Ibrahim Sekagya

Ibrahim Sekagya yazalibwa nga 19 mu Gwekumineebiri mu 1980, nga munayuganda eyaliko omusambi w'omupiira ng'era yali azannya ng'omuzibizi ayimirira mu maaso g'entabwe ya ggoolo. Esaawa eno ye mutendesi omukulu owa New York Red Bulls II ey'ekibinja kya Amerika ekya MLS Next Pro.

Kiraabu z'azze azannyiramu

Yazaalibwa mu Kawempe e Kampala, ng'omulenzi, Sekagya yatandika okuzannya omupiira ku kisaawe ekitaaliko yadde obusubu e Kawempe gyebatera okuyita ku kataka nga tanaba kwegata ku kiraabu ya State House ne kiraabu y'ewaka enene emannyikidwa nga Kampala City Council FC (KCC FC). Sekagya yatandika okuzannya omupiira gw'ekikulu oguliko ekigendererwa ne Kampala City Council mu 1992, nga tanaba kugenda mu Argentina mu 1998, okusobola okutandika obulamu bw'okusamba omupiira ng'agutwala ng'omulimu. Kiraabu ye eyasooka mu Argentine yali Atlético de Rafaela mu kibinja kya Primera B Nacional. Mu 2002, yagenda okwegata ku Ferro Carril Oeste mu kibinja kya Primera B Metropolitana, oluvannyuma n'abayamba ttiimu eyo okuwangula liigi n'okusumusibwa okugenda mu kibinja ekiddako ekya Primera B Nacional. Mu 2005, yaweebwa endagaano abakiraabu ya Arsenal de Sarandí ey'ekibinja kya Argentine ekya Primera División, gyeyamala sizoni bbiri.

Mu 2007 Ogwomukaaga, Sekagya yateeka omukono kundagaano ey'emyaka esatu ne kiraabu ya Red Bull Salzburg, abaali ba kyampiyoni bw'ekibinja kya Austria ekyababinywera.^[1] Yazannya omupiira gwe ogwali gusooka mu kibnja kino ekya Bundesliga nga 11 Ogwomusanvu mu 2007 mu kuwangula kwa Salzburg okwa 4–1 ng'ekuba SC Rheindorf Altach, n'ateeba ggoolo ya liigi eyasooka nga 22 Ogwomusanvu mu 2007 okuyamba Salzburg okukola amaliri ga 2–2 ng'egenze ku bugenyi ewa FK Austria Wien. Mubwangu yeekwata ekifo ky'okubeera ng'atandika ng'omuzannyi mu kiraabu eno nga yamalako sizoni eyasooka ng'azannya emipiira 34 mu kibinja kya Bundesliga, ng'ateebye ggoolo satu mu liigi.^[2] Mu sizoni omukaaga zeyamala mu kiraabu eno, Sekagya yazannya emipiira 165 egya liigi, n'ateeba ggoolo mukaaga.Mukaseera ako, yabayamba okuwangula ebikopo bya liigi y'eggwanga lya Austria eyababinywera bisatu n'ekikopo ky'empaka za Austrian Cup.

Nga 11 Ogwomusanvu mu 2013, Sekagya yeegata ku liigi ya Amerika eyababinywera mu kiraabu ya New York Red Bulls ku bweereere, oluvannyuma lw'okuva mu Red Bull Salzburg ng'eni mwanyina wa kiraabu gyeyali agenzeemu.^[3] Nga 4 Ogwomunaana mu 2013 Sekagya yazannya omupiira gwe ogwali gusooka mu New York nga yatandika ng'omuwuwuttanyi eyali azibira mu mupiira gwebaawangula 3–2 nga bakuba Sporting Kansas City. Nga 27 Ogwekumi mu 2013, Sekagya yateeba ggoolo eyali ebatwala mu maaso mu mupiira ogwali gusembayo mu sizoni nga bazannya Chicago Fire ku kisaawe kya Red Bull Arena , ekyayamba ttiimu ye okuwangula 5–2 nekibafuula ba kyampiyoni mu sizoni eyali entegeke. Kyekyali ekikopo kya kiraabu eky'amannyi ekyali kisooka mu byafaayo byabwe eby'emyaka 17.^[4]^[5] Wabula, Sekagya yasuula omupiira ogwavaamu Houston okufuna ggoolo ey'ekyenkanyi era nebabakuba ggoolo 2–1, nekiwandula New York okuva mu kikopo kya 2013 ekisalawo agenda ku luzannya oluddako.^[6] Mu sizoni ya 2014, Sekagya yafuuka omuzannyi eyali atandika emipiira gya New York, n'abayamba okutuusa kiraabu eno mu mpaka ezisalawo agenda kuluzannya oluddako (MLS Cup playoffs). Sekagya yawumula okuva mu mupiira gw'ensiimbu muntandikwa ya 2015.

Ku mutendera gw'ensi

Sekagya yasambirako ne ttiimu ya Uganda ey'eggwanga, gyeyali nga kapiteeni wa ttiimu. Yabazannyira emipiira munaana, mweyateebera ggoolo emu mu z'okusunsula abaali bagenda okwetaba mu z'ekikopo ky'ensi yonna ekya 2006, wamu n'emirundi esatu ne ggoolo emu, mu z'okusunsula abaali bagenda okwetaba mu kikopo ky'ensi yonna ekya 2010.^[7]

Ggoolo z'ateebye kumuntera gw'ensi

#	Enaku z'omwezi	Ekifo	Gwebaali bazannya	Ggoolo ezaalimu	Engeri gyegwagwamu	Empaka
1	Nga 6 Ogwomukaaga mu 2004	Nelson Mandela National Stadium, Kampala, Uganda	DR Congo	1 – 0	1–0	Ez'okusunsula abaali bagenda okwetaba mu kikopo ky'ensi yonna ekya 2006.
2	31 Ogwokutaano mu 2008	Nelson Mandela National Stadium, Kampala, Uganda	Niger	1 – 0	1–0	Ez'okusunsula abaali bagenda okwetaba mu kikopo ky'ensi yonna ekya 2010.

Ogw'obutendesi

Oluavnnyuma lw'okuwumula, Sekagya yeetaga ku batandeka kiraabu ya New York Red Bulls.^[8] Nga 2 Ogwomusanvu mu 2022, Sekagya yaweebwa eky'omutendesi omukulu ow'ekiseera ku Red Bulls'ey'ekibinja kya USL Championship ne New York Red Bulls II.^[9]

Awaadi

Ekikopo ky'ekibinja kya Primera B Metropolitana Alina kimu ekya sizoni ya 2002–03
Ekikopo ky'ekibinja kya Austria ekyababinywera alina bisatu
- 2008–09, 2009–10, 2011–12
Empaka za Austrian Cup alina kimu
- 2012
Empaka za MLS Supporters' Shield alina kimu
- 2013

By'akozi ku kiraabu

Bwakozi ku kiraabu			Liigi		Cup		League Cup		Ku semazinga		Omugatte
Sizoni	Kiraabu	Liigi	Emipiira gy'abasambidde	Goals	Emirundi gy'abazannyidde	Ggoolo	Emirundi gy'abazannyidde	Ggoolo	Emirundi gy'abazannyidde	Ggoolo	Emirundi gy'abazannyidde	Ggoolo
Argentina			Liigi		Copa Argentina		Copa de Liga		Empaka ezetabibwamu kiraabu z'omubukiika kkono bwa Amerika		Omugatte
2001–02	Atlético Rafaela	Primera B Nacional	38	2	-	-	-	-	-	-	38	2
2002–03	Ferro Carril Oeste	Primera B Metropolitana	30	2	-	-	-	-	-	-	30	2
2003–04			34	2	-	-	-	-	-	-	34	2
2004–05			32	0	-	-	-	-	-	-	32	0
2005–06	Arsenal	Primera División	29	1	-	-	-	-	-	-	29	1
2006–07	Arsenal	Primera División	33	1	-	-	-	-	-	-	33	1
Austria			Austrian Bundesliga		ÖFB-Cup		Ebiralala		Mu bulaaya		Omugatte
2007–08	Kiraabu ya Red Bull Salzburg	Ekibinja kyababinywera	34	3	-	-	-	-	5	0	39	3
2008–09			34	1	2	1	-	-	6	1	42	3
2009–10			24	0	2	1	-	-	11	0	37	1
2010–11			30	0	1	0	-	-	12	0	43	0
2011–12			26	1	4	1	-	-	11	1	41	3
2012–13			17	1	3	1	-	-	1	0	21	2
Amerika			Liigi		US Open Cup		MLS Cup Playoffs		Mu bukiika ddyo bwa Amerika		Omugatte
2013	Kiraabu ya New York Red Bulls	Ekibinja kyababunywera	8	2	-	-	2	0	-	-	10	2
2014	Kiraabu ya New York Red Bulls	Ekibinja kyababunywera	25	0	1	0	5	0	-	-	31	0
Eggwanga	Argentina		196	8	-	-	-	-	-	-	196	8
	Austria		165	6	12	4	-	-	46	2	223	12
	Amerika		33	2	1	0	7	0	-	-	41	2
Omugatte			394	16	13	4	7	0	46	2	460	22

Ebijuliziddwamu

Ewalala w'oyinza okubigya

Ibrahim Sekagya – likodi y'empaka ezitegekebwa ekibiina ekidukanya emipiira munsi yonna ekya FIF (byaterekebwa)
Ibrahim Sekagya – likodi y'empaka ezitegekebwa ekibiina ekidukanya emipiira munsi yonna ekya FIFA (byaterekebwa)
Ibrahim Sekagya at National-Football-Teams.com
Ibrahim Sekagya at Football Lineups
Ibrahim Sekagya at WorldFootball.net
Guardian Football Stats byaterekebwa nga 2 Ogwekumi mu 2012 ku byuma bya Wayback.

[1] ttp://www.uefa.com/footballeurope/news/kind=2/newsid=551618.html

[2] ttps://web.archive.org/web/20120928101330/http://www.weltfussball.de/spieler_profil/ibrahim-sekagya/aut-bundesliga-2007-2008/rb-salzburg/3/

[3] ttps://web.archive.org/web/20141111171112/http://www.newyorkredbulls.com/news/2013/07/red-bulls-sign-defender-ibrahim-sekagya

[4] ttps://web.archive.org/web/20151001065221/http://www.mlssoccer.com/news/article/2013/10/27/new-york-red-bulls-5-chicago-fire-2-mls-match-recap

[5] ttps://web.archive.org/web/20151001065234/http://www.mlssoccer.com/news/article/2013/10/27/curse-broken-new-york-red-bulls-win-2013-supporters-shield

[6] ttps://web.archive.org/web/20131110201624/http://www.mlssoccer.com/matchcenter/2013-11-06-ny-v-hou/recap

[7] ttps://web.archive.org/web/20120928101345/http://www.weltfussball.de/spieler_profil/ibrahim-sekagya/4/

[8] ttps://www.mlssoccer.com/news/new-york-red-bulls-hire-recently-retired-defender-ibrahim-sekagya-assistant-coac

[9] ttps://www.newyorkredbulls.com/news/ibrahim-sekagya-named-interim-head-coach-of-new-york-red-bulls-ii

[1]

[2]

[3]

[4]

[5]

[6]

[7]

[8]

[9]