Jump to content

Nimisha Madhvani

Bisangiddwa ku Wikipedia

 

Nimisha Jayant Madhvani mukungu munnayuganda, mu kiseera kino akola nga omubaka wa Uganda e Bungereza . Emabegako yaliko omubaka wa Uganda mu mawanga agayitibwa Nordic countries yakakasibwa ku bubaka bw'amawanga Denmark, Finland, Iceland, Norway ne Sweden .

Nga tannatuuka kwekyo, yaweerezaako ng'omubaka wa Uganda mu United Arab Emirates, n’ekitongole ky'ensi yonna eky'amasannyalaze agazzibwa obuggya ki (International Renewable Energy Agency - IRENA). [1]

Ekyo nga tekinnnabaawo, yali mubaka wa Uganda mu Bufalansa, Spain, Portugal ne n'ekitongole ky'amawanga amagatte eky'ebyobuwangwa ki UNESCO, ng’asinnzira mu Paris . [2]

Obuvo bwe n’okusoma kwe

[kyusa | kolera mu edit source]

Yazaalibwa mu Uganda mu 1959 eri Meena Madhvani ne Jayant Madhvani, bombi bannansi ba bannayuganda abasibuka e Buyindi. [3] Jayant yali omuggulanda ku batabani abataano aba Mulji Prabhudas Madhvani (1894–1958), munnamakolero, omutandisi w'emirimu eyatandikawo ekibinja ky'amakampuni ageegattira mu Madhvani mu 1930. [4] Nimisha yakulira ku nnyumba y'amaka e Kakira, oluvuga lwa ssaawa emu n'ekitundu ng'odda ebuvanjuba bw'ekibuga ekikulu, Kampala . Nakyemalira Idi Amin bwe yagoba Bannayuganda aba Asia mu 1972, yaasengukira e Bungereza n'abomumakaage ,bweyali nga wa myaka kkumi neesatu13. [3]

Emirimu gye egy'obukungu / egy'obubaka bw'amawanga ag'ebweru

[kyusa | kolera mu edit source]

Ekibiina ekiri mu buyinza kati ekya National Resistance Movement bwe kyawamba obuyinza mu myaka gya 1980, famire ya Madhvani yaddayo mu Uganda ne beddiza eby’obugagga byabwe. [3] Mu myaka gya 1990 Nimisha yeegatta ku buweereza bwa Uganda obw'ebweru, nga yasooka kusindikibwa mu Washington DC ng'omuwandiisi asooka mu kitebe kya Uganda eyo. Mu 2007, yatwalibwa mu kakiiko ku Kitebe kya Uganda mu Buyindi, ekisangibwa mu New Delhi, ng’akulira ekitebe owookubiri. [5] Oluvannyuma lw'omwaka gumu, yalondebwa okuba omubaka ow'enkalakkalira, n'aweereza mu kifo ekyo okuva mu Mwezi ogwokuna 2008. [6] Bwe yali eyo, mu kiseera kye kimu yakkirizibwa okuba omubaka wa Uganda mu Bangladesh, Bhutan, Indonesia, Malaysia, Myanmar, Singapore, Sri Lanka ne Thailand. [3]

Mu kiseera ky'omusana (summer) ekya 2014 Nimisha yakyusibwa n’atwalibwa mu kitebe kya Uganda e Paris Bufalansa ng’omubaka, n’aweereza mu kifo ekyo okutuusa mu 2017. Bwe yali eyo, era yaweereza ng’omubaka w’eggwanga lye e Portugal, Spain, BIE, OECD ne UNESCO. [7] Mu Mwezi ogusooka 2017 yasindikibwa e Abu Dhabi ng’omubaka wa Uganda kyokka oluvannyuma n’ayitiibwayo olw’okuleetawo obutakkaanya wakati wa gavumenti y'ekyondo kya Buwarabu (UAE) ne Uganda. [8] Yasikizibwa Richard Nduhura mu kibuga Paris , emabegako eyali omukiise wa Uganda ow'enkalakkalira ku kitebe ky'ekibiina ky'Amawanga Amagatte mu Kibuga New York . [7] Mu Mwezi ogwekkuminoogumu 2018, yasindikibwa mu kitebe kya Uganda ekya Copenhagen, ekivunaanyizibwa ku mawanga ageegattira wansi wa Nordic, ng’adda mu bigere bya Ambasada Kibedi Zaake Wanume, eyasindikibwa mu Abu Dhabi, mu kyondo kya Buwarabu ( United Arab Emirates). Mu 2020 yayitibwa okudda e Kampala oluvannyuma lw'akatambi k'amaloboozi akaasomolwa okuvaayo nga Nimisha Madhvani yeekobaana ne banne mu kitebe okubba n'okugaba ensimbi ezaaweebwayo okuyamba Bannayuganda ababundabunda abaakosewa ekirwadde kya lumiima mawugwe ( Covid-19) nawookera eyafukamiza ensi yonna .

Ebijuliziddwa

[kyusa | kolera mu edit source]
  1. Kyatusiimire, Sharon (7 May 2018). "Nimisha Madhvani Appointed Uganda's Representative to IRENA". Kampala: Chimp Reports Uganda. Retrieved 28 November 2018.
  2. Embassy of Uganda in Paris, France (21 April 2017). "Ambassador Nimisha Madhvani Meets Director General of UNESCO". Embassy of Uganda in Paris, France. Archived from the original on 29 November 2018. Retrieved 28 November 2018.
  3. Singh, Shubha (23 April 2008). "Uganda makes a point with Indian origin envoy". Hindustan Times. New Dheli. Retrieved 9 November 2017.
  4. Odongo, Jacobs (29 July 2008). "From India, Penniless, Madhvani Made A Fortune In Uganda". New Vision. Kampala. Retrieved 9 November 2017.
  5. TTOI (8 May 2007). "Minister sells Uganda to Gujaratis". The Times of India (TTOI). Mumbai. Retrieved 9 November 2017.
  6. Statehouse Uganda (12 April 2012). "President mourns Manubhai M. Madhvani". Entebbe: State House Uganda (SHU). Retrieved 9 November 2017.
  7. Vision Reporter (28 April 2017). "I will retire in Uganda - UNESCO Boss". New Vision. Kampala. Retrieved 9 November 2017.
  8. Kaaya, Sadab Kitatta (16 May 2018). "UAE, Kampala row deepens as Arab country demands apology". The Observer - Uganda (in British English). Retrieved 2021-03-15.
  1. ↑ Kyatusiimire, Sharon (7 May 2018). "Nimisha Madhvani Appointed Uganda's Representative to IRENA". Chimp Reports Uganda. Retrieved 28 November 2018.
  2. ↑ Embassy of Uganda in Paris, France (21 April 2017). "Ambassador Nimisha Madhvani Meets Director General of UNESCO". Embassy of Uganda in Paris, France. Archived from the original on 29 November 2018. Retrieved 28 November 2018.
  3. 1 2 3 4 Singh, Shubha (23 April 2008). "Uganda makes a point with Indian origin envoy". Retrieved 9 November 2017.
  4. ↑ Odongo, Jacobs (29 July 2008). "From India, Penniless, Madhvani Made A Fortune In Uganda". Retrieved 9 November 2017.
  5. ↑ TTOI (8 May 2007). "Minister sells Uganda to Gujaratis". Retrieved 9 November 2017.
  6. ↑ Statehouse Uganda (12 April 2012). "President mourns Manubhai M. Madhvani". State House Uganda (SHU). Retrieved 9 November 2017.
  7. 1 2 Vision Reporter (28 April 2017). "I will retire in Uganda - UNESCO Boss". Retrieved 9 November 2017.
  8. ↑ Kaaya, Sadab Kitatta (16 May 2018). "UAE, Kampala row deepens as Arab country demands apology". The Observer - Uganda (in British English). Retrieved 2021-03-15.

Ebijuliziddwa wabweru wa wikipedia

[kyusa | kolera mu edit source]
Bino bigyidwa ku "https://lg.wikipedia.org/w/index.php?title=Nimisha_Madhvani&oldid=44255"