemirimu n'entambula mu kiseera ekyo, John Byabagambi, yamuwa ekifo ky'okukulira ekitongole kya UNRA, era nga yali waakutandika kukakkalabya mirimu gye mu kifo kye ekiggya okutandikira ddala ng'ennaku z'omwezi 1 Ogwokutaano, 2015.[1][8]

Ebimukwatako ng'omuntu[kyusa | edit source]

Allen Kagina mufumbo eri Paul Kagina. Balina abaana basatu, Dan, Michelle ne Mark. Allen Kagina mukyala Mulokole.[4][9]

Laba ne[kyusa | edit source]

  • Olkalala lw'abantu abasinga obugagga mu Uganda

Ebijulizo[kyusa | edit source]

1.    ^ Dda ku:a b Bwire, Nelson (27 Ogwokuna 2015). "Allen Kagina To Head UNRA". Daily Monitor. Kampala. Kirabiddwa nga 27 Ogwokuna 2015.

2.    Dda ku^ Kaujju, Peter (24 Ogwokusatu 2007). "More Changes In URA". New Vision. Kampala. Kirabiddwa nga 20 Ogwekkumi 2016.

3.    Dda ku^ Mwesigye, Shifa (2 Ogusooka 2011). "Despite Its Rich Profile, Rukungiri Wallows In Poverty". Kampala: The Observer (Uganda). Kirabiddwa nga 8 Ogwomukaaga 2014.

4.    ^ Dda ku:a b Nakaweesi, Dorothy (29 Ogwomukaaga 2010). "Allen The Tax Collector And Mother". Daily Monitor. Kampala. Kirabiddwa nga13 Ogwokutaano 2014.

5.    Dda ku^ David Mugabe, ne Mark Owor (15 Ogwomusanvu 2010). "Kagina Set to Stay at Helm of Revenue Body". New Vision. Kampala. Kirabiddwa nga 20 Ogwekkumi 2016.

6.    Dda ku^ Olaki, Emmy (8 Ogwokubiri 2006). "Kagina gets leadership award". New Vision. Kampala. Kirabiddwa nga 20 Ogwekkumi 2016.

7.    Dda ku^ Mugerwa, Yasiin (15 Ogwokutaano 2015). "Highest paid government officials named". Daily Monitor. Kampala. Kirabiddwa nga20 Ogwekkumi 2016.

8.    Dda ku^ Bwire, Nelson (27 Ogwokuna 2015). "Allen Kagina to head UNRA". Daily Monitor. Kampala. Kirabiddwa nga 20 Ogwekkumi  2016.

9.    Dda ku^ Sanya, Samuel (25 Ogwekkumi2014). "What Makes Allen Kagina Tick". New Vision. Kampala. Kirabiddwa nga 20 Ogwekkumi 2016.

Emikutu emirala[kyusa | edit source]

·        URA eruubirira okuyingiza obuwumbi lukaaga n'obukadde bisatu (UGX:6.3 Trillion (US$2.7 Billion) mu mwaka gw'ebyenfuna:2011/2012