Mary Paula Kebirungi Turyahikayo
Mary Paula Kebirungi Turyahikayo era amanyiddwa nga Turyahikayo Kebirungi Mary Paula (yazaalibwa nga 15 Gatonnya / January 1961) Munnayuganda nga munnabyabufuzi era eyasoma embeera z'abantu.[1] Ye mubaka mu Paalamenti owa konsitityuwensi y'e Rubabo,mu Disitulikiti y'e Rukungiri wansi w'ekibiina ki National Resistance Movement (NRM).[1][2][3][4] Yavuganya ku kifo kino mu 2021-2026 naye n'awangulwa ng'afunye obululu 20,287.
Ebyokusoma kwe[kyusa | edit source]
Mu 1974, yatandika okusoma mu St. Theresa Primary School era gye yatuulira ebigezo bya P7, olwo oluvannyuma ne yeegatta ku Immaculate Heart Girls Senior Secondary School era gye yatuulira S4 mu 1978.[1] Kyokka S6 yo yagituulira mu Kibuli S.S mu 1980. Yabeebwa ekifo mu Yunivaasite e Makerere n'asomayo ddiguli mu mbeera z'abantu eya Bachelor's degree of Arts in Social Sciences (Political Science, Sociology)[5] mu mwaka 1984.[1] Mu 1997, yasomayo satifikeeti mu bukulembeze oluvannyuma lwa ddiguli mu ttendekero lya Uganda Management Institute.[1] Mary era yaddayo ku Uganda Management Institute n'afunayo Dipulooma mu by'obukulembeze mu 2000 era oluvannyuma yaddayo n'asomayo ddiguli eyookubiri eya Master of Public Health Leadership mu 2009.[1]
Emirimu gye nga tannatandika byabufuzi[kyusa | edit source]
Yali musomesa era nga y'akulira essomo ly'Ebyafaayo ku ssomero lya Baptist High School, Mombasa, Kenya(1986-1988) ne ku Afraha High School, Nakuru, Kenya (1988-1990).[1] Mu 1994, yeegatta ku puloogulaamu ya Africa Science Technology Exchange nga y'agikulembera oluvannyuma ne yeegatta ku Minisitule y'ebyobulamu gye yaweereza mu kuddukanya emirimu gya Minisitule egya bulijjo (1998-2004). Okuva awo, yakolako ng'amyuka akulira enzirukanya y'emirimu mu kitongole ekiddukanya emirimu gya Gavumenti ekya Public Sector(2004-2005).[1] Era yakolao ng'amyuka akulira eby'emirimu mu kitongole kya Global Fund to fight AIDS, TB, Malaria (2004 - 2005). Yakolako ng'omu ku banoonyereza ku African Energy Policy Research Network, era ng'omusomsa w'essomo ly'Ebyafaayo ne Kayigansi (Geography) mu masomero gy'e Kenya.[5]
ebyobufuzi[kyusa | edit source]
Okuva mu 2006 - 2021, yaweereza ng'omubaka mu Paalamenti ya Uganda okuli Paalamenti ey'omunaana, ey'omwenda n'ey'ekkumi.[1][6] Mu 2001 yawangula eyali Minisita era aliko cansala wa Makerere University, Prof. Mondo Kagonyera, ku kifo ky'omubaka wa Rubabo Konsitityuwensi.[5]
Mu Paalamenti yeeyongerako obuvunaanyizibwa obulala okubukiiko bwa Paalamenti obw'enjawulo, mu bitongole bya Gavumenti eby'enjawulo ne bizinensi za Gavumenti ez'enjawulo.[1]
Ebyomunda ebimukwatako[kyusa | edit source]
Mufumbo.[1] By'anyumirwa mu biseera bye eby'eddembe anyumirwa okuwuliriza ennyimba ez'eddiini, okukyalira mikwano gye, okutambulako n'okukubaganya ebirowoozo.[1] Ayagala nnyo okutumbula ebyobulamu n'abavubuka abawala mu ggwanga.[1]
Laba na bino[kyusa | edit source]
- Rukungiri District
- Olukalala lwa bammemba mu Paalamenti ya Uganda ey'ekkumi.
- Olukalala lwa bammemba mu Paalamenti ya Uganda eyoomunaana.
- Olukalala lwa bammemba mu Paalamenti ya Uganda eyoomwenda.
- National Resistance Movement
- Paalamenti ya Uganda
- Mmemba wa Paalamenti
Ebijuliziddwamu[kyusa | edit source]
- Mary Paula Kebirungi Turyahikayo on Facebook
- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 "Archive copy". Archived from the original on 2021-04-30. Retrieved 2021-04-07.
{{cite web}}: CS1 maint: archived copy as title (link) Cite error: Invalid<ref>tag; name ":0" defined multiple times with different content - ↑ "Archive copy". Archived from the original on 2023-10-15. Retrieved 2021-04-07.
{{cite web}}: CS1 maint: archived copy as title (link) - ↑ https://www.ugandadecides.com/candidate.php?id=553
- ↑ http://dailymonitoruganda.blogspot.com/2016/02/minister-muhwezi-beaten-in-rujumbura.html
- ↑ 5.0 5.1 5.2 "Archive copy". Archived from the original on 2023-10-15. Retrieved 2021-04-07.
{{cite web}}: CS1 maint: archived copy as title (link) Cite error: Invalid<ref>tag; name ":1" defined multiple times with different content - ↑ https://visiblepolls.org/ug/2016-election/candidates/turyahikayo-kebirungi-mary-paula-494/