Laura Kahunde

  Laura Kahunde Munnayuganda omuzannyi wa firimu era nga aweereza ku bulamu bwa bulijjo ku TV nga mu kino akyaza abantu abenjawulo. Alina pulogulaamu gyaweereza eyitibwa Our Perfect Wedding Uganda, ppulogulaamu ekwata ku bulamu obwa bulijjo ekwata ku nsonga z'obulamu bwa bulijjo ezeekuusiza ku baagalana okuviira ddala ku nteekateeka zembaga okutuusiza ddala ku mbaga zabwe. Ensangi zino azannya nga Jussy mu firimu ya Kyaddala. Olugero lwayo lukwata ku bulamu obuli mu yunivaasite nga omuli ab'omukwano okwekenneenya ebikwata ku by'omukwano n'obulamu mu by'okuzaala, eddembe, ebisomooza, awamu neebirala ebikwata ku bulamu obwa bulijjo. Yazannya nga Catherine Musoke mu firimu ya Chapters eragibwa ku pearl Magic Prime. Era yazannya nga Angella Byekwaso mu firimu emanyiddwa nnyo eya NTV Second Chance (Ugandan telenovela). Yazannyira ne mu za Mariam Ndagire omuli; Hearts in Pieces mwe yazannya ne Abby Mukiibi Nkaaga, Dear mum era esinga okuba ey'obuliwo yeeya my husbands wife Where We Belong, ne Dear Mum mweyazannyira ne Mariam Ndagire yennyini. Yalabikirako ne mu ya Usama Mukwaya eyitibwa Hello eyamuviirako okuwangula eky'omuzannyi asinze mu awaadi za 2011 MNFPAC students awards. Gyebuvuddeko yalabikirako mu firimu ya Henry Ssali eya Bullion mweyali ne muganda we Juliana Kanyomozi . Yakasiddwa okuba nga agenda kukola nate ne Usama Mukwaya mu firimu ejja eya Love Faces mwagenda okuzannyir wamu ne Moses Kiboneka Jr. ne Patriq Nkakalukanyi. Muno mulimu neerimu Douglas Dubois Sebamala eyitibwa Black Glove.

Obulamu bwe

Laura ye muggalanda W'omulangira Gerald Manyindo ne Catherine Manyindo. Era kizibwe wa Kabaka Oyo, Kabaka we Toro aliko, mu Buvanjuba bwa Uganda era nga ono muganda w'omuyimbi era omuzannyi Juliana Kanyomozi era nga bano bombi baalabikidde mu firimu ya Bullion.