Elio Capradossi,

Elio Capradossi nga Akyazannyira Cagliari

Elio Capradossi (yazaalibwa 11 Ogwokusatu 1996) muzannyi wa mupiira munna Uganda era nga omupiira ogwensimbi aguzannyira mu kiraabu ya Cittadella ezannyira mu kibinja ekya Serie B nga kino kyekibinja ekiddirira eky'okuntikko mu gwanga lya Italy. Yadde nga Capradossi azannya nga omuzibizi ku ttiimu y’eggwanga Uganda, yazannyirako ne ttiimu zabavubuka ez'eggwanga lya Italy.

Nga omuzannyi wa kiraabu

Capradossi yava mu ttendekero (Academy) lya kiraabu eya Roma . Mu sizoni ya 2015–2016, Capradossi Yaakulembera kiraabu ya Roma eyabali wansi w'emyaka 19 nga kapiteeni okuwangula empaka zabali wansi w'emyaka 19 mu ggwanga lya Italy.

Mu katale k'okyuusa abazannyi ak'omwaka 2016 yeegatta ku kiraabu ya Bari mu Serie B ku buyazike bwatyo nazannya omupiira gwe ogwa liigi ogwasooka nga 24 Ogwomwenda 2016 kiraabu ye bweyali ezannya ne Benevento ku kisaawe ekiyitibwa Stadio San Nicola . Capradossi ku Bari yamalayo sizoni emu n'ekitundu era bwatyo nadda ku kiraabu ya Roma ku ntandikwa ya 2018.

Nga 6 Ogwokutaano 2018 yazannya omupiira gwe ogwasooka ku kiraabu ya AS Roma enkulu era mu mupiira ogwo baawangula kiraabu ya Cagliari mu maka gaayo ggoolo 1-0 era nga Capradossi omupiira guno yagutandika.

Mu Gwomusanvu 2018 Capradossi yaddamu okugenda ku buyazike ku kiraabu eyitibwa Spezia nga nayo ya kibinja kya Serie B era nabeerayo okutuusa mu Gwomukaaga 2019.

Mu mwezi gwomunaana ku ntandikwa ya sizoni ya 2019, Capradossi yassa omukono ku ndagaano ya myaka ena okuzannyira Kiraabu ya Spezia.

Capradossi nga amaze okwegatta ku Spezia Calcio ku ndagaano ey'enkalakkalira ate yafuna okusoomozebwa oluvannyuma lwokufuna obuvune mu mwezi Ogwomusanvu 2020 era obuvune buno nebumulemesa okuzannya omupiira okumala emyezi kumi egyaddirira kyokka oluvannyuma yawona era omupiiira wakati wa Spezia ne Roma gwamukomyawo okuzannya mu Serie A oluvannyuma lw’emyaka esatu.

Mu Gwomwenda 2022, Capradossi yegatta ku kiraabu ya Cagliari kundagaano ya myaka ebiri.Kyokka oluvannyuma waaliwo okukaanya wakati wenjuyi zombi endagaano eno nesazibwamu

Nga 2 Ogwokubiri 2024, Capradossi yeegatta ku kiraabu ya Lecco ezannyira mu kibinja kya Serie B .

Nga 25 Ogwekkuminogumu 2024, Capradossi yegatta ku Cittadella nayo nga ya kibinja ekyokubiri ekiyitibwa Serie B .

Omupiira kumutendera gwamawanga

Capradossi yasooka kuzannyira ttiimu ya Yitale eyabali wansi w'emyaka 17 neyeetaba mu mpaka za mawanga ga Bulaaya ez'abali wansi w'emyaka 17 mu 2013 kwossa n'okuzannya mu mpaka z'ekikopo ky'ensi yonna ekyabali wansi w'emyaka 17 mu mwaka 2013.

ku mutendeera gwabali wansi w'emyaka 21 era yazannyira ttiimu ya Italy era omupiira gwe ogwasooka ku mutendera guno yaguzannya nga 5 Ogwekkumi 2017 nebawangula eggwanga lya Hungary ggoolo 6-2 mu mupiira ogwomukwano.

Ono mu June wa 2024 yayitibwa ku ttiimu ya Uganda era bwatyo nakkiriza nakyuusa eggwanga lyazannyira era nga kino kyasoboka kuba Capradossi yazaalibwa mu kibuga Kampala. Yasooka okuzannyira Uganda nga 7 June 2024 mu mupiira gw'okusunsulamu abanazannya World Cup wakati wa Uganda ne Botswana mu kisaawe kya Namboole era nazannya eddakiika zonna Uganda nga ewangula ggoolo 1:0

Enzannya ye

Capradossi abasinga bamugerageeranya nomuzannyi munnansi wa Yitale Angelo Ogbonna olw’enzannya erimu okukozesa amaanyi, kwossa n'obukoddyo ate nga n'obuwanvu kyenkana babwenkanya. Capradossi mukugu nyo mukugaba omupiira, kwossa n'okugwa mu nnumba z'omulabe nga aziyiza omupiira okutuuka eri oyo gweguba guweerezeddwa. Ono era ayina amanyi mu mubiri ekimusobozesa okuzannya obulunji kwossa obusobozi mu kutomera omupiira

Obulamu obwabulijjo

Capradossi yazaalibwa mu kibuga kya Uganda ekikulu Kampala nga kitaawe munnansi wa Yitale ate nga maama we asibuka mu ggwanga lya D.R. Congo. Bweyali aweza emyaka ebiri yasengukira mu ggwanga lya Yitale nebazadde be era nafuna obutuuze. Kitaawe yakulirako Kiraabu ya Roma ey'omuzannyo gwa Rugby.