Okuvaamu olubito

Okuvaamu olubuto[[1]] kwe kufa kw'omwana abeera akyali mu lubuto ng'akyakula era nga tannakula kutuuka kuzaalibwa. Obumu ku bu bubonera obutera okweyolekera mu kuvaamu kw'olubuto kuliko, okuvaamu ennyo omusaayi(nga guyita mu bitundu by'ekyama) era nga kino kitera okujjirako n'obulumi. Mu birala kuliko okuvaamu ebintu ebiringa ebitole by'omusaayi n'ebirala.

Ebimu ku biyinza okuleetawo okuvaamu kw'olubuto kuliko ebintu ng'abazadde bombi bakadde, oba ng'omu mukadde, era kyandireetebwa embuto endala eziba zaavaamu edda, okunywa sigala oba okusemberera abamunywa. Mu birala mulimu omugejjo, endwadde ya ssukaali, ssaako ebiragalalagala oba okukozesa ennyo omwenge n'ebiringa ebyo.

Buli mukazi lw'agenda ng'akula okuva ku mwaka ng'asatu(30) emikisa gye okuvaamu embuto nagyo gyeyongera. Embuto ezivaamu kinaana ku buli kikumi(80%) zisinga kuviramu ku bbanga lya wiiki kkumi na bbiri ezisooka, oluvannyuma lw'okufuna olubuto.