Nimisha Madhvani
| Ekikula | mukyala | |
|---|---|---|
| Yazaalibwa nga | 1 Gwamukaaga(Ssebaaseka) 1956 | |
| Gy'azaalwa | Kakira | |
| Omulimu | munnabyabufuzi | |
| Gyabeera | Abu Dhabi | |
Nimisha Jayant Madhvani munnabyabufuzi wa Uganda, mu kiseera kino akola ng'omubaka wa Uganda mu Bungereza. Mu kusooka yali omubaka wa Uganda mu Amawanga ga Nordic era n'aweebwa olukusa mu Denmark, Finland, Iceland, Norway ne Sweden.
Yasooka kubeera mubaka wa Uganda mu United Arab Emirates, n’ekitongole ky’ensi yonna ekivunaanyizibwa ku masannyalaze agazzibwawo (IRENA).[1]
Nga kino tekinnabaawo, yali mubaka wa Uganda mu France, Spain, Portugal ne UNESCO, ng'abeera mu Paris.[2]
Ebyafaayo n’obuyigirize
[kyusa | kolera mu edit source]Yazaalibwa mu Uganda mu 1959 mu maka ga Meena Madhvani ne Jayant Madhvani, bombi Bannayuganda nga baava mu Buyindi.[3] Jayant yali mubereberye ku batabani abataano aba Mulji Prabhudas Madhvani (1894–1958), munnamakolero, omusuubuzi eyatandikawo ekibiina kya Madhvani Group of Companies mu 1930.[4] Nimisha yakulira mu maka g'abazadde b'e Kakira, nga essaawa emu n'ekitundu okuva mu buvanjuba bw'ekibuga ekikulu, Kampala. Nakyemalira Idi Amin bwe yagoba Bannayuganda abava mu Asia mu 1972, bagenda e Bungereza ne famire ye, bwe yali wa myaka 13.[3]
Omulimu gw’obubaka
[kyusa | kolera mu edit source]Ekibiina kya National Resistance Movement ekiriwo kati bwe kyawamba obuyinza mu myaka gya 1980, famire ya Madhvani yaddayo mu Uganda ne yeddiza eby’obugagga byabwe.[3] Mu myaka gya 1990 Nimisha yeegatta ku Uganda foreign service, yasooka kusindikibwa mu Washington, DC, nga omuwandiisi asooka ku kitebe kya Uganda eyo. Mu 2007, yakyusibwa n’atwalibwa mu kakiiko ka Uganda High Commission mu Buyindi, akasangibwa e New Delhi, ng’omumyuka.[5] Nga wayise omwaka gumu, yalondebwa okuba High Commissioner omujjuvu, n'aweereza mu kifo ekyo okuva mu Gwokuna 2008.[6] Bwe yali eyo, mu kiseera kye kimu yakkirizibwa okugenda mu Bangladesh, Bhutan, Indonesia, Malaysia, Myanmar, Singapore, Sri Lanka ne Thailand.[3]
Mu summeer ya 2014 Nimisha yakyusibwa n’atwalibwa ku kitebe kya Uganda e Paris ekya Bufalansa ng’Omubaka, n’aweereza mu kifo ekyo okutuusa mu 2017. Bwe yali eyo, era yaweereza ng’omubaka w’eggwanga lye mu Portugal, Spain, BIE, OECD ne UNESCO.[7] Mu Gwoluberyeberye 2017 yasindikibwa e Abu Dhabi ng’omubaka wa Uganda kyokka oluvannyuma n’ayitiibwa olw’okuleetawo akakuubagano wakati wa gavumenti ya UAE ne Uganda.[8] Mu kibuga Paris yasikizibwa Richard Nduhura, eyali omukiise wa Uganda ow'enkalakkalira ku kitebe ky'ekibiina ky'Amawanga Amagatte mu kibuga New York.[7] Mu Gwekkuminoogumu 2018, yasindikibwa ku kitebe kya Uganda ekya Copenhagen, ekikkirizibwa mu mawanga ga Nordic, ng’adda mu bigere bya Ambasada Kibedi Zaake Wanume, eyasindikibwa mu Abu Dhabi, mu United Arab Emirates. Mu 2020 yazzibwayo mu Kampala oluvannyuma lw'amaloboozi agafuluma nga Nimisha Madhvani yeekobaana ne banne mu kitebe ne babba n'okugaba ensimbi ezaaweebwayo okuyamba Bannayuganda ababundabunda abakoseddwa ekirwadde kya Covid-19 mu nsi yonna.
Ebijuliziddwa
[kyusa | kolera mu edit source]- ↑ Kyatusiimire, Sharon (7 May 2018). "Nimisha Madhvani Appointed Uganda's Representative to IRENA". Chimp Reports Uganda. Retrieved 28 November 2018.
- ↑ Embassy of Uganda in Paris, France (21 April 2017). "Ambassador Nimisha Madhvani Meets Director General of UNESCO". Embassy of Uganda in Paris, France. Archived from the original on 29 November 2018. Retrieved 28 November 2018.
- 1 2 3 4 Singh, Shubha (23 April 2008). "Uganda makes a point with Indian origin envoy". Retrieved 9 November 2017.
- ↑ Odongo, Jacobs (29 July 2008). "From India, Penniless, Madhvani Made A Fortune In Uganda". Retrieved 9 November 2017.
- ↑ TTOI (8 May 2007). "Minister sells Uganda to Gujaratis". Retrieved 9 November 2017.
- ↑ Statehouse Uganda (12 April 2012). "President mourns Manubhai M. Madhvani". State House Uganda (SHU). Retrieved 9 November 2017.
- 1 2 Vision Reporter (28 April 2017). "I will retire in Uganda - UNESCO Boss". Retrieved 9 November 2017.
- ↑ Kaaya, Sadab Kitatta (16 May 2018). "UAE, Kampala row deepens as Arab country demands apology". The Observer - Uganda (in British English). Retrieved 2021-03-15.