Rosemary Seninde

Rosemary Nansubuga Seninde, era Rosemary Nansubuga Sseninde (nga ye Rosemary Nansubuga) (yazaalibwa 7 Ogusooka 1965), Munnayuganda, munnabyanjigiriza era munnabyabufuzi. Yaliko Minisita wa omubeezi ow’ebyenjigiriza ebya pulayimale mu kabineti ya Uganda okumala emyaka etaano. Mu kifo ekyo yalondebwa nga 6 Ogw'omukaaga 2016, n’adda mu bigere bya John Chrysostom Muyingo eyafuulibwa Minisita omubeezi ow’ebyenjigiriza ebya waggulu. Yasikirwa Joyce Moriku .

Ensibuko n’obuyigirize

Rosemary Nansubuga yazaalibwa mu Disitulikiti y’e Wakiso nga 7 Ogusooka 1965. Yagenda mu St. Agnes Boarding Primary School e Naggalama okusoma pulayimale ku myaaka emito. Mu St. Joseph's Senior Secondary School e Nsambyagyeyamalira siniya ey'okuna, n'atikkirwa mu 1982. Oluvannyuma yasomera mu Trinity College Nabbingo okusoma A-Level, n'atikkirwa mu 1985.

Mu 1997 yafuna ebbaluwa z'obuyigirize mu busomesa okuva ku Lady Irene College, mu Ndejje, kati eyafuulibwa Ndejje University. TOmwaka ogwaddako, yeetaba mu kubangula okwa wiiki 10 ku National Institute of Small Industries Extension Training (NISIET) mu Hyderabad, India, n'attikirwa n'ebbaluwa y'obuyigirize.

Mu 2001, yatikkirwa dipulooma mu by’enjigiriza, eyaweebwa ekitongole ekisomesa abasomesa ekya Institute of Teacher Education (ITEK), kati ekitundu ku yunivasite y’e Kyambogo . Mu 2005, yafuna diguli esooka mu by’okuddukanya abakozi okuva mu yunivasite y’e Makerere . Oluvannyuma mu 2009, yafuna diguli ey'okubiri mu by’empisa n’okuddukanya emirimu gya gavumenti okuva mu Yunivaasite eye Makerere.

Omulimu gw’obusomesa

Omulimu gwe ogw’obusomesa yagutandika mu 1987 ng’omusomesa/omusomesa mu ssomero lya pulayimale ery’ekisulo okutuusa mu 1994. Oluvannyuma yakyusibwa n'adda mu Wampeewo Senior Secondary School ng’omusomesa, n’aweereza mu kifo ekyo okutuusa mu 2000. Mu 2001, okumala omwaka ogutawera gumu, yakola ng’omusomesa/omusomesa mu Shimoni Teacher Training College.

Eby'obufuzi

Mu 2001, yayingira eby'obufuzi bya Uganda eby’okulonda era n’alondebwa mu Palamenti ya Uganda okukiikirira abakyala b’omu Disitulikiti y’e Wakiso . Yaddamu okulondebwa mu 2006, 2011 ne 2016, era y’abadde mu ntebe . Mu kabineti eyalondebwa nga 6 Ogw'omukaaga 2016, yalondebwa nga Minisita omubeezi ow’ebyenjigiriza ebya pulayimale.

Yaweereza ng'omubaka w'abakyala mu disitulikiti y'e Wakiso mu Palamenti ya Uganda okuva mu 2016 okutuuka mu 2021.

Oluvannyuma lw’okulonda kwa 2021, yafuuka Ssabakunzi w’ekibiina ekya NRM .

Obulamu bwe

Rosemary Nansubuga Sseninde mufumbo eri Zephaniah Kizza Kikoba Walube Sseninde okuva nga 12 Ogw'ekkumi 1985. Maama w'abaana musanvu. Muwala we, Jean Sseninde, mukyala musuubuzi era yaliko omuzannyi w'omupiira ogw'ebigere mu Uganda ne Queens Park Rangers WFC e Bungereza.

Laba ne

• Kabineti ya Uganda
• Palamenti ya Uganda

Ebijuliziddwa wabweeru wa wikipedia

• Omukutu gwa Palamenti ya Uganda