Serverus Jjumba

Serverus Jjumba yazaalibwa nga 2 Ogwomusanvu, 1962, nga Munnayuganda Omusumba mu nzikiriza ya Eklezia Katolika, era ye Musumba wÉssaza Ekkulu ery'e Masaka.

Yalondebwa mu kifo kino nga16 Ogwokuna, 2019 náyawulibwa nókutuuzibwa ng'Ómusumba nga 6 Ogwomusanvu, 2019 e Kitovu mu Masaka.

Yazaalibwa nga 2 Ogwomusanvu, 1962 e Katinnyondo - Kyannamukaaka, mu Disitulikiti y'e Masaka, mu Buganda era mu Uganda, mu Ssaza lya Eklezia eryé Masaka. Bazadde be kuliko: omugenzi Herman Jildo Ssebiranda ne Leocadia Namazzi.

Yasomerako mu ssomero lya St. Augustine nérya St. Paul Primary School e Kitovu mu Masaka. Oluvannyuma yayingira Obuseminaaliyo, mu seminaaliyo ento ey'e Bukalasa mu Disitulikiti y'e Kalungu. Oluvannyuma n'asomera ku Seminaaliyo enkulu eya St. Thomas Aquinas Katigondo, mu Disitulikiti y'e Kalungu. Yamaliriza emisomo gye mu byeddiini mu Seminaaliyo enkulu eya St. Mary’s e Ggaba mu Kampala, ekibuga kya Uganda ekikulu. Alina ne Diguli eyookubiri mu Byenjigiriza ne Dipulooma mu Byokuyigiriza ebyeddiini, nga zonna zaamutikkirwa mu Makerere University, yunivasite ya gavumenti esinga obukadde n'obunene mu Uganda.

Nga Omusumba

Yatuuzibwa okubeera Omufaaza nga 20 Ogwomukaaga 1992, e Masaka ku myaka 29 némyezi 11. Yaweerezaako ku kigo kya Bikira okuva mu 1991 okutuuka mu 1993. Yali muwanika mu Seminale ya Bukalasa Minor Seminary wakati wa 1993 ne 2000. Mu 2000, yalondebwa okubeera omuwanika wéssaza lya Eklezia eryé Masaka, náweereza mu kifo kino okutuusa mu 2014. Okuva mu 2014 okutuusa mu 2019, yali Vicar General wéssaza lyé Masaka.

Ku Lwokubiri nga 16 Ogwokuna 2019, Paapa Francis yalonda Serverus Jjumba eyali ekyali ku ddaala lya Munsinyoori, okubeera Omusumba wéssaza lyé Masaka omuggya, ngádda mu bigere byÓmusumba John Baptist Kaggwa, eyali asabye okuwummuzibwa oluvannyuma lwókuweza emyaka 75 egyókuwummulirako nga 23 Ogwokusatu 2018.

Omusumba Kaggwa yasigala nga y'alabirira Essaza lya Masaka okutuusa lwe lyakwasibwa Omusumba omuggya.

Yatuuzibwa ngÓmusumba nga 6 Ogwomusanvu, 2019 mu Mmisa eyakulemberwa Omusumba John Baptist Kaggwa ng'ayambibwako Omusumba Lambert Bainomugisha eyali Omumyuka w'Omusumba w'essaza Ekkulu eryé Mbarara, Omusumba wéssaza lyé Kiyinda-Mityana Joseph Anthony Zziwa, nátuuzibwa omugenzi Cyprian Kizito Lwanga eyali Ssaabasumba wéssaza ekkulu eryé Kampala ne Ssaabasumba Luigi Bianco, Ssaabasuumba w'e Titular mu Falerone era eyali Omubaka wa Paapa mu Uganda.

Omusumba Serverus Jjumba ye pulezidenti w'ekibiina ekivunaanyizibwa ku byenkulakulana mu Eklezia Katolika Uganda ekiyitibwa Caritas Uganda.

Laba nebino

• Joseph Kiwanuka
• Emmanuel Wamala

Ebiwandiiko ebijuliziddwa okuva wabweru wa Wikipedia

• Paapa atikidde Omubuuzi Severus okubeera Omusuumba w'e Masaka, nga 16 Ogwokuna mu 2019.
• Eklezi ekakasisa Severus Jjumba nga Omusuumba omupya ow'Essaza ekulu ery'e Masaka, nga 7 Ogwomukaaga, 2019.