Miss Uganda

Miss Uganda oba Miss Uganda World empaka z'eggwanga ez'obwannalulungi mu Uganda .

Ebyafaayo

Empaka z'obwannalulungi wa Uganda zaatandika mu 1967, ng’omuwanguzi waazo yeetaba mu mpaka z'obwannalulungi obw'ensi yonna, newankubadde nga bukya zitandikibwawo nnalulungi wa Uganda omu yekka yeyatuuka ku fayinolo. Minisitule y’ebyobulimi eragira Nnalulungi wa Uganda okuba n’ekigendererwa ekyokwongera okwagazisa abavubuka ebyobulimi.

Mu 2014, Salim Saleh yalangirira mu lujjudde enkolagana wakati w'ekitongole ekya Miss Uganda Foundation, abategesi b’empaka zino eza buli mwaka, ne pulogulaamu y’okutondawo obugagga Saleh gy’akulira. "Tutuuse kumpi okussa omukono ku ndagaano y'okutegeeragana n'ekitongole kya Miss Uganda Foundation kubanga twagala okulonda Nalulungi wa Uganda addako nga tusinziira ku by'obulimi era kino kigendereddwamu okusikiriza abavubuka okuyingira mu mulimu guno," Saleh bwe yagambye.