Sheila Kawamara-Mishambi

 

Sheila Kawamara-Mishambi Munamawulire omuna Uganda, y'akulira Eastern African Sub-Regional Support Initiative for the Advancement of Women (EASSI), yaliko omukiise mu East African Legislative Assembly (EALA). Okusooka yamanyibwa nnyo olw'okukwata amawulire agakwata ku kitta bantu e'Rwanda mu 1994 kati amanyikiddwa nga omulwanirizi w'abakyala n'emirimu gy'okulwanirira eddembe ly'abantu wamu n'okujjawo obutakkanya.

Obuto bwe n'okusoma kwe

Kawamara yazalibwa Iganga ew'omugenzi Sergio Kawamara ne Helena Kajumba Kawamara. Baasenguka nebagenda e Tooro mu Disitulikiti ye Kabarole gyebaava okudda e Kampala gyeyatandikira okusoma ku Luzira Primary School. Yasomerako ku Shimoni Demonstration School; esomero eryagatta Indian Primary School ne Shimoni Primary School.

Kawamara yatuula A-level ye ku Trinity College Nabbingo e'Kampala. Eno gyeyawakanyiza abasomesa be abaali bamugamba akole ebyamateka ku yunivasite nasalawo okubera omusomesa. Alina diguli okuva ku Makerere University, ku Institute of Social Studies, The Hague, e'Netherlands, n'okuva ku Uganda Management Institute mu Kampala.

Emirimu gye

Kawamara yafuna obumanyifu olw'emirimu gy'egyokukwata amawulire ku kitta bantu e'Rwanda mu 1994 nga akola ne New Vision Group. Yali omu kukabiina ka banamawulire abana Uganda abaagenda e'Rwanda okukwata amawulire g'ekitta bantu nga wayiseewo ennaku bbiri nga ennyonyi y'eyali Pulezidenti Juvenal Habyarimana ekubiddwa amasasi negwa wansi. Ng'akola emiri gye nga munamawulire, ya somesanga eby'obusubuzi ku Trinity College Nabbingo era yafuuka nankulu wa Uganda Women's Network (UWONET). Okuva mu Museenene wa 2001 okutuusa mu Museenene wa 2006, yali mukiise mu lukiiko lwa East African Legislative Assembly (EALA). Bweyava mulukiiko, yafuuka nankulu wa Eastern African Sub-Regional Support Initiative for the Advancement of Women (EASSI).

Kawamara-Mishambi atandisewo emirimi egyigye nga omuntu era yaliko ne mukibiina kya Cherie Blair Foundation.

Laba ne bino

• Jacqueline Asiimwe
• George Lugalambi