William Byaruhanga

William Byaruhanga Munna Uganda omusuubuzi ate nga munnamateeka omutendeke ali ku ddaala erya senior counsel (kino kyekitiibwa ekisinga okuba ekya waggulu mu bannamateeka abawoza emisango nga ba Puliida). Byaruhanga yaliko ssabawolereza wa gavumenti ya Uganda era nga Pulezidenti Yoweri Museveni yamulonda ku kifo kino nga 6 Ogwomukaaga 2016 bweyali akola kabineti empya okuddukanya gavumenti oluvannyuma lwakalulu ka bonna aka 2016. Byaruhanga Yasikira Fred Ruhindi eyali Ssabawolereza.

Ensibuko n’obuyigirize

William Byaruhanga yazalibwa mu kibuga Fortportal mu bugwanjuba bwa Uganda. Ono oluvannyuma lwemisomo gya Pulayimale ne siniya yeyunga ku yunivasite e Makerere, okusoma amateeka era natikkirwa digulu mu mateeka eya Bachelor of Laws . Oluvannyuma lw'okumaliriza e misomo ku yunivasite e Makerere, Byaeuhanga yagenda ku ttendekero lya bannamateeka erya Law Development Center, gyeyasomera era natikkirwa Dipulooma mu by'amateeka eyitibwa Diploma in Legal practice bwatyo natandika okuwoza emisango mu kooti za Uganda mu mwaka 1988. Byaruhanga munnamateeka kampuni za bannamateeka ez'enjawulo omuli Hunter & Greg oluvannyuma eyafuuka Katera, Kasibayo, Kagumire & Co Advocates ne Binaisa & Co. Advocates.

Byaruhanga nga tannalondebwa ku bwa Ssabawolereza mu mwaka 2016 yali akola ne kampuni ya bannamateeka eya Kasirye, Byaruhanga and Company Advocates nga munnamateeka omukulu (principal partner) Kampuni eno William Byaruhanga yajitandika ne munne Andrew Kasirye mu mwaka 1991. Nga munnamateeka Byaruhanga akwasaganya ensonga z'ebyobusuubuzi, enzirukanya y'ebitongole n'amakampuni

Obuvunaanyizibwa obulala

William Byaruhanga atuula ku lukiiko olufuzi olwa kampuni ya Centum Investments, okuva mu Gwekkumi 2016.

Laba ne

• Kabineti ya Uganda
• Palamenti ya Uganda
• Kiryowa Kiwanuka