Paulo Kafeero
Prince Paulo Kafeero yazaalibwa nga ye Paul Job Kafeero nga 12 Kasambula 1970, n'afa nga 17 Muzigo 2007. Yali muyimbi nnakinku.[1] Mu biseera we yayimbira, yawangula engule ez'amaanyi eziwerako, mu mwaka 2003 ne 2004, omwali PAM Awards ey'omuyimbi wa kadongokamu asinze, ne bbandi esinze.[2]
Okusoma kwe
[kyusa | kolera mu edit source]Mu mwaka 1977, Kafeero yatandika okusoma ku ssomero lya Nkokonjjeru Demonstration Primary School, ne yeeyongerayo ku Ngogwe Baskerville eya siniya, ng'atambula kilomita nnya buli lunaku. Mu mwaka gwe gumu mwe yatandikira okusoma, kitaawe yabalekawo. Olwa nnyina obutamwagaliza nnyo bintu bya kuyimba, yagenda n'abeera ku kyalo ekiriraanyeewo e Masaba, ne mwannyina omukulu ayitibwa Grace, ne bba Bba wa Grace yamusasuliranga ebisale ku ssomero olwa kitaawe okumusuulawo. Olwokuba nga ebisale by'essomero byajjanga bbalirirwe, Kafeero teyamalako ssekendule Yafuna ssente okuyita mu kukuba bbulooka, okulima ebijanjaalo, okutunda engoye enkadde, n'okutunga ekyalaani.Kitaawe wa Kafeero teyaddamu kumuwa buyambi, wadde okumuwuliza, okutuuka lwe yafuna ettutumu.[3]
Yakolanga ssente ng'akola amataffaali, ng'alima ebijanjaalo, ng'atunda engoye enkadde, era ng'akola n'engoye. Kitaawe wa Kafeero teyamuwanga buyambi bwonna era teyaddamu kumuwuliza okutuusa lwe yafuuka omumanyifu.[4]
Emirimu
[kyusa | kolera mu edit source]Paulo Kafeero yalina omulimu ogw'amaanyi ng'omuyimbi era omuwandiisi w'ennyimba, n'aleka ekifaananyi eky'olubeerera ku nsiike y'okuyimba mu Uganda. Olugendo lwe olw'okuyimba lwatandika mu myaka gya 1990, era yafuna ettutumu olw'ennyimba ze ez'enjawulo n'eddoboozi lye ery'amaanyi.[5]
Kafeero yasinga kwettanira nnyo ekika kya Kadongo Kamu, ekika ky'ennyimba z'ekinnansi mu Uganda. Ennyimba ze zaalimu ebigambo ebyakwata ku mitima gy'abantu era nga zikwata ku nsonga ez'enjawulo gamba ng'omukwano, ensonga z'abantu, n'obuwangwa. Ennyimba ze zaali zisikiriza nnyo abantu okwetooloola eggwanga, era ekyo kyamufuula omu ku bayimbi abasinga okumanyika mu Uganda.[6]
Olumu ku nnyimba za Kafeero ezimanyiddwa ennyo, Dippo Nazigala, lwakola kinene mu kumutunda era ne lumufuula omuntu omututumufu mu by'okuyimba mu Uganda. Obuwanguzi bw'oluyimba luno bwayolesa ekitone kya Kafeero era ne buyamba okutwala omulimu gwe mu maaso.[7]
Mu bulamu bwe bwonna, Kafeero yafulumya alubaamu nnyingi n'ennyimba ezaali zimanyiddwa ennyo era nga zisikiriza abawagizi bangi. Ennyimba ze zaateranga okwogera ku nsonga z'abantu n'ebyobufuzi, ng'awa abantu omukisa okwogera ku bye bayitamu n'ebyo bye baagala.
Kafeero yafa nga 17 Ogwokutaano 2007, ku myaka 36 olw'obulwadde bw'ensigo. Okufa kwe okw'amangu kwali kufiirwa kwa maanyi eri abayimbi mu Uganda, era ajjukirwa ng'omuyimbi era omuwandiisi w'ennyimba eyalina ekitone era eyakola kinene mu by'okuyimba.[8]
Ennyimba ze
[kyusa | kolera mu edit source]
- Muvubuka Munnange
- Abatunda Ebyokulya
- Ekijjankunene, ekitundu ekyokubiri
- Temukyasaga
- Kiwenenya Amazina
- Ebintu Byomuko
- Tulera Birerya
- Walumbe Zzaaya
- Obutamatira
- Ekyali Ekintu Kyange
- Gwe Musika
- Dunia Weeraba
- Edduma Lye'mbaga
- Omwana W'omuzungu
- Baabo Bagambe
- Nantabulirirwa
- Kampala Mu Kooti
- Dipo Naziggala
- Moviour
- Bamutalira
- Olulimi Lwange
- Nsonda Nnya
- Emomboze
- Eyali Amanyi Okupanga
- Galenzi Mmwe
- Musaayi Gwange
- Lucia
- Singa Nalinze
- Bisirikirwa
- Tusuza emyoyo
- Esawa yokuzaawa
- Mwanyinaze
Laba na bino
[kyusa | kolera mu edit source]Ebyokulabirako
[kyusa | kolera mu edit source]- ↑ "Drama at Paul Kafeero's burial" newvision.co.ug. Retrieved 21 November 2014 Archived 29 November 2014 at the Wayback Machine
- ↑ <was a friend to Ivan Kigongo>"My life with Paul Kafeero: One woman tells her intriguing story". monitor.co.ug. Retrieved 21 November 2014.
- ↑ "Controversy as family of the late singer Kafeero run to court over property". The Independent Uganda. 1 August 2020. Retrieved 6 February 2025.
- ↑ One little guitor: The words of Paul Job Kafeero (1 ed.). Tourguide Publications. 2012. p. 2. ISBN 9789970637171.
- ↑ "Today marks the 15th anniversary of Prince Paulo Kafeero's death". Pulse Uganda. 17 May 2022. Retrieved 11 July 2023.
- ↑ Ruby, Josh (5 July 2020). "Paul Kafeero's wife to continue music career, hits studio with Crouch". MBU. Retrieved 11 July 2023.
- ↑ "Bobi Wine pays tribute to Kafeero". New Vision. Retrieved 11 July 2023.
- ↑ Kaggwa, Andrew (17 May 2017). "Ten years later, Paulo Kafeero's music still inspires pop culture". The Observer - Uganda. Retrieved 11 July 2023.