Essomero lya Kibuli Sekendule

Essomero lya Kibuli Secondary School (KSS) ssomero lya siniya era nga litwala abaana abava ewaka n'abekisulo era liri mu Uganda .

Ekifo

KSS lisangibwa ku kasozi Kibuli, mu Divizoni y’e Makindye, mu kitundu ky’omumaserengeta g’ekibuga Kampala, ekibuga ekikulu ekya Uganda. Ensengeka z'essomero lino ze zino:0°18'38.0"N, 32°35'51.0"E (Latitude:0.310556; Longitude:32.597500).

Okutwaliza awamu

Essomero lino lirina akakwate n’enzikiriza y’Abasiraamu, kyokka okuyingira kwesigamiziddwa ku kusoma era nga liggulwawo eri omuyizi yenna ayagala, awatali kufaayo ku nzikiriza ya ddiini. Essomero lino lirina erinnya ly’okubeera ekifo ekikulembedde mu by’ensoma nga lirina ebyafaayo by’obuwanguzi mu mizannyo.

Essomero lino lye limu ku masomero amanene mu bye mizannyo mu Uganda nga kwotadde ne mu East Africa. Mu Uganda, ly’esinga okuwangula ekikopo (11) mu mupiira gwa siniya, likodi gy’egabana ne St. Marys Kitende.

Ebyafaayo

Omulangira Badru Kakungulu (yafa 1991), kojja wa taata wa Muwenda Mutebi II, kabaka wa Buganda eyali afuga (okuva mu 1993) , eyabeerawo ku ntandikwa y’ekyasa eky’amakumi abiri, yawaayo 80 acres (32 ha) ku lusozi Kibuli, essomero gye lyazimbibwa. Essomero lino lyatandikibwawo mu 1959.

Abasomerako ku somero abamanyiddwa

Wammanga be bamu ku bantu abamanyifu abayise mu ssomero lino:

• Fahad Bayo - omuzannyi w'omupiira ow'ekikugu mu Uganda azannyira nga muteebi wa MFK Vyškov mu liigi y'eggwanga eya Czech .

• Tenywa Bonseu - omuzannyi w'omupiira mu Uganda eyawummula, eyazannya omupiira ogw'ekikugu emyaka mwenda ng'omuzibizi mu Amerika .

• Nancy Kacungira - Munnamawulire, omusasi era omuweereza ku BBC ku Focus on Africa ne World Business Report

• Omulangira Kassim Nakibinge Kakungulu – Mutabani wa Badru Kakungulu Titular Mufti wa Uganda, omulimu gwe yasikira ng’omuntu omututumufu mu Lulyo Olulangira lwa Buganda.

• Amb. Al haji. Prof. Badru Kateregga

• Sarah Wasagali Kanaabi - Omukugu mu by'enfuna, Munnabyanjigiriza, addukanya emirimu, Omukyala eyasooka okuba Ssentebe w'ekitongole ekivunaanyizibwa ku masannyalaze (Uganda)

• Sarah Kanyike - Minisita ku kakiiko kabakadde n'abalema, okuviira ddala mu Gwomusanvu gwa 2020.

• Badru Kiggundu - Munnayuganda yinginiya w'ebizimbe, munnabyanjigiriza era omuwi w'amagezi, akola nga chancellor wa yunivasite y'e Busitema, ssentebe w'akakiiko ka pulezidenti akasunsuddwa akavunaanyizibwa ku kulabirira okumaliriza obulungi essundiro ly'amasannyalaze lyombi erya Isimba ne Karuma Hydroelectric Power Station Mu kiseera kye kimu akola nga Ssentebe w'olukiiko olufuzi olwa National Water and Sewerage Corporation ., okuva mu 2002 okutuuka mu 2016, yaweereza nga ssentebe w’akakiiko k’ebyokulonda mu Uganda, okumala emyaka 14 egy’omuddiring’anwa.

• Muwanga Kivumbi – Omukugu mu by’enfuna, omubaka wa Palamenti ya Uganda okuva e Butambala

• John Ssebaana Kizito - Yali meeya wa Kampala

• Usher Komugisha – Munnamawulire w’ebyemizannyo era omukubi w’ebifaananyi, era yali munnabyamizannyo

• Brian Mushana Kwesiga - musuubuzi, yinginiya, era omukulembeze w'obwannakyewa ; yali Pulezidenti era akulira ekibiina kya Uganda North America Association (UNAA)

• Moses Matovu, omuyimbi

• Saidi Mayanja - Munnayuganda omuzannyi w'omupiira ogw'ekikugu era nga azannya amakkati mu KCCA FC mu liigi ya Uganda Premier .

• Abdallah Mubiru - Maneja wa kibiina kya mupiira era eyali omuzannyi nga mu kiseera kino addukanya KCCA FC. Atendese ttiimu ez’enjawulo okwetoloola liigi y’omupiira eya wano ne ttiimu y’eggwanga enkulu.

• Arnold Ainebyona Mugisha - Omusuubuzi era musajja muyiiya mu Uganda

• Moses Muhangi - Munnayuganda omusuubuzi era nga ye pulezidenti w'ekibiina kya omuzannyo gwe bikonde ekya Uganda Boxing Federation mu kiseera kino .

• Ssekaana Musa - Omulamuzi mu kkooti enkulu mu Uganda.

• James Musinguzi - Munnayuganda omukugu mu by'obutonde era nga ye Executive Director w'ekitongole ekivunaanyizibwa ku bisolo by'omu nsiko ekya Uganda Wildlife Authority (UWA).

• Rehema Nanfuka - munnakatemba ku ttivvi, dayirekita, era omuzannyi wa firimu amanyiddwa olw'emirimu gye mu Imani, Veronica's Wish, Imbabazi, The girl in the Yellow Jumper, Queen of Katwe, ne Imperial Blue,

• Muhammad Nsereko - Omubaka mu Palamenti ya Uganda era nga akikirira Kampala Central

• Allan Okello - Uganda

• Allan Oyirwoth - omuzannyi w'omupiira ow'ekikugu mu Uganda nga azannyira mu kiraabu ya Major League Soccer New England Revolution ne ttiimu y'eggwanga eya Uganda .

• Jane Avur Pacuto - Munnabyabufuzi, Omuddukanya emirimu, Omukyala omubaka wa Palamenti mu Disitulikiti y'e Pakwach

• Julius Poloto - omuzannyi wa mupiira mu Uganda era azannyira mu Kampala Capital City Authority FC, emanyiddwa ennyo nga KCCA FC. Kapiteeni wa ttiimu z’eggwanga zombi eza Uganda eza U‐17 ne U‐20.

• Ibrahim Sekagya - Omuyambi w'omutendesi wa New York Red Bulls mu Major League Soccer, yali omuzannyi w'omupiira gwa Uganda nga yazannya nga amakatti emabega .

• Hakim Sendagire - Omusawo, omukugu mu by'obutonde, omukugu mu kutabula eddagala era omuddukanya we by'ensoma. Mu kiseera kino akulira essomero ly’obusawo erya Habib

• Jaberi Bidandi Ssali - Munnabyabufuzi, musuubuzi, era eyali maneja w'omupiira mu Uganda .,Yali Minisita wa Gavumenti ez'ebitundu okuva mu 1989 okutuuka mu 2004, yeesimbawo mu kulonda kwa bonna okwa Uganda okwa 2011 .

• Henry Tumukunde - Eyali dayirekita w'ekitongole ky'ebyokwerinda munda mu ggwanga (ISO)

• Mary Paula Kebirungi Turyahikayo - Munnabyabufuzi era omukugu mu mbeera z'abantu mu Uganda., eyali omukiise wa Palamenti mu ssaza ly’e Rubabo, mu Disitulikiti y’eRukungiri

• Omumbejja Alice Mpologoma Zaalwango, muwala wa Kabaka Mutesa II ne Edith Kasozi

• Hakim Zziwa, Dayirekita wa firimu, pulodyusa era omukwasi wa firimu