Asuman Basalirwa

Asuman Basalirwa

Munnayuganda munnabyabufuzi

Omuntu

Ekikula	musajja
Ensi y’o­bu­tuu­ze	Yuganda
Yazaa­lib­wa nga	1977
Omulimu	munnabyabufuzi

Asuman Basalirwa yazaalibwa nga 17 Ogwekkuminogumu 1977. Munnayuganda, Mmunnamateeka, munnabyabufuzi era nga mubaka mu Paalamenti ya Uganda ey'ekkuminemu akiikirira abantu ba munisipalite y'e Bugiri. Yasooka okulondebwa ku kifo ky'obubaka bwa Paalamenti mu 2018 ku ttiketi y'ekibiina kya Justice Forum (JEEMA). Era ye Ssentebe wa Uganda Muslim Association ne Uganda Sports Club

Okusoma

Basalirwa ebbaluwa ye ey'okusoma eyasoka yagifunira ku ssomero lya Mwiri Primary School mu 1991. Siniya ye ey'okuna yagituula mu 1996 and n'ebbaluwa ya siniya ey'omukaaga y'agifunira ku ssomero lya Kiira College Butiki mu 1998. Alina dipuloma emukkirizisa okuteekesa amateeka mu nkola eya Diploma in Legal Practice okuva ku bbanguliro lya bannamateeka erya Law Development Centre (LDC) Kampala, Uganda mu 2004. Mu 2008, yamaliriza okusoma kwe okuva mu Ssettendekero wa Pretoria University gye yafunira ebbaluwa ya Certificate in International Humanitarian Law ne diguli ey'okubiri mu mateeka okuva ku ssettendekero wa Makerere mu 2015. Munnamateeka era akola ne kkampuni ekola ku nsonga z'amateeka eya Sewankambo & Co. Advocates.

Ekisaawe ky'ebyobufuzi

Basalirwa ye pulezidenti w'ekibiina kya Justice Forum (JEEMA) okuva mu 2010 okutuuka kati Ye ssentebe w'ekibiina ekitaba ebibiina ebirina ababaka mu Paalamenti ekya Inter-Party Organisation on Dialogue (IPOD). Yalondebwa ku kifo ky'obubaka bwa Paalamenti mu kifo kya 2018 era n'addamu okulondebwa mu kalulu ka bonna aka 2021 okutuusa kati mu kiseera kino ng'akiikirira ekitundu kya munisipalite y'e Bugiri. Ye y'amyuka ssentebe w'akakiiko ka Paalamenti akakola ku mbalirira ya ssente eziyisibwa Paalamenti aka Public Accounts Committee (PAC).