Aloysius Bugingo

  

Omusumba Aloysius Bugingo munnayugandsa omusumba w'abalokole era omusuubuzi . Ye nannyini w'amakampuni g'amawulire agakolera wansi wa salt media group, n'ekkanisa mu Makerere, Kikoni Kampala, House of Prayer Ministries International (era emanyiddwa nga Canaan land). Yalondebwa ekitongole kya East Africa Book of Records ng'omubuulizi w'enjiri omulokole asinze okukyusa obulamu bw'abantu n'okubagattako.

Obuto bwe n’okusoma kwe

Aloysius Bugingo yazaalibwa mu Masaka era yakulira ne bajjajjaabe abazaala nnyina, abaamulabirira oluvannyuma lwa nnyina okugenda okubeera e Rwanda, ne kitaawe Omunyarwanda. Kojja we yamuziyiza okugenda mu maaso n’obuyigirize obwa waggulu, era Bugingo okukkakkana yagenda e Kampala ng’akyali mutiini nga kiddirira okukijjanyizibwa kojjaawe.

Ng'atuuse e Kampala , Bugingo mu kusooka yamaliriza ali ku luguudo, naye ng'ayita mu mikwano, yalagirirwa ewa Ssentongo Godfrey, eyawa Bugingo omulimu mu maka ge n’ekifo aw'okubeera. Yakola nga omukozi w'awaka ewa Ssentongo okumala akaseera, nga Ssentongo tannamuwa mulimu gwa kukola n'okutunda emberenge entulise mu katale ka Owino . Yatereka ssente ezimala okutandikawo bizinensi ye ey'okutembeeya ebintu ng'atunda ebintu by’awaka n'engoye z'abakyala ezisulwamu n'ezomunda (Dressing gowns) okwetooloola ekibuga Kampala. Yadda e Kazo ku nkingizi za Kampala, ng'apangisa akazigo akatono ak'ekisenge ekimu .

Bugingo alina ddiguli esooka mu by’eddiini, ne satifikeeti mu nkola y'ekikulisitaayo eyokuzaamu amanyi n'okubudaabuda , gyeyafuna nga 28 Omwezi ogwomukaaga 2019 okuva mu yunivasite ya Kayiwa International University. Yaweebwa awaadi olw’ettoffaali lyatadde ku nkulaakulana y'ekkanisa y'abalokole mu Uganda era yeeyasinga mu mwaka gweyatikkirwamu.

Emirimu gy'obusumba

Ng'enkeera ssekukkulu, 1992, Bugingo yayatula obulokozi mu KPC (nga y'ekkanisa ya Watoto kati eriwo leero) mu kulaga firimu y’ekikurisitaayo, Heaven’s Gates and Hell’s Flames .

Bugingo yatandika okuweereza ng'omusumba ku kifo Victory Christian Center Ndeeba . Yatandika okwetaba ku radio eweereza eby'ekikulisitaayo esangibwa mu Ndeeba, Impact FM, ng’akuba amasimu ku mpewo. Bugingo yatandika okukola ng’omuyambi w’ekkanisa, ng’ategeka ekkanisa n’okukulembera okusinza. Joseph Sserwadda, omusumba akulembera ku Victory Christian Centre Ndeeba, yasiima emirimu gye n’amulonda ku busumba. Ng'ogasse ku buweerezaabwe ng’omusumba, Bugingo yakola emirimu emirala ku Impact FM, omuli okukubiriza pulogulaamu z’enzikiriza nga Manya Kyokkiriza . Bugingo yakolera ku Victory Christian Center ne Impact FM okutuusa nga 31 December 2010, lwe yalekulira, nga Sserwadda teyagadde.

Oluvannyuma lw'okuva ewa Joseph Sserwadda, Aloysius Bugingo ne mukyala we Teddy baatandikawo House of Prayer Ministry International (HPMI), Obuweereza bwabwe bwatandikira ku Bat Valley Theatre.

HPMI yatongoza Salt FM mu 2014 ne SaltTelevision mu 2015. Ekibiina / abagoberezi b’ekkanisa n’abawuliriza ku Salt Radio beeyongera obutasalako okusingira ddala mu kusaba kwa Bugingo okw’ekiseera eky'amalya g'ekyemisana. Olumu ba mmemba b'ekkanisa baapangisa ekisaawe ekizannyirwamu eky'essomero lya Bat Valley erya pulayimale ,engeri gyekyali nti ssi buli omu nti yali asobola okuggya mu kkanisa. Omuwendo gw'abagoberezi ba HPMI ogwali gukula gwaleetera okunoonya ettaka erisingako obunene okuteekako ekkanisa.

Bugingo abadde mu nnyombo ez'olujjudde ezitaggwa n’abasumba abalala bangi mu Kampala. Oluusi akozesa okubuulira kwe okulumiriza basumba banne okubba abagoberezi baabwe, ekivuddeko entalo wakati wa Bugingo n’abasumba abalala mu kibuga ezikyagenda mu maaso. Alumiriziddwa okugezaako okwonoona eneeyisa y’abasumba abalala okusikiriza abagoberezi baabwe okugenda mu kkanisa ye.

Bugingo yatandika okusomesa ku nnyiriri ezibula mu Bbayibuli za Good news bibles ne King James eziyita Omwoyo omutukuvu (Holy spirit) nga (Omuzimu Omutukuvu ) "Holy Ghost". Yasaba Abakulisitaayo okulekera awo okusoma Bbayibbuli zino kubanga zali zibawabya. Mu kifo ky’ezo yakubiriza abakulisitaayo okusoma eza King James, naye nga bamaze kukakasa nti buli lunyiriri mweluli era ng' Omwoyo Omutukuvu (Holy Spirit ) ssi ‘Muzimu Mutukuvu’ (Holy ghost). Mu ndaba ya Bugingo, omuzimu teguyinza kuba mutukuvu, ekitegeeza nti Bbayibbuli yonna eyogera ku Mwoyo Omutukuvu ng’omuzimu Omutukuvu ya sitaani . Mu 2017 Bugingo yalangirira okwokya Bbayibbuli za ‘sitaani’. Oluvannyuma yawawaabirwa mu kkooti, naye neyeegana ebyali bimuwaayirizibwa ng'agamba nti yali tayogera ku muliro ogulabwako naye muliro ‘ogw’omwoyo’. Bugingo yawawaabirwa mu kkooti e Nabweru mu 2017 abakurisitu babiri okwali Aloysius Kizza Matovu n’omubuulizi w’enjiri Francisco Semugooma olw’okwokya Bayibuli. . Bugingo yawangula, ng'omulamuzi yagamba nti abaamuwayiriza baalemererwa okulaga obujulizi obulabwako nti Bugingo yali ayokyeza Bbayibbuli , era n'omuliro gwebaalaga ogwa Bbayibbuli tegwamulaga wantu wonna

Mu Mwezi ogwokubiri 2019, ekkanisa ya Bugingo yawawaabirwa mu Kkooti enkulu olwa kkerere.

Bugingo yawaayo obukadde bwa siringi za uganda kikumi (Ushs100 million ) eri gavumenti ya Uganda okulwanyisa Lumiima mawugwe (COVID 19) .

Mu Mwezi ogusooka 2024, Aloysius Bugingo yafuna ebisago mu bulumbaganyi obwatta omukuumi we. Poliisi ya Uganda yategeezezza nti yali enoonyereza ku bulumbaganyi buno ng'obwali "obw'okugezaako okutta omuntu".

Obulamu bwe ng'omuntu

Ku ntandikwa y’emyaka gya 1990, Bugingo yawasa Teddy Naluswa, era abaagalana bano baawangalira mu bwavu. Wadde nga waaliwo okusika omuguwa olw’enzikiriza ya Bugingo ey'obulokole, baasigala bombi olw’abaana baabwe. Bugingo ne Naluswa balina abaana basatu ab'obuwala, Doreen Gift, Winnie, ne Jenifer Bugingo, n'omutabani omu Miracle Bugingo.

Obufumbo bwa Bugingo ne Teddy bwakola amawulire mu ggwanga , Uganda entalo z'abaagalana bwezaafuuka ez'olujjudde. Teddy ekyaddirira yalekeraawo okugenda mu kkanisa, era Bugingo n’ategeeza abagoberezi b'ekkanisa nti ye (Teddy) ne muwala waabwe Doreen baali bakolerera okimenya obuweereza bwe era nga bagezaako okubba eby’obugagga by’ekkanisa. Bugingo yagamba nti Teddy yali asabye omugabo ku ttaka ly'ekkanisa ng'awaanyisiganya n'okwawukana. Abakulembeze b’eddiini abalala tebaasiima nneeyisa ya Bugingo. Mu 2019,Bugingo yavumirirwa babuulizi banne ab'enjiri olw'okutyoboola mukazi we mu lujjudde ng'aggyayo ebyama by'obufumbo bwabwe

Teddy Bugingo yatongoza ekkanisa ye, Word of Salvation Ministries International (WSMI) mu Mwezi ogusooka 2020. Mu 2020, abasumba bataano bagambibwa nti baali bavudde mu HPMI ne bagenda mu kkanisa ya Teddy Bugingo.

Mu Mwezi ogwomwenda 2019 yakunyizibwa minisita Nakiwala ku by'okulagajjalira omwana .

Bugingo ekyaddirira yayingira omukwano ne Susan Makula. Mu Mwezi ogwekkumineebiri 2019, yalangirira nti ali lubuto lwa balongo.

Mu Mwezi ogwomukaaga 2021, kyategeezebwa nti yali akwatiddwa ekirwadde kya Lumiima mawugwe (COVID 19.

Ebijuliziddwa

1. "Profile: How Pastor Aloysius Bugingo became one of the most successful pastors in Uganda". Flash Uganda Media (in English). 25 August 2019. Retrieved 14 May 2020.{{cite web}}: CS1 maint: unrecognized language (link)
2. "Profile: Who is Pastor Aloysius Bugingo?". Watchdog Uganda (in British English). 4 May 2019. Retrieved 14 May 2020.
3. "pastor aloysius bugingo – theinsider.ug" (in American English). Retrieved 21 May 2020.
4. "Pr. Bujjingo appreciates Ugandans for voting him". salt media (in British English). Archived from the original on 4 March 2020. Retrieved 14 May 2020.
5. "Why Pastor Aloysius Bujjingo Was Awarded The Most Admired And Influential Born Again Faith Leader In Uganda". salt media (in British English). Archived from the original on 12 March 2020. Retrieved 21 May 2020.
6. "Pastor Aloysius Bugingo Archives". Kyakala (in American English). Retrieved 21 May 2020.
7. "Pastor Bugingo Acquires Degree | Kampala Sun" (in American English). Archived from the original on 29 June 2019. Retrieved 14 May 2020.
8. "Pastor Bugingo Heeds Gov't Call, Acquires Degree". Campus Bee (in American English). 28 June 2019. Retrieved 21 May 2020.
9. "Pastor Bugingo Graduates in Theology – theinsider.ug" (in American English). Retrieved 14 May 2020.
10. "Aba Victory Christian Centre, Bujingo gye yava nga tasiibudde bavumiridde eky'okwokya Bayibuli". www.bukedde.co.ug. 23 April 2017. Archived from the original on 27 April 2017. Retrieved 21 May 2020.
11. "Canaan Land HOUSE OF PRAYER MINISTRIES, Central (+256 207 777777)". vymaps.com. Retrieved 21 May 2020.
12. "Pastor Bugingo's Shs70b Church is the greatest religious fraud in Uganda". Watchdog Uganda (in British English). 17 January 2019. Retrieved 21 May 2020.
13. "Over 40000 Souls Turn to Jesus". salt media (in British English). Archived from the original on 5 March 2020. Retrieved 21 May 2020.
14. "God has Always Protected Kampala – Afande Omala". ChimpReports (in American English). 2 January 2015. Retrieved 21 May 2020.
15. "Robbing, cunning pastors blasted". www.newvision.co.ug. Retrieved 21 May 2020.
16. "Bugingo Tells Off Fellow Pastors: Let's Stop Mobile Money, Corona is Enough Burden for Christians Now". mulengeranews.com (in American English). Archived from the original on 29 April 2020. Retrieved 21 May 2020.
17. "Pastor Bugingo under fire for burning 'deceptive' Bibles". The Observer (in British English). Retrieved 21 May 2020.
18. "Ugandan Pastor Under Fire for Burning 'Deceptive' Bibles". allAfrica.com (in Lungereza). 24 April 2017. Retrieved 21 May 2020.
19. "Pastor Bugingo Burns Thousands of Holy Bibles at Makerere Kikoni". Campus Bee (in American English). 18 April 2017. Retrieved 21 May 2020.
20. "Bible burning sparks outrage in Uganda". The Independent (in American English). 30 April 2017. Retrieved 21 May 2020.
21. "Court gives Pastor Bugingo 60 days ultimatum". www.newvision.co.ug. Retrieved 14 May 2020.
22. "How Pastor Bugingo outsmarted critics with his Shs100m COVID-19 donation to government". Watchdog Uganda (in British English). 21 April 2020. Retrieved 14 May 2020.
23. "Un célèbre pasteur ougandais blessé dans une "tentative de meurtre"". Voa Afrique (in Lufalansa). 3 January 2024. Retrieved 3 January 2024.
24. "I'll stay discreet for my kids, in-laws' peace – Pr Bugingo". www.newvision.co.ug. Retrieved 14 May 2020.
25. Joshua, Walakira. "Bugingo wife quits over church assets". Mulengera News (in American English). Retrieved 21 May 2020.
26. Kigongo, Juliet (22 August 2019). "Court to hear Pastor Bujjingo's divorce case, dismisses wife's". Daily Monitor (in Lungereza). Retrieved 14 May 2020.
27. "No way back! Pastor Bugingo insists on divorce, offers to share UGX2b property with estranged wife". PML Daily (in American English). 11 July 2019. Retrieved 21 May 2020.
28. "What religious leaders think of Pr. Bugingo". www.newvision.co.ug. Retrieved 14 May 2020.
29. ""Pastor Bugingo is teaching heresy about marriage – Flee", Rev. Onesimus Asiimwe | Church of Uganda". churchofuganda.org. Archived from the original on 28 February 2020. Retrieved 21 May 2020.
30. "Bugingo: Pastors speak out". www.newvision.co.ug. Retrieved 14 May 2020.
31. "Teddy Bugingo launches own church". www.newvision.co.ug. Retrieved 14 May 2020.
32. "Bugingo is mine and will return – Teddy Naluswa". www.newvision.co.ug. Retrieved 14 May 2020.
33. "Pastor Bugingo's wife Teddy Naluswa opens own church". Flash Uganda Media (in English). 6 January 2020. Retrieved 14 May 2020.{{cite web}}: CS1 maint: unrecognized language (link)
34. "Teddy Bugingo Starts Own Church". ChimpReports (in American English). 7 January 2020. Retrieved 21 May 2020.
35. "He is a disgrace! Five pastors leave Bugingo, join wife's new church". PML Daily (in American English). 7 January 2020. Retrieved 21 May 2020.
36. "Video: Bugingo quizzed by minister Nakiwala over child neglect". Nile Post (in American English). 18 September 2019. Retrieved 14 May 2020.
37. "Pastor Bugingo Finally Parades Off Heavily Pregnant Suzan Makula, With Reports of Expecting Twins". eyalama.com (in American English). 7 January 2020. Archived from the original on 25 March 2022. Retrieved 14 May 2020.
38. Jamal, K. Y. (2021-06-14). "Pastor Bugingo Reportedly Battling with Covid -19". Celeb Patrol UG (in American English). Archived from the original on 2021-11-15. Retrieved 2021-11-15.