Ennyanguyirizi ezisookerwako(Basic Machines)
Gakuweebwa Charles Muwanga !!!Ennyanguyirizi esisookerwako zino wansi zikozesa maanyi ga mifumbi (muscle power) ng’ensibuko y’amasoboza (energy source), ne zikubisaamu empalirizo eba ekozesebwa okulaba ng’embavu eyetaagisa ekendeera. Zirimu:
o Kalinjola (screw)
o Ebitendero ebyewunzifu (enclined planes) nga ebiserengeto (ramps) o Najjolo (Chisels)
o Emisumaali (nails)
o Emisumeeni (saws)
o Ennyondo (hammer)
o Ebigaali (wheel barrows)
o Ebisikiso (pulleys)
o Ensuubo (Levers)
Awatali nnyanguyirizi, yadde ezisookerwako, omuntu byasobola okukola biba bibale. Ennyanguyirizi zisobozesa omuntu okukola emirimu egy’enjawulo okuva ku myangu (simple tasks), okudda ku mizibu (difficult tasks), okutuuka ku mizibuwavu (complex tasks). “Emizibuwavu” kitegeeza nti giba mizibu kiwanvu.
Ennyanguyirizi ezisookerwako zigonza zitya omulimu?
Ennyanguyirizi esookerwako egonza omulimu nga:
(i) Etambuza empalirizo okuva mu kifo ekimu okudda mu kirala.
(ii) Ekyusa obwolekero bw’empalirizo
(iii) Eyongeza ekipimo ky’empalirizo, eyongeza obuwanvo oba emisinde gy’empalirizo