Jump to content

Ibrahim Ssemujju Nganda

Bisangiddwa ku Wikipedia

 

Ibrahim Ssemujju Nganda (23 Omwezi ogwomwenda 1973), ng'asinga kumanyibwa nga Ibrahim Ssemujju, munnayuganda munnamawulire era munnabyabufuzi.Yeeyali omubaka wa Paalamenti owa Munisipaali[1] y’e Kira mu Paalamenti ey’ekkumi n’emu (ekisanja kya 2021 okutuuka 2026). [2][3]

Obuto bwe n'okusoma kwe

[kyusa | kolera mu edit source]

Ssemujju yazaalibwa mu kyalo Bijaaba mu Munisipaali y'e Kyazanga mu disitulikiti y’e Lwengo, nga 23 Omwezi ogwomwenda 1973. Mu kiseera ekyo disitulikiti y’e Lwengo yali ekyali kitundu kya disitulikiti y’e Masaka . Mutabani wa Hajji Ali Nganda Nkwanga ne Hajati Sophia Nalwooga omu ku baana be ( Hajji Ali Nganda Nkwanga ) amakumi ana mwomunaana era omu ku baana ba nnyina (Hajati Sophia Nalwooga) ekkumi noomukaaga. [4]

Yasomera mu ttendekero ly'obusiraamu erya Bijaaba Islamic Institute, "eriri mmita ntono okuva waazaalibwa" n'afuna satifikeeti ey'omutendera gwa pulayimale eyakamalirizo ng'ali eyo. Oluvannyuma lw’ettendekero okutandika siniya Ssemujju yajeegattako. Wabula mu siniya 2, abawala abasinga beyasomanga nabo baali bafunye abaami ne bava mu ssomero, ate banne abalenzi baava mu ssomero nebagenda okukola emirimu egiteetaagisa bukugu mu kabuga k'e Masaka akaliraanyeewo . Yasonnda akasente konna akatandikibwako keyali asobola n’amatiza kitaawe okumuwandiisa mu ssomero lya siniya erya Masaka Secondary School okusoma siniya eyokusatu (Senior 3) . Mu kiseera ekyo, yali tasobola kwogera yadde lungereza lwonna, naye baamala gamuwa ekifo.

Yagenda yeeyongera okukola bulungi n’ayita ebigezo bye ebya siniya eyokuna (S.4). Yagenda mu maaso okusoma emisomo gye egya siniya eyomukaaga (S.6), era mu ssomero lya Masaka Secondary School. Yamaliriza nga yasinze mu kibiina kye mu 1995. Yaweebwa ekifo ku yunivasite y'e Makerere, ku sikaala ya gavumenti ya Uganda enzijuvu okusoma eby'amawulire. Yatikkirwa mu 1998 ne ddiguli esooka mu by'amawulire . [5] [4]

Emirimu gye

[kyusa | kolera mu edit source]

Butereevu ng'afulumye e Makerere, yaweebwa omulimu ng’omusasi ow'olupapula lwa Daily Monitor, olumu ku mpapula z’amawulire ebbiri ez'olungereza ezisinga ezifuluma buli lunnaku mu Uganda, n’aweereza mu kifo ekyo okutuusa mu 2004. Okwaka kwe kwali mu kusaka mawulire mu paalamenti ya Uganda . Okuva mu 2000 okutuuka mu 2001, yasomesa amawulire ku yunivasite y’Obusiraamu mu Uganda (Islamic University in Uganda) . Mu 2004, yava ku Daily Monitor okewgatta ku The Observer, ng’omusasi era ng'alinamu emigabo. Yaweebwa omulimu gw'obusunsuzi / obukunganya bw’ebyobufuzi ku Weekly Observer, n’aweereza mu kifo ekyo okutuusa mu 2011. Mu 2009, yayongerwa emirimu emirala ng'omusunsuzi / omukunganya w'amawulire g'ebyenjigiriza. Mu 2011, yalekulira okuva mu mirimu gye egy'amawulire okuvuganya ku kifo kya palaamenti eky'essaza lya Kyaddondo ey'obuvanjuba. Yavuganyiza ku bendera y'ekibiina ky'ebyobufuzi ekya Forum for Democratic Change (FDC). Yawangula era yali mu kifo ekyo okutuusa 2016 . [5] [4]

Ng'okulonda kw'obwapulezidenti, paalamenti, n'ebitundu tekunnabaawo mu Gwokubiri 2016, Munisipaali ya Kira yaweebwa ekifo kya paalamenti, ekyawuddwa ku Kyaddondo ey'obuvanjuba.[6] Mu kulonda kwa bonna okwa 2021, Ssemujju yaddamu okuvuganya ku kifo kye kimu wansi wa bendera y’ekibiina ky’ebyobufuzi ekya FDC.[7]

Yafuna obutakkanya ne FDC era bombi ne Erias Lukwago ne Kiiza Besigye baatondawo ekibiina ky'ebyobufuzi ekipya.[8][9]Peoples Front for Freedom (PFF) kyatongozebwa nga 8 Ogwomusanvu 2025.[10]Ssemujju akati ali mu kibiina kya PFF.[11]

Ssemujju yavuganya ku kifo kya Paalamenti eky'e Kira naawangulwa George Musisi owa National Unity Platform (NUP) mu kalulu akaalimu okuvuganya okwa kaasammeeme.[12]

Ebirala eby'okulowoozaako

[kyusa | kolera mu edit source]

Mu paalamenti, yakubirizaako akakiiko akavunaanyizibwa ku n’ebitongole bya gavumenti. Era yaliko mmemba ku kakiiko akavunaanyizibwa ku by’okwerinda n’ensonga z’omunda n’akakiiko ka bizinensi. [5] Yawasa Faridah Ssemujju, era bombi bazadde ba baana babiri ab’obuwala n’abatabani babiri. [13]

Ebijuliziddwa

[kyusa | kolera mu edit source]
  1. "As it happened: Municipal elections". www.newvision.co.ug. Retrieved 2019-04-23.
  2. Kavuma, Richard M. (13 January 2011). "Ssemujju Ibrahim Nganda: All That You Didn't Know About This Journalist-Turned-Politician". The Observer (Uganda). Retrieved 17 March 2015.
  3. POU (2011). "Profile of Ibrahim Ssemujju Nganda, Member of Parliament for Kyaddondo County East, Wakiso District". Parliament of Uganda (POU). Retrieved 17 March 2015.
  4. Nalugo, Mercy (22 January 2016). "Ssemujju setting the pace in contest for new Kira municipality". Daily Monitor. Kampala. Archived from the original on 28 January 2016. Retrieved 22 January 2016.

Ebijuliziddwa wabweru wa Wikipedia

[kyusa | kolera mu edit source]
  1. ↑ Independent, The (31 January 2017). "INTERVIEW: Ssemujju took roundabout route into politics". The Independent Uganda. Retrieved 29 December 2025.
  2. ↑ "As it happened: Municipal elections". www.newvision.co.ug. Retrieved 2019-04-23.
  3. ↑ "Ibrahim Ssemujju Nganda Joins X - Hits Over 25K Followers Within Hours - Nymy Net". 1 June 2026. Retrieved 6 June 2026.
  4. 1 2 3 Kavuma, Richard M. (13 January 2011). "Ssemujju Ibrahim Nganda: All That You Didn't Know About This Journalist-Turned-Politician". The Observer (Uganda). Retrieved 17 March 2015.
  5. 1 2 3 POU (2011). "Profile of Ibrahim Ssemujju Nganda, Member of Parliament for Kyaddondo County East, Wakiso District". Parliament of Uganda (POU). Retrieved 17 March 2015.
  6. ↑ "Court to decide fate of 83 parliamentary seats". Monitor. 14 September 2020. Retrieved 29 December 2025.
  7. ↑ Nalugo, Mercy (22 January 2016). "Ssemujju setting the pace in contest for new Kira municipality". Archived from the original on 28 January 2016. Retrieved 22 January 2016.
  8. ↑ Reporter, Our (8 August 2024). "Ssemujju: We are forming a new party". The Observer. Retrieved 29 December 2025.
  9. ↑ "Ssemujju upbeat about new political party". Monitor. 11 August 2024. Retrieved 29 December 2025.
  10. ↑ Kashaka, Umaru (8 July 2025). "Politics: All set for launch of new political party PFF". New Vision. Retrieved 29 December 2025.
  11. ↑ Independent, The (13 June 2025). "Ssemujju and 7 other MPs defect from FDC to People's Front for Freedom". The Independent Uganda. Retrieved 29 December 2025.
  12. ↑ Matovu, Muhamadi. "Ssemujju Concedes Kira Seat to NUP's Musisi After 15 Years in Parliament". Nilepost News. Retrieved 29 April 2026
  13. ↑ Kavuma, Richard M. (13 January 2011). "Ssemujju Ibrahim Nganda: All That You Didn't Know About This Journalist-Turned-Politician". The Observer (Uganda). Archived from the original on 2 April 2015. Retrieved 17 March 2015.
Bino bigyidwa ku "https://lg.wikipedia.org/w/index.php?title=Ibrahim_Ssemujju_Nganda&oldid=64226"