Dorothy Hyuha

Dorothy Hyuha

  Dorothy Samali Hyuha munayuganda omukungu, emuyigiriza, ng'ate munabyabufuzi. Ye mubaka wa Uganda mu ggwanga lya Malaysia. Yawerezaako nga minista eyali talina kitongole kyadukanya mu kabineeti ya Uganda. Okuva mu mwaka gwa 2006 okutuusa mu mwaka gwa 2011, Hyuha yawerezaako ng'omubaka omukyala owa disitulikiti y'e Butaleja, mu palamenti ya Uganda. Mukaseera kekamu, yali akola nga omumyuka w'omuwandiisi ow'ekibiina ky'eby'obufuzi ekiri mu buyinza ekya National Resistance Movement (NRM).

Emirimu gye

Hyuha yasooka okulondebwa mu palamenti ya Uganda mu mwaka gwa 1996, ng'omubaka eyali akiikirira disitulikiti y'e Tororo, ekifo kyeyalimu okutuusa mu mwaka gwa 2006. Oluvannyuma lw'okubeera nga disitulikiti y'e Butaleja yali esaliddwa ku disitulikti y'e Tororo mu mwaka gwa 2006, yawangula ekifo ky'omukyala eyali agenda okukiikirira disitulikiti y'e Butaleja ku bendera ya NRM. Yabeera mu kifo kino okutuusa Cerinah Nebanda bweyamuwangula mu mwaka gwa 2011. Okuva mu mwaka gwa 2009, okutuusa mu mwaka gwa 2011, yawerezaako nga minista eyali talina kitongole kyadukanya. Mu mwezi ogw'omunaana mu mwaka gwa 2012, Hyuha yaweebwa eky'okubeera omubaka wa Uganda mu ggwanga lya Tanzania, ng'eno gyeyawereza okutuusa mu mwezi ogw'omunaana mu mwaka gwa 2017, nebamukyusa, nebamutwala mu ggwanga lya Malaysia wansi w'omulimu gwegumu. Esaawa eno ye mubaka w'eggwanga lya Uganda ery'efuga mu Malaysia.

Ebimukwatako

Y'omu ku ba memba oba abali mu kibiina ekifuga eggwanga ekya NRM. Yali yafumbirwa Daniel Hyuha, eyafa mu mwezi ogw'ekumineebiri , mu mwaka gwa 2014, ng'alina emyaka 68.Baali balina amaka gamirundi esatu mu disitulikiti y'e Butalja.

Laba ne

• Disitulikiti y'e Butaleja
• Ekibiina ekiri mu buyinza ekya Nationak Resistance Movement
• Kabineeti ya Uganda