Obunakuwavu(Sadness)

A detail of the 1672 sculpture Entombment of Christ, showing Mary Magdalene crying

Embeera y’obuntu ey’Okunakuwala(the emotion of sadness)

Okunakuwala kuva ku kufiirwa oba okulemererwa oba obutafiibwaako, n’okuswazibwaswazibwa . Ssinga embeera ey’okunakuwala eyitirira , omuntu afuna okwennyika , ekintu ekyeragira mu kusiriikirira, n’okweyawula ku balala . Singa olaba omuntu atandise okweyawula ku banne , yekubagiza ate nga tayogera , buno bubonero bwa kwennyika era omuntu oyo aba yetaaga obuyambi obw’enjawulo kubanga ayinza okwetuusaako obuvune oba n’okutuusa obuvune ku balala oba n’okutabuka omutwe. Okunakuwala n’olwekyo ye kanaluzaala w’embeera z’obuntu nga okwennyika , okwekubagiza ,ennaku ,n’ebirowoozo .

Mu kunakuwala era muvaamu embeera z’obuntu nga okuggwaamu essuubi , okuwulira obubi, obutasanyusibwa ate okuswaala ne kuvaamu embeera nga okwetya, okwekyaawa , n’okwejjusa.

Obutafiibwaako oba okusuulirirwa kuvaamu mbeera z’obuntu nga okwetya , okwesamba abalala, okwagala okubeera wekka, okutya okuswazibwa , n’okwekubagiza .