Anne Mary Kobugabe Tumwine

 

Anne Mary Kobugabe Tumwine (yazaalibwa nga 9 Omwezi ogwomwenda 1973) musomesa munnayuganda era munnabyabufuzi era mubaka omukyala mu paalamenti ya Uganda ey'ekkumi n'ey'ekkumineemu ng'omukiise okuva mu disitulikiti y'e Ntoroko era ali mu kibiina ky'ebyobufuzi ekya National Resistance Movement

Obuto bwe n’okusoma kwe

Anne yatandika okusoma mu 1990 era n’afuna satifikeeti ey'ebigezo ebimaliriza omutendera gwa pulayimale (PLE) okuva mu ssomero lya St. Peter and Paul Primary School olwo era n’afuna satifikeeti ya Uganda emaliriza omutendera gwa siniya eyokuna (UCE) mu 1995 okuva mu St. Maria Gorretti, Fort Portal. Yafuna satifikeeti mu by’okuddukanya wooteeri n’ebitongole mu YWCA mu 1996 olwo n’afuna dipulooma eya bulijjo mu nzirukanya ya zi bizinensi okuva mu yunivasite y'e Ndejje mu 2003. Mu 2005 n'era yafuna ne satifikeeti mu by’okuddukanya emirimu gya gavumenti mu yunivasite y’e Makerere ne ddiguli esooka mu nzirukanya ya zi bizinensi okuva mu Bishop Stuart University, Mbarara mu 2012.

Emirimu gye

Entandikwa

Mu 1997–2000, Anne yali atuukirwako abagenyi / akwata ensimbi ku wooteeri ya Nile international ,kitunzi era abudaabuda n'okulabirira ba bakasitoma ku kkampuni ya Excel logistics 2000–2006. Mu 2007,2008 ne 2009 yali nannyini w’amasomero: Ebenezer Hope Primary School, Nakivale Hope Primary School ne Trust Primary School Mbarara nga bwegaddiringana era kati yaddukanya zipulojekiti ku kifo ky'abaana ekya RWCA/Trust Children Centre.

Emirimu gy'ebyobufuzi

Anne yali mubaka omukyala owa paalamenti ya Uganda ey'ekkumi ng'omukiise okuva mu disitulikiti y'e Ntoroko era nga yali kitundu ku kibiina kya National Resistance Movement. Ye omubaka wa palamenti omukyala eyalondebwa mu paalamenti ya Uganda ey’ekkumi n’emu okuva mu disitulikiti y’e Ntoroko mu 2021–2026.

Obulamu bwe ng'omuntu

Anne yafumbirwa Omutume Willy Tumwine ow’ekkanisa ya Holy Spirit Fire esangibwa mu kibuga Mbarara. Omutume Tumwine mutuuze w’e Rwanyamehembe eggombolola - Kashari- disitulikiti Mbarara era okusomesa abavubuka; obulungi bw’abakyala n’okulungamya bye bimu ku by’ayagala ennyo okukola.

Laba ne

• Olukalala lw’abakiise mu Palamenti ya Uganda ey’ekkumi n’emu
• Olukalala lw'ababaka aba paalamenti ya Uganda ey'ekkumi
• Ekibiina ky’eggwanga eky’okuziyiza
• Disitulikiti y’e Ntoroko
• Palamenti ya Uganda

Ebijuliziddwa

1. "Parliament of Uganda". www.parliament.go.ug. Retrieved 2021-04-03.
2. "Pastor Joins Mbarara MP Race". Mbarara News (in American English). 2019-09-19. Archived from the original on 2020-05-20. Retrieved 2021-04-03.
3. acmeug (2020-07-13). "List of Members of the 10th Parliament of Uganda". Uganda Journalists' Resource Centre (in American English). Archived from the original on 2022-09-01. Retrieved 2021-04-03.

Ebijuliziddwa wabweru wa Wikipedia

• Omukutu gwa Palamenti ya Uganda