Victoria Nalongo Namusisi

 

Victoria Nalongo Namusisi (oluusi ayitibwa Victoria Okoth Nalongo Namusisi) (eyazaalibwa nga 19 Ogwolubereberye, 1956). Munnayuganda munnamawulire agakwata ku by'emizannyo n'eby'obufuzi, muddukanya w'emirimu gyeby'obufuzi era nga muzirakisa. Namusisi atwalibwa okuba Munnayuganda omukazi eyasooka okuba munnamawulire w'ebyemizannyo. Yaweereza nga Omubaka wa Pulezidenti owa disitulikiti y'eMpigi wakati wa 1991 ne 1997. Mu 2010, yeeyafuna Omudaali gwa Nalubaale.

Ebuto bwe n'okusoma kwe

Namusisi yazaalibwa omugenzi Paul Mukasa, omulimi era omuvubi ne Miriam Nalunga nga 19 Ogwolubereberye, 1956. Emyaka gye egy'asooka, Namusisi yasomerako ku Kisubi Girls School e Entebbe ne Old Kampala Senior Secondary School. Oluvannyuma yeegatta ku Institute of Public Administration (IPA) okusoma eby’amawulire mu 1975 era n’amaliriza omusomo guno mu 1977.

Omulimu gwe

Okuba munnamawulire w'ebyemizannyo

Mu 1976, Namusisi ye yali munnamawulire omukyala yekka ow’ebyemizannyo mu lupapula lwa Uganda Times. Era yakolera mu kibiina kya Voice of Uganda mu 1984 oluvannyuma lw'okudda okuva mu buwanganguse e Kenya . Mu 1988, bwe yali akolera mu lupapula lwa Ngabo, Namusisi ye yakwata emizannyo gya Olympics egyaliwo mu 1988 e Seoul nga munnamawulire w’ebyemizannyo nga kwogasse okuba omuwagizi wa ttiimu eyo omukyala

Okuwa alipoota ku byobufuzi

Mu 1986, Namusisi yakyuka n’adda mu kukwata amawulire agakwata ku byobufuzi era n’aweebwa omulimu mu Palamenti ne State House. Mu kifo kino we yava olwo n’alondebwa okubeera Omubaka wa Pulezidenti owa Disitulikiti y’eMpigi.

Enzirukanya ye ey’ebyobufuzi

Wakati wa 1991 ne 1998, Namusisi yalondebwa era n’aweereza nga Resident District Commissioner (RDC) ku Disitulikiti y’e Mpigi mu kiseera ekyo . Era yali mmemba ku kakiiko akafuzi ak’eggwanga mu 1998 olw’ekifo kye yalina mu gavumenti z’ebitundu.

Obuzirakisa bwe

Bwe yamala okulekulira ekifo ky'omuwabuzi wa pulezidenti mu 2003, Namusisi yatandikawo amaka agakuuma ba mulekwa nga ali wamu wamu ne Manuel Pinto, gano gayitibwa Bright Kids Uganda.

Awaadi ze

Nga 1 Ogwokuna 2023, Nalongo Victoria Namusisi yafuna awaadi ya African Humanitarian Award mu mikolo gya African Heritage Concert and Awards e Kigali mu Rwanda. Mu 2010, Namusisi yali yafuna omudaali gwa Nalubaale – omudaali "oguweebwa bannakyewa bonna abakoze ekinene mu nkulaakulana y'ebyobufuzi mu Uganda oba nga bayita mu lutalo olw'emmundu oba okujeemera amateeka n'ebirala okuva mu biseera by'amatwale n'okutuusa kati". Oluvannyuma mu Gwokutaano 2019, yafuna Diguli Ey'okusatu ey'ekitiibwa eya Doctor of Humane Letters mu Carlow University, Pittsburgh, e Pennsylvania, okusinziira ku mukutu gw'ekibiina kye nga "basiima omulimu gwe ogw'okuyamba ba kateeyamba mu Uganda".

Obulamu bwe obw'obuntu

Namusisi yali yafumbirwa eyali omuwandiisi omukulu ow’olukiiko lw’ebyemizannyo mu ggwanga, Martin Okoth okutuusa mu 1984 lwe baayawukana. Bombi awamu baazaala abaana basatu.

Ebijuliziddwa wabweru wa wikipedia

• Bright Kids Uganda