Paul Ssemogerere

   

Paul Ssemogerere (yazaalibwa 30 Ogwomukaaga 1956) Munnayuganda Omusumba wa Eklezia Katolika era nga ye Ssaabasumba w'essaza ekkulu erya Kampala. Yalondebwa Paapa Francis nga 9 Ogwekkumineebiri, 2021. Yatuuzibwa nga 25 Ogwolubereberye, 2022 mu Lutikko ya Saint Mary's Rubaga mu Kampala .

Emabegako, yaliko Omusumba w’essaza lya Kasana-Luweero nga yalondebwa okuweereza mu kiti kino nga 4 Ogwomukaaga 2008.

Obuto bwe n'okusoma kwe

Ssemogerere yazaalibwa nga 30 Ogwomukaaga 1956 e Kisubi, mu Disitulikiti y’e Wakiso mu ttundutundu lya Buganda. Ekifo kino kiri mu Ssaza lya Klezia Katolika erya Kampala .

Yasomera mu Kigero Primary School nga tannakyusa kugenda mu Kisubi Boys Primary School. Oluvannyuma yasomera mu St. Maria Goretti Senior Secondary School Katende, gye yamalira emisomo gye yatuulira Siniya eyookuna. Mu 1976, Ssemogerere n'abavubuka abalala musanvu baafuuka bayizi bapayoniya mu Saint Mbaaga's Major Seminary Ggaba . Eno ye yali kiraasi esooka mu seminaliyo eno, ekuguse mu kuyingiza abasajja okutendekebwa nga bafaaza nga bakuze okusinga bulijjo, era nga tebagenda mu seminaliyo entono.