Christine Dranzoa

Christine Dranzoa

Amyuka Cansala wa Yunivaasite ye Muni

Omuntu

Ekikula	mukyala
Ensi y’o­bu­tuu­ze	Uganda
Erinnya eri­wee­redd­wa	Christine
Yazaa­lib­wa nga	1 Gusooka 1967
Gy'a­zaal­wa	Adjumani
Olunaku lwe yafa	28 Gwamukaaga(Ssebaaseka) 2022
Place of death	Kampala
Ennimi z'amanyi	Lungereza
Omulimu	academic, zoologist
Omukozesa	Muni University
Gyeya­so­me­ra	Ssettendekero wa Makerere
Gyabeera	Arua
Mmemba wa	Uganda National Academy of Sciences
Awaadi z'afunye	Fellow of the Uganda National Academy of Sciences

Christine Dranzoa (1 Ogwoluberyeberye 1967 – 28 Ogwomukaaga 2022) yali Munnayuganda Pulofeesa mu Yunivaasite mu ggwanga, muddukanya w'ebyensoma, yali mu By'obutonde, mukugu mu bisolo eby'oku lukalu era nga mukulembeze ku kitundu. Weyafiira, yali ye Mukulu wa, Muni University, emu ku yunivaasite za gavumenti mu ggwanga.

Obuto bwe n'okusoma kwe

Yazaalibwa mu 1967, mu Disitulikiti y'e Moyo nga bwe yali emanyiddwa. Olwaleero ewaabwe wali mu Disitulikiti ya Adjumani. Christine Dranzoa yafuna Diguli esooka mu bya Saayansi mu Mbeera zeebisolo gye yafuna mu 1987, yagikolera ku Makerere University, yunivaasite esinga obukulu the oldest university mu Buvanjuba bwa Africa. Yafuna Diguli eyookubiri eya Master of Science (MSc), mu ssomo lyerimu, eno yagifuna mu 1991 era ku Makerere University. Ate yo Diguli ya Doctor of Philosophy (PhD) mu Biology nayo yagifunira ku Yunivaasite yeemu mu1997. Yafuna Satifeeki ezenjawulo mu masomo ag'enjawulo omuli mu kuddukanya emirimu, okukuuma obutonde ne mu Okutegeka bizinensi mu matendekero mu Uganda ne wabweru.

Okukola kwe

Mu 1992 Christine Dranzoa yeeyunga ku Makerere University nga omusomesa mu Ttabi lya Faculty of Veterinary Medicine mu Department of Wildlife and Animal Resources Management,kitundu ekikwata ku Bulamu bw'omu nsiko n'emigaso egiri mu nsolo. Yali omu ku batandisi ba Wildlife and Animal Resources Department okuva mu 1992 okutuusa 2005 era yali mukulu. Ku ttabi eriyitibwa Faculty of Veterinary Medicine, yali omu ku baalitandika wamu ne banne.

Mu 2005, yeegatta ku bukulembeze bwa Makerere university gyeyalondebwa okubeera Omumyuka W'akulira ekitundu ekikkwata ku beeyongerayo mu misomo mu yunivaasite era wano yakolawo okuva mu 2005 okutuusa mu 2010. Mu 2010, Dr. Dranzoa yalondebwa ku kibinja ky'abantu basatu ekyalina okutegekera okutandika Muni University, nga eno ye Yunivaasite ya Gavumenti ey'omukaaga mu Uganda. Mu Gw'oluberyeberye gwa 2012, nga yunivaasite eno etandise okukola, Professor Dranzoa yafuuka Amyuka Omukulu waayo eyasooka.

Obuvunaanyizibwa obulala

Dr. Dranzoa yaweereza mu kitiibwa nga Ssabawandiisi w'ekitongole kya Forum for African Women Educationalists (FAWE). Kiddukanyizibwa bantu ba Africa era nga Ky'abwannayini nga ky'atandikibwawo mu 1992, era kikola mu nsi 32 eza African. FAWE egenderera kuwa abawala n'abakyala amanyi nga bayita mu kusoma okubawagira. KU na mmemba kuliko abalwanirizi be ddembe, abakugu mu nsonga zeekikula ky'abantu, abanoonyereza, abakozi baamabago agafuga ebyensoma, n'abakulu b'azi yunivaasite ne Minisita W'ebyensoma. Ettabi lyakyo ekkulu likyali mu Nairobi, Kenya naye nga kirina wooiisi mu mawanga agenjawulo okugeza mu Dakar eangibwa mu Senegal.

Mu 2006, yali omu ku baatandikawo ekitongole kya Nile Women Initiative ekitongole ky'obwa nnakyewa nga Ky'abwannanyini ekigenderera okumalawo obuzibu obuviira ku kikula ky'abakazi mu kitundu kya Uganda ekya West Nile. Yaweereza nga Ssentebe w'ekitongole kino.

Professor Dranzoa yafulumya ebiwandiiko bingi eby'abayivu era awandiise ebitundu mu bitabo bya Saayansi nga byekuusa ku ebyo bye yakuguka mu. Ebifulumiziddwa bino byonna bisangibwa mu biwandiiko bye eby'obuyigirize.

Okufa kwe

Nga 28 Ogwomukaaga 2022, Christine Dranzoa yassa ogwenkomerero ku ssaawa 9:30 ezeemisana ku Dwaliro Ekkulu Ery'e Mulago mu Kampala. Yafa alina emyaka 55.

Laba na bino

• Ugandan university leaders

Ebijuliziddwa ebweru wa wikipedia

• Website of Muni University
• Website of Nile Women Initiative