Samson Kisekka

Samson Babi Mululu Kisekka (23 Ogwomukaaga 1912 – 25 Ogwekkumi 1999) yali munnabyabufuzi Omunnayuganda era nga ye Ssabaminisita wa Uganda okuva mu 1986 okutuuka mu 1991 era nga ye mumyuka wa Pulezidenti wa Uganda ow'okutaano okuva mu 1991 okutuuka mu 1994. Yaweerezaako ng'omusawo era omubaka wa Gavumenti . Yali akolagana nnyo ne Yoweri Museveni .

Ebikwata ku bulamu bwe

Ku myaka mwenda gyokka, Samson yatwalibwa mu masomero ga Kira ne Ngogwe Central Schools nga gano gaali wala okuva n'ewaabwe e Nakifuma. Oluvannyuma lw’emyaka etaano, ng'ayolesa omutindo gwe ogw’ekitalo, yaweebwa sikaala okumala emyaka esatu ng'asomera ku King’s College Buddo. Oluvannyuma lwa Buddo, yafuna sikaala endala, ku mulundi guno yamala emyaka mukaaga ng’asoma obusawo mu bbanguliro ly’obusawo erya Makerere University era n’afuuka omusawo ow’ekitiibwa. Yali omu kubagezi, omukulembeze, era munnabyamizannyo omukuukutivu kuba yali omu ku bazannyi ba ttiimu "ekkumi n'emu abasooka" (ab'azannya mu mupiira gwa Uganda Vs Kenya) nga yawangula ekirabo kya ky'omuzannyi asukkulumye ku balala mu yunivasite y'e Makerere mu Gwekkuminebiri 1935.