Bettinah Tianah

  Bettinah Tianah, yazaalibwa bamuyita Betty Nassali, ng'enaku z'omwezi 10, mu mwezi ogw'ekuminoogumu, mu mwaka gwa 1993, munayuganda akola ku ttivi, muzannyi wa firimu, ayolesa misono n'okugitona tona. Amannyikiddwa okuweereza ku pulogulaamu za ttivi nga ''Youth Voice'', ''Be My Date'', n'eyitibwa ''The Style Project''.Yamu kubaali abazannyi mu firimu y'oku ttiivi ey'obutundu tundu eyali eyitibwa ''The Hostel'' nga baali basinga kumumannya nga Rhona omu kubaali bakulembera.

Emirimu gye

Ku myaka 15, Tianah yatandika okukolera ku mukutu gwa NBS Television ng'eyali awereza pulogulaamu eyali eyitibwa ''Youth Voice'' oba edoboozi ly'omuvubuka. Oluvannyuma yawereza pulogulaamu eyali egatta abaagala ku ttivi eyali eyitibwa ''Be My Date'' Mu mwaka gwa 2015 ku mukutu gwa NTV Uganda, ng'adira Anita Fabiola, mu bigere, bweyawereza pulogulaamu y'emisono eyali eyitibwa ''The Style Project'' okuviira mu mwaka gwa 2017 okutuuka mu mwezi ogw'okusatu mu mwaka gwa 2022 bweyalekulira n'agenda esira aliteeke mu bizineensi ezizze kububwe eza BT Beauty Uganda. Tianah yatandika okuzannya firimu bweyali ayitibwa Rhona, omuwala ataali mwangu mu firimu eyali ey'obutundu eyalagibwa nga ku ttivi za Uganda ng'eyitibwa ''The Hostel'' mu sizoni yaayo ey'okuna erav eyali esembayo

Tianah yawerezaako ku kapeti emyuufu, omukolo ogwali ku UNAA Convention mu Washington D.C., ekyamufuula munayuganda eyasookera ddala okuweereza omukolo guno. Atera okukola ng'omwolesi w'emisono, nga yateeka omukono kundagaano ne kampuni ya ''Creative Industries Group'' mu mwaka gwa 2017. Yakubibwa ebifanannyi bye ebyali bisooka mu kibuga ky'e Paris.

Oluvannyuma yagulawo kampuni eyiye kububwe, eyali eyitibwa BT Beauty Uganda

Obulamu bwe

Tianah alina diguli mu by'amawulire, gyeyafunira kutendekero lya Cavendish University. Mukusooka yali asoma diguli mu by'okudukanya embeera z'abakozi, nga yagifunira kutendekero lya Makerere University Business School (MUBS), wabula n'agivaamu, ng'ayagala kubeera munamawuliremu biseera bye eby'omumaaso.