Ampaire Shakira

 

Ampaire Shakira (yazaalibwa mu mwaka gwa 1991) mukyala munnayuganda omuzannyi wa Cheess nnakinku. Awaniridde ekitiibwa kya Fide ekya Woman Candidate Master okuva mu mwaka 2018.

Ebyafaayo n'obuyigirize

Ampaire azaalibwa mwami Bagenyi Saidi n'omukyala Kyomugisha Gloria Ruth. Yafuna diguli mu mateeka okuva mu University ya Uganda christian University wakati w'omwaka gwa 2010 ne 2014, era n'afuna ne dipulooma y'eby'amateeka okuva ku Law Development Center wakati wa 2014 ne 2015.

Emirimu gye.

Mukyala munnamateeka omutendeke. Yatandika emirimu gye ng'omuzannyi wa Chess ku myaka 11 egy'obukulu nga yasikirizibwa nnyina Kyomugisha Gloria Ruth. Waliwo lwe yayita ku lugwanyu okuwangula ekitiibwa kya Woman CandidatevMaster bwe yabuuzaako akatundutundu k'akabonero mu mpaka za Zone za 4.2 African Individual Chess Champions mu ggwanga lya Ethiopia kyokka ekyo tekyamuyinula ttama. Ampaire yawangula bannakibiina kya Women's section of Uganda Open Chess champions n'obubonero butaano bwokka, n'awangula bannantameggwa baagwo ba WFM Ivy Clare Amoko, WFM Goretti Angolikin ne WFM Christine Namaganda. Yafuna ekitiibwa ky'omukyala asinze okuzannya Chess mu nsi yona ekya Woman Candidate Master bwe yeetaba mu mu mpaka za Chess Olympiad e Batumi mu Georgia mu mwaka gwa 2018 bwe yakiikirira Uganda mu mpaka ez'ekitiibwa mu nsi yona eza World Chess Olympiad.

Obuwanguzi n'ekitiibwa b'atuuseeko

• Akuumye ekitiibwa kya Woman Candidate Master okuva mu mwaka gwa 2018 nga kyamuweebwa International Federation of Chess(FIDE)
• Nantameggwa w'omuzannyo gwa Chess omukyala o ow'omwaka 2018 nga kyamuweebwa Uganda ChessFederation
• Yali omuzannyi asinga okussibwamu ekitiibwa (MVP)ng'ekitiibwa kino kyamuweebwa National Sports Association of Uganda mu mwaka gwa 2014.
• Ye dayirakita avunaanyizibwa ku kulaakulanya omuzannyi gwa Chess ng'ayita mu kibiina kya Uganda Chess Federation okuva mu mwaka gwa 2021 okutuusa kati.

Laba ne

• Uganda Chess Federation
• Nantameggwa wa Chess
• International Federation of Chess